Shirweynaha Qaran ee Horumarinta Saxaafadda Soomaaliya oo ka furmay Muqdisho (SAWIRRO)
.jpg)
Isniin, Janaayo 11, 2016 (HOL) —Magaalada Muqdisho ee caasimadda Soomaaliya waxaa maanta si Rasmi ah uga furmay Shir-weynaha qaran ee Istaraatijiyadda Horumarinta War-baahinta Soomaaliyeed ee 5-ta sano ee soo socota.
Shirkan ayaa waxaa kas qeybgalay ra'iisul wasaare ku xigeenka Somalia Maxamed Cumar Carte, wasiirka warfaafinta, Maxamed Cabdi Maareeye, Wasiirrada Warfaafinta Puntland, Galmudug, Koonfur-galbeed iyo Wakiillo ka socday Jubbaland.
Sidoo kale waxaa shirka goobjoog ka ah wakiillo ka socday hay'adaha u dooda saxaafadda, madaxda ururrada saxaafadda madaxa bannaan ee dalka iyo qaar kamid ah agaasimeyaasha xarumaha warbaahinta Soomaaliyeed.
Shirka ayaa waxaa furay RW ku xigeenka Somalia , isagoo sheegay in shirkani yahay mid ahmiyad gaar ah leh, isla markaana la rabo in laga soo saaro is-taraatijiyad ay ku shaqeyn karto warbaahinta Somalia shanta sano ee soo socota.
Wasiirka Warfaafinta, hidaha iyo dhaqanka dowladda Somalia, Maxamed Cabdi Xayir oo isna madasha ka hadlay ayaa sheegay in ujeedada shirkan ay tahay in marka koowaad laga doodo istaraatijiyada shanta sano ee warbaahinta dalka iyo in sidoo kale lagu soo bandhigi xeerkii saxaafadda Soomaaliya ee uu baarlamanku ansixiyay Madaxweeynuhuna saxiixay.
Sidoo kale waxaa meesha ka hadlay xoghayaha ururka suxufiyiinta qaranka Soomaaliyeed Max'ed Ibraahim Bakistaan, isagoo ka sheekeeyay marxalidihii kala duwanaa ee uu soo maray xeerka saxaafadda Soomaaliya, kaa oo uu xusay in ka urur ahaan ay kaalin weyn ku lahaayeen.
Madaxda maamul-gobleedyada oo iyaguna goobta ka hadlay ayaa waxay shegeen inay soo dhaweynayaan sharciga xeerka saxaafadda Somalia ee uu baarlamaanku Ansixiyay, iyagoo sheegay in qodobbo ay jeclaayeen in wax laga badalana ay ka rajeeynayaa gudiga gacanta ku haya in ay ku daraan xeer hoosaadka uu yeelan doono sharcigaasi.
Kulanka ayaa la filayaa in lasoo gaba-gabeeyo berry oo Talaado ah, iyadoo laga soo saari doono Warmurtiyeed ku saabsan Qodobbada ay isku af-garteen dhinacyada Warbaahinta Soomaaaliyeed.
Xasan Nuur, Hiiraan Online
[email protected]
Kismaayo-Soomaaliya
More News
- SOMALILAND: Xukunno Toogasho ah oo Maanta lagu fuliyay Afar Askari oo horay dilal u geystay
- Madaxweynaha Khaatumo oo Dadaal Weyn ugu jira sidii loo Mideyn lahaa Maakhir & Khaatumo
- PROF. Cabdi Ismaaciil Samatar oo ka hadlay sida loo xoojin karo Midnimada Somalia (SAWIRRO)
- Abwaan Cali Sugule oo ku geeriyooday Maanta Isbital lagu daweynayay oo ku yaala Imaaraadka
- Shirka wadatashiga doorashooyinka ee ka furmi lahaa maanta Kismaayo oo mar kale dib u dhacay
- Ardaydii Jaamacadda Garrisa Qaar ka mid ah oo maanta Waxbarashadoodii billaabay (SAWIRRO)
- SIILAANYO: Somalia waxaan leeyahay u dulqaadan mayno fara-gelinta aad ku haysaan Somaliland
- Golaha Odayaasha dhaqanka Gobolka Hiiraan oo Qaadacay Shirka ka Furmay Magaalada Jowhar
- SAWIRRO: Dibadbax lagu Taageeray dagaalka ka dhanka ah Al-shabaab oo Muqdisho ka dhacay
- Jaamacadda Carabta oo Cambaareyn dusha uga tuurtay Iiraan kaddib markii Xiriirka loo Jaray
- SAWIRRO: Mareykanka & Yurub oo lagu qabtay duco loo sameeyay Ugaas C/raxmaan U. Khaliif