5/20/2019
Today from Hiiraan Online:  _
Wararka Maanta- Isniin, Jun 10, 2013
Xaalad Deggenaan ah oo maanta ka jirta Magaalada Kismaayo iyo dadaallo nabad raadin ah oo ka socda Magaalada


Isniin, June 10, 2013(HOL) :- Xaaladda Magaalada Kismaayo ayaa ah mid dagan walow aan ilaa imika lakala qaadin ciidamadii isku horfadhiyay gudaha magaalada ee kala taabacsanaa maamulka Kismaayo iyo ciidamada daacadda u ah Iftiin Xasan Baasto oo isaguna ka mid ah masuuliyiinta sheeganeeysa hogaanka Jubbaland.

Odoyaal dhaqameed reer Kismaayo ah ayaa wada dadaallo ay ku doonayaan in ay ku dhexdhexaadiyaan dhinacyada iska soo horjeeda, waxaana wadahadalladaasi ay marayaan meel wanaagsan sida uu warbaahinta u xaqiijiyay mid kamid ah odoyaasha deegaanka ee u istaagay xallin colaada ka aloosan Kismaayo.

Xaaladda magaalada ayaa shalay ilaa maanta ahayd mid dagan walow ay jirto cabsi ay dadku ka qabaan in ay markale dhacaan dagaallo, maadaama ciidamadii dagaallamay ay isku horfadhiyaan xaafado ku yaal bartamaha magaalada.

Goobihii ganacsi ee magaalada oo saaka dib u furmay ayaa mar qura ilbaabada la isugu dhuftay, waxayna arintaasi ka danbeeysay kadib markii ay cabsi lasoo darastay ganacsatadii magaalada.

Max’ed C/dilaahi oo kamid ah dadka ku ganacsada suuqa balcadka ee magaalada Kismaayo ayaa HOL u sheegay in ay ilbaabada isugu dhufteen goobahoodii ganacsi, wuxuuna sheegay in ay arintasi ka danbeeysay kadib markii ay suuqa soo buuxdhaafiyeen ciidamo aad u huubeeysan, kuwaasoo uu sheegay in ay cabsi ku abuureen dadkii ganacsatada ee suuqaasi ku sugnaa.

Xiisadahan u dhexeeya dhinacyada isku haya siyaasadda Jubooyinka ee ka taagan magaalada Kismaayo ayaa saameyn ballaaran ku yeeshay guud ahaan bulshada ku dhaqan Kismaayo maadaama ay maalintii afaraad xiranyihiin adeegyadii muhiimka ahaa ee bulsahada, sida ganacsiga, waxbarashada iyo caafimaadka.

Xasan Nuur, Hiiraan Online
[email protected]
Kismaayo-Soomaaliya










Click here
6/10/2013 2:30 PM EST
Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamuud oo ka hadlay xiisadaha ka taagan magaalada Kismaayo ayaa ku baaqay in dagaallada la joojiyo, lagana soo qaybgalo shirweyne ay dowladdu u qabanayso dadka ku nool Jubbooyinka.

6/10/2013 1:55 PM EST
Isniin, Juun 10, 2013 (HOL) —Waftigii uu hogaaminayey Maayarka magaaladda Hargeysa, ayaa maanta dib ugu soo laabtay magaaladda Hargeysa, ka dib markii dhawr toddobaad safar shaqo ku maqnaayeen dalka Sweden oo ay casuumad ka heleen maayarka magaaladda Stockholm ee dalkaasi.

6/10/2013 1:44 PM EST
Isniin, Juun 10, 2013 (HOL) — Kulan socday hal maalin oo ay soo qaban-qaabiyeen wasaaradaha shaqada iyo arimaha bulshada iyo qorshaynta qaranka ee Somaliland oo looga hadlayay sidii shaqooyin loogu abuuri lahaa dhallinyarada Soomalialnd ayaa lagu qabtay magaalada Boorame ee xarunta gobolka Awdal.

6/10/2013 1:18 PM EST
Isniin, Juun 10, 2013 (HOL) — Xaflad lagu maamuusayay furitaanka iyo wareejinta xafiisyo cusub oo hay’adda SAACID ka hirgelisay degmada Kaaraan ee gobolka Banaadir ayaa maanta lagu qabtay degmadaas, iyadoo munaasabaddii furitaanka xafiisyadaas ay kasoo qaybgaleen mas’uuliyiin ka kala socotay maamulka degmada Kaaraan, madaxda hay’adda SAACID iyo marti sharaf kale.

6/10/2013 11:02 AM EST
Isniin, Juun 10, 2013 (HOL) — Dowladda Soomaaliya ayaa maanta xaflad sagootin ah ugu sameysay madaxtooyada Soomaaliya, danjirihii hore ee Qaramada Midoobay u qaabilsanaa Soomaaliya iyo madaxii xafiiska UNPOS, dajire Augustine Mahiga oo howshan hayay muddo saddex sano ah.

6/10/2013 9:12 AM EST
Isniin, Juun 10, 2013 (HOL) — Ciidammo booliis ah oo loogu talo-galay ka hortagga waxyaabaha qarxa iyo badbaadinta dadka wax ku noqda qaraxyada ayaa maanta dhoolla-tus kusoo bandhigtay magaalda Muqdisho ee xarunta Soomaaliya.

6/10/2013 8:23 AM EST
Isniin, Juun 10, 2013 (HOL) — Wasiirka Qorsheynta Qaranka oo ah Gudoomiyaha gudidda la tashiga deeqaha Somaliland, Dr:Sacad Cali Shire, ayaa sheegay in 21 shirkadood haleen mashaariic ay shaqo ka helayaan lix boqol oo qof, waxaanu ugu baaqay shirkadahaasi inay shaqaalaha ay qoran doonaan ku qaataan aqoon iyo cilmi, balse aanay garasho iyo qabyaaladda ku qaadan.

6/10/2013 8:22 AM EST
Isniin, Juun 10, 2013 (HOL) — Xaalad nolal xumo ayaa soo food saartay qoysas danyar iyo barakacayaal isugu jira oo ku dhaqan degmada Jalalaqsi ee gobollka Hiiraan iyo deegaannada ku dhaw dhaw oo ay maamulaan xoogagga Al-shabaab.

6/10/2013 8:21 AM EST
Isniin, Juun 10, 2013 (HOL) — Maxkamadda degmadda Hargeysa, ayaa xukuntay Saddex qof oo Itoobiyaan ah oo lagu eedeeyey fidinta diinta Kiristaan, isla markaana laba ka mid ah xoriyadoodii loo soo celiyey, halka midna lagu xukumay laba milyan oo Shiling Somaliland iyo mustaafuris aanay dib dambe ugu soo noqon karin dalka.

6/10/2013 3:38 AM EST
Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamud ayaa soo dhaweeyey go’aankii ururka Midowga ee ahaa inay dib uga mid noqoto Soomaaliya saxiixayaasha heshiiskii Cotonou.