3/29/2024
Today from Hiiraan Online:  _
Wararka Maanta- Isniin, Jun 10, 2013
MADAXWEYNAHA SOMALIA: “Waxaan ku baaqayaa in la joojiyo Dagaallada Kismaayo oo aysan xabbad dambe dhicin”

Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamuud oo ka hadlay xiisadaha ka taagan magaalada Kismaayo ayaa ku baaqay in dagaallada la joojiyo, lagana soo qaybgalo shirweyne ay dowladdu u qabanayso dadka ku nool Jubbooyinka.

Xasan Sheekh wuxuu xusay inuu walaalihiisa ku nool Kismaayo ugu baaqayo inay joojiyaan xabbada oo aysan xabbad dambe dhicin, isagoo sheegay in horay loogu soo daalay in qoriga caaraddiisa lagu gaaro mansab, balse loo baahan yahay in khilaafyada jira lagu dhameeyo nabad.

“Magacayga iyo magaca shacabka Soomaaliyeed ee aan madaxweynaha u ahay waxaan idin kaga codsanayaa inaad dagaalka ku joojisaan, yaana lagu waayin dagaalladan dadkii naftooda u soo huray dalkaan,” ayuu shir jaraa’id ku yiri madaxweynaha Soomaaliya.

Waxgaradka iyo odayaasha magaalada Kismaayo ayuu ugu baaqay inay ka saaran tahay mas’uuliyad inay colaadda joojiyaan, isagoo dadka siyaasadda isku-hayana uu ugu baaqay inay ka faa’iideystaan waayo-aragnimadii hore ee laga dhaxlay colaadaha dalka uu soo maray..

“Siyaasiyiinta deegaankaas kasoo jeeda ee daneynaya siyaasadda waa inay wax ku qaataan waayo-aragnimadii aan ka dhaxalnay dagaallada oo aysan xabbad wax ku raadin,” ayuu hadalkiisa ku daray.

Madaxweynuhu wuxuu sheegay in dowladda ay dhawaan qaban doono shir-weyne la isugu keenayo dhammaan dadka ku nool Jubbooyinka kaasoo ah id looga hadlayo walaalnimada, is-qadarinta iyo maamul ay leeyiiin shacabka kasoo jeeda deegaankaas oo la sameeyo, waxaana dhawaan soo saaraynaa taariikhda uu dhacayo shirkaas iyo dadka loo qaateenka ah ee qaban-qaabin doona.

“Haddii waxa hadda jira ay raalli ka yihiin iyagaa go’aan ku gaaraya, haddii ay wax cusub inay la yimaadaan ay doonayaanna iyaga ayaa go’aankeeda iska leh, dowladdu doorkeeda ku aaddan shirkaas waa inay fududeyso oo keliya,” ayuu mar kale yiri madaxweynuhu.

Waa markii ugu horreysay oo madaxweynaha Soomaaliya uu si toos ah uga hadlo dagaalladii ka dhacay magaalada Kismaayo, iyadoo dagaalladaas ay sababeen khasaare dhimasho iyo mid dhaawac oo soo gaartay shacabka ku nool magaaladaas iyo dhinacyadii dagaalamayay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/10/2013 1:55 PM EST
Isniin, Juun 10, 2013 (HOL) —Waftigii uu hogaaminayey Maayarka magaaladda Hargeysa, ayaa maanta dib ugu soo laabtay magaaladda Hargeysa, ka dib markii dhawr toddobaad safar shaqo ku maqnaayeen dalka Sweden oo ay casuumad ka heleen maayarka magaaladda Stockholm ee dalkaasi.

6/10/2013 1:44 PM EST
Isniin, Juun 10, 2013 (HOL) — Kulan socday hal maalin oo ay soo qaban-qaabiyeen wasaaradaha shaqada iyo arimaha bulshada iyo qorshaynta qaranka ee Somaliland oo looga hadlayay sidii shaqooyin loogu abuuri lahaa dhallinyarada Soomalialnd ayaa lagu qabtay magaalada Boorame ee xarunta gobolka Awdal.

6/10/2013 1:18 PM EST
Isniin, Juun 10, 2013 (HOL) — Xaflad lagu maamuusayay furitaanka iyo wareejinta xafiisyo cusub oo hay’adda SAACID ka hirgelisay degmada Kaaraan ee gobolka Banaadir ayaa maanta lagu qabtay degmadaas, iyadoo munaasabaddii furitaanka xafiisyadaas ay kasoo qaybgaleen mas’uuliyiin ka kala socotay maamulka degmada Kaaraan, madaxda hay’adda SAACID iyo marti sharaf kale.

6/10/2013 11:02 AM EST
Isniin, Juun 10, 2013 (HOL) — Dowladda Soomaaliya ayaa maanta xaflad sagootin ah ugu sameysay madaxtooyada Soomaaliya, danjirihii hore ee Qaramada Midoobay u qaabilsanaa Soomaaliya iyo madaxii xafiiska UNPOS, dajire Augustine Mahiga oo howshan hayay muddo saddex sano ah.

6/10/2013 9:12 AM EST
Isniin, Juun 10, 2013 (HOL) — Ciidammo booliis ah oo loogu talo-galay ka hortagga waxyaabaha qarxa iyo badbaadinta dadka wax ku noqda qaraxyada ayaa maanta dhoolla-tus kusoo bandhigtay magaalda Muqdisho ee xarunta Soomaaliya.

6/10/2013 8:23 AM EST
Isniin, Juun 10, 2013 (HOL) — Wasiirka Qorsheynta Qaranka oo ah Gudoomiyaha gudidda la tashiga deeqaha Somaliland, Dr:Sacad Cali Shire, ayaa sheegay in 21 shirkadood haleen mashaariic ay shaqo ka helayaan lix boqol oo qof, waxaanu ugu baaqay shirkadahaasi inay shaqaalaha ay qoran doonaan ku qaataan aqoon iyo cilmi, balse aanay garasho iyo qabyaaladda ku qaadan.

6/10/2013 8:22 AM EST
Isniin, Juun 10, 2013 (HOL) — Xaalad nolal xumo ayaa soo food saartay qoysas danyar iyo barakacayaal isugu jira oo ku dhaqan degmada Jalalaqsi ee gobollka Hiiraan iyo deegaannada ku dhaw dhaw oo ay maamulaan xoogagga Al-shabaab.

6/10/2013 8:21 AM EST
Isniin, Juun 10, 2013 (HOL) — Maxkamadda degmadda Hargeysa, ayaa xukuntay Saddex qof oo Itoobiyaan ah oo lagu eedeeyey fidinta diinta Kiristaan, isla markaana laba ka mid ah xoriyadoodii loo soo celiyey, halka midna lagu xukumay laba milyan oo Shiling Somaliland iyo mustaafuris aanay dib dambe ugu soo noqon karin dalka.

6/10/2013 6:54 AM EST
Isniin, June 10, 2013(HOL) :- Xaaladda Magaalada Kismaayo ayaa ah mid dagan walow aan ilaa imika lakala qaadin ciidamadii isku horfadhiyay gudaha magaalada ee kala taabacsanaa maamulka Kismaayo iyo ciidamada daacadda u ah Iftiin Xasan Baasto oo isaguna ka mid ah masuuliyiinta sheeganeeysa hogaanka Jubbaland.

6/10/2013 3:38 AM EST
Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamud ayaa soo dhaweeyey go’aankii ururka Midowga ee ahaa inay dib uga mid noqoto Soomaaliya saxiixayaasha heshiiskii Cotonou.