8/20/2019
Today from Hiiraan Online:  _
Wararka Maanta- Isniin, Jun 10, 2013
Booliis ah loogu Talo-galay ka Hortagga Qaraxyada oo Magaalada Muqdisho dhoolla-tus ka sameeyay (SAWIRRO)



Isniin, Juun 10, 2013 (HOL) — Ciidammo booliis ah oo loogu talo-galay ka hortagga waxyaabaha qarxa iyo badbaadinta dadka wax ku noqda qaraxyada ayaa maanta dhoolla-tus kusoo bandhigtay magaalda Muqdisho ee xarunta Soomaaliya.

Dhoolla-tuskan ayay ciidamadu ku sameeyeen qarax iyadoo ay goobta soo gaareen gaadiid ay ciidamadan leeyihiin oo damiyay dabkii, waxaana sidoo kale soo gaaray goobta ciidammo kale oo loogu talogalay inay gurmad caafimaad u fudiyaan dadka qaraxyada wax ku noqda.

Taliyaha ciidanka booliiska Soomaaliya, Jen. C/xakiin Daahir Siciid (Saacid) ayaa sheegay in ciidamadan ay tababarro ku qaateen gudaha dalka iyo dibaddiisa, looguna talogalay inay ka hortagaan qaraxyada ay Muqdisho ka geysato Al-shabaab ayna u gurmadaan dadka waxyeelladu kasoo gaarto qaraxyada.

“Ciidamadan tiradoodu waa 888 askari oo isugu jira rag iyo dumar, waxaana la baray gurmadka deg-degga ah ee loo fidiyo dadka waxyeelladu gaarto,” ayuu yiri Jen. Saacid oo intaas ku daray inuu u dhan yahay qalabkii ay ku howlgeli lahaayeen.

Gaadiidka ay ciidamadan ku howlgalayaan ayaa waxaa ku deeqday Qaramada Midoobay, iyadoo goobta ay ciidamadan dhoolla-tuska ku sameynayeen ay ku sugnaayeen dadweyne fara badan oo daawanayay dhoolla-tuska.

Waa markii ugu horreysay oo ciidammo booliis ah oo noocan oo kale ah ay dhoolla-tus ka sameeyaan Muqdisho, iyadoo saraakiisha booliiska ay kula dardaarmeen ciidamadan inay ka shaqeeyaan badbaadinta shacabkooda.

Ugu dambeyn, taliyaha booliiska ayaa sheegay in ciidamadan ay qayb weyn ka qaadan doonaan sugidda ammaanka Muqdisho, ayna ku talo-jiraan inay kuwo kale soo tababaraan.




Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/10/2013 2:30 PM EST
Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamuud oo ka hadlay xiisadaha ka taagan magaalada Kismaayo ayaa ku baaqay in dagaallada la joojiyo, lagana soo qaybgalo shirweyne ay dowladdu u qabanayso dadka ku nool Jubbooyinka.

6/10/2013 1:55 PM EST
Isniin, Juun 10, 2013 (HOL) —Waftigii uu hogaaminayey Maayarka magaaladda Hargeysa, ayaa maanta dib ugu soo laabtay magaaladda Hargeysa, ka dib markii dhawr toddobaad safar shaqo ku maqnaayeen dalka Sweden oo ay casuumad ka heleen maayarka magaaladda Stockholm ee dalkaasi.

6/10/2013 1:44 PM EST
Isniin, Juun 10, 2013 (HOL) — Kulan socday hal maalin oo ay soo qaban-qaabiyeen wasaaradaha shaqada iyo arimaha bulshada iyo qorshaynta qaranka ee Somaliland oo looga hadlayay sidii shaqooyin loogu abuuri lahaa dhallinyarada Soomalialnd ayaa lagu qabtay magaalada Boorame ee xarunta gobolka Awdal.

6/10/2013 1:18 PM EST
Isniin, Juun 10, 2013 (HOL) — Xaflad lagu maamuusayay furitaanka iyo wareejinta xafiisyo cusub oo hay’adda SAACID ka hirgelisay degmada Kaaraan ee gobolka Banaadir ayaa maanta lagu qabtay degmadaas, iyadoo munaasabaddii furitaanka xafiisyadaas ay kasoo qaybgaleen mas’uuliyiin ka kala socotay maamulka degmada Kaaraan, madaxda hay’adda SAACID iyo marti sharaf kale.

6/10/2013 11:02 AM EST
Isniin, Juun 10, 2013 (HOL) — Dowladda Soomaaliya ayaa maanta xaflad sagootin ah ugu sameysay madaxtooyada Soomaaliya, danjirihii hore ee Qaramada Midoobay u qaabilsanaa Soomaaliya iyo madaxii xafiiska UNPOS, dajire Augustine Mahiga oo howshan hayay muddo saddex sano ah.

6/10/2013 8:23 AM EST
Isniin, Juun 10, 2013 (HOL) — Wasiirka Qorsheynta Qaranka oo ah Gudoomiyaha gudidda la tashiga deeqaha Somaliland, Dr:Sacad Cali Shire, ayaa sheegay in 21 shirkadood haleen mashaariic ay shaqo ka helayaan lix boqol oo qof, waxaanu ugu baaqay shirkadahaasi inay shaqaalaha ay qoran doonaan ku qaataan aqoon iyo cilmi, balse aanay garasho iyo qabyaaladda ku qaadan.

6/10/2013 8:22 AM EST
Isniin, Juun 10, 2013 (HOL) — Xaalad nolal xumo ayaa soo food saartay qoysas danyar iyo barakacayaal isugu jira oo ku dhaqan degmada Jalalaqsi ee gobollka Hiiraan iyo deegaannada ku dhaw dhaw oo ay maamulaan xoogagga Al-shabaab.

6/10/2013 8:21 AM EST
Isniin, Juun 10, 2013 (HOL) — Maxkamadda degmadda Hargeysa, ayaa xukuntay Saddex qof oo Itoobiyaan ah oo lagu eedeeyey fidinta diinta Kiristaan, isla markaana laba ka mid ah xoriyadoodii loo soo celiyey, halka midna lagu xukumay laba milyan oo Shiling Somaliland iyo mustaafuris aanay dib dambe ugu soo noqon karin dalka.

6/10/2013 6:54 AM EST
Isniin, June 10, 2013(HOL) :- Xaaladda Magaalada Kismaayo ayaa ah mid dagan walow aan ilaa imika lakala qaadin ciidamadii isku horfadhiyay gudaha magaalada ee kala taabacsanaa maamulka Kismaayo iyo ciidamada daacadda u ah Iftiin Xasan Baasto oo isaguna ka mid ah masuuliyiinta sheeganeeysa hogaanka Jubbaland.

6/10/2013 3:38 AM EST
Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamud ayaa soo dhaweeyey go’aankii ururka Midowga ee ahaa inay dib uga mid noqoto Soomaaliya saxiixayaasha heshiiskii Cotonou.