5/23/2019
Today from Hiiraan Online:  _
Wararka Maanta- Isniin, Jun 10, 2013
Madaxweynaha Soomaaliya oo ku tilmaamay heshiiska Cotonou inuu yahay fursad dib loogu dhisayo Somalia (SAWIRRO)



Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamud ayaa soo dhaweeyey go’aankii ururka Midowga ee ahaa inay dib uga mid noqoto Soomaaliya saxiixayaasha heshiiskii Cotonou.

Soomaaliya ayaa loo oggolaaday inay xubin buuxda ka noqoto sanadka soo socda ee 2014 heshiiska Cotonou. Iyadoo Soomaaliya xubin ka ahaan jirtay heshiiskii Lome ka hor 1991-kii, kaasoo sannadkii 2000 loo bixiyay heshiiskii Cotonou.

“Heshiiskan Cotonou wuxuu fursad noo siinayaa in Midowga Yurub ay ka fuliso Soomaaliya mashaariic horumarineed si aan dalka dib ugu dhisno. Mashaariicdan horumarineed waxay shaqo u abuurayaan dhallinyarada si ay uga qeyb-qaataan dib u dhiska dalka uguna noolaadaan dalkoodii oo horumar iyo barwaaqo ay jirto,” ayuu yiri madaxweyne Xasan Sheekh oo ka hadlayay faa’iidada heshiiskan.

Madaxweynuhu wuxuu hadalkiisa ku daray” “Dowladdu waxay dadaal fara badan gelisay horumarinta xiriirka caalamiga ah, oggolaashahanna wuxuu qeyb ka yahay ka mid noqoshadeena beesha caalamka.”

Kulankii heerka wasiirro ee Midowga Yurub iyo ACP ee lagu qabtay Brussels 03-dii illaa iyo 07-dii bishan Juun oo ay wada-shir guddoominayeen wasiirka arrimaha dibadda ee Botswana, Phandu Skelemani iyo wasiir-u-dowlaha ganacsiga iyo horumarinta Ireland, Joe Costello, ayaa lagu go’aamiyay in Somalia ay ka mid noqoto saxiixayaasha Cotonou.

Mr Joe Costello oo shir jaraa’id qabtay kulanka kaddib ayaa yiri: "Go’aankan maanta oo ay Soomaaliya uga mid noqonayso saxiixayaasha Cotonou waxay irid cusub u furaysaa dowladda federaalka Soomaaliya iyo Midowga Yurub oo ah calaamad muujinaysa dib ugu soo laabashada Soomaaliya ay dib ugu soo laabatay xubinnimadeedii beesha caalamka.”

Danjiraha Soomaaliiya u fadhiya Midowga Yurub ahna safiirka Soomaaliya ee dalka Taliyaaniga, Nuur Xasan Xuseen (Nuur Cadde) ayaa Soomaaliya uga qaybgalay shirka wasiirrada Midowga Yurub iyo ACP.

Sawirradan waa kuwo hore.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/10/2013 2:30 PM EST
Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamuud oo ka hadlay xiisadaha ka taagan magaalada Kismaayo ayaa ku baaqay in dagaallada la joojiyo, lagana soo qaybgalo shirweyne ay dowladdu u qabanayso dadka ku nool Jubbooyinka.

6/10/2013 1:55 PM EST
Isniin, Juun 10, 2013 (HOL) —Waftigii uu hogaaminayey Maayarka magaaladda Hargeysa, ayaa maanta dib ugu soo laabtay magaaladda Hargeysa, ka dib markii dhawr toddobaad safar shaqo ku maqnaayeen dalka Sweden oo ay casuumad ka heleen maayarka magaaladda Stockholm ee dalkaasi.

6/10/2013 1:44 PM EST
Isniin, Juun 10, 2013 (HOL) — Kulan socday hal maalin oo ay soo qaban-qaabiyeen wasaaradaha shaqada iyo arimaha bulshada iyo qorshaynta qaranka ee Somaliland oo looga hadlayay sidii shaqooyin loogu abuuri lahaa dhallinyarada Soomalialnd ayaa lagu qabtay magaalada Boorame ee xarunta gobolka Awdal.

6/10/2013 1:18 PM EST
Isniin, Juun 10, 2013 (HOL) — Xaflad lagu maamuusayay furitaanka iyo wareejinta xafiisyo cusub oo hay’adda SAACID ka hirgelisay degmada Kaaraan ee gobolka Banaadir ayaa maanta lagu qabtay degmadaas, iyadoo munaasabaddii furitaanka xafiisyadaas ay kasoo qaybgaleen mas’uuliyiin ka kala socotay maamulka degmada Kaaraan, madaxda hay’adda SAACID iyo marti sharaf kale.

6/10/2013 11:02 AM EST
Isniin, Juun 10, 2013 (HOL) — Dowladda Soomaaliya ayaa maanta xaflad sagootin ah ugu sameysay madaxtooyada Soomaaliya, danjirihii hore ee Qaramada Midoobay u qaabilsanaa Soomaaliya iyo madaxii xafiiska UNPOS, dajire Augustine Mahiga oo howshan hayay muddo saddex sano ah.

6/10/2013 9:12 AM EST
Isniin, Juun 10, 2013 (HOL) — Ciidammo booliis ah oo loogu talo-galay ka hortagga waxyaabaha qarxa iyo badbaadinta dadka wax ku noqda qaraxyada ayaa maanta dhoolla-tus kusoo bandhigtay magaalda Muqdisho ee xarunta Soomaaliya.

6/10/2013 8:23 AM EST
Isniin, Juun 10, 2013 (HOL) — Wasiirka Qorsheynta Qaranka oo ah Gudoomiyaha gudidda la tashiga deeqaha Somaliland, Dr:Sacad Cali Shire, ayaa sheegay in 21 shirkadood haleen mashaariic ay shaqo ka helayaan lix boqol oo qof, waxaanu ugu baaqay shirkadahaasi inay shaqaalaha ay qoran doonaan ku qaataan aqoon iyo cilmi, balse aanay garasho iyo qabyaaladda ku qaadan.

6/10/2013 8:22 AM EST
Isniin, Juun 10, 2013 (HOL) — Xaalad nolal xumo ayaa soo food saartay qoysas danyar iyo barakacayaal isugu jira oo ku dhaqan degmada Jalalaqsi ee gobollka Hiiraan iyo deegaannada ku dhaw dhaw oo ay maamulaan xoogagga Al-shabaab.

6/10/2013 8:21 AM EST
Isniin, Juun 10, 2013 (HOL) — Maxkamadda degmadda Hargeysa, ayaa xukuntay Saddex qof oo Itoobiyaan ah oo lagu eedeeyey fidinta diinta Kiristaan, isla markaana laba ka mid ah xoriyadoodii loo soo celiyey, halka midna lagu xukumay laba milyan oo Shiling Somaliland iyo mustaafuris aanay dib dambe ugu soo noqon karin dalka.

6/10/2013 6:54 AM EST
Isniin, June 10, 2013(HOL) :- Xaaladda Magaalada Kismaayo ayaa ah mid dagan walow aan ilaa imika lakala qaadin ciidamadii isku horfadhiyay gudaha magaalada ee kala taabacsanaa maamulka Kismaayo iyo ciidamada daacadda u ah Iftiin Xasan Baasto oo isaguna ka mid ah masuuliyiinta sheeganeeysa hogaanka Jubbaland.