3/28/2024
Today from Hiiraan Online:  _
Wararka Maanta- Isniin, Jun 10, 2013
Hay’adda SAACID oo xafiisyo cusub ka hirgelisay Maanta degmada Kaaraan ee Gobolka Banaadir (SAWIRRO)


Isniin, Juun 10, 2013 (HOL) — Xaflad lagu maamuusayay furitaanka iyo wareejinta xafiisyo cusub oo hay’adda SAACID ka hirgelisay degmada Kaaraan ee gobolka Banaadir ayaa maanta lagu qabtay degmadaas, iyadoo munaasabaddii furitaanka xafiisyadaas ay kasoo qaybgaleen mas’uuliyiin ka kala socotay maamulka degmada Kaaraan, madaxda hay’adda SAACID iyo marti sharaf kale.

Guddoomiye ku xigeenada arrimaha bulshada iyo aminiga ee degmada Kaaraan, Muxyadiin Culusow Xasan iyo Maxamed Axmed Jagaf oo ka hadlayay munaasabadda ayaa sheegay inay si weyn u soo dhaweynayaan xafiisyada cusub oo ay hay’adda SAACID ka hirgelisay degmada Kaaraan, waxayna sheegeen inay ka go’an tahay sidii ay horseed ugu noqon lahaayeen qaabkii ay bulshada u ilaashan lahayd xafiisyadaas loo sameeyay, maadaama iyaga lagu wareejiyay.

Mas’uuliyiintu waxay caddeeyeen inay ku faraxsan yihiin dhismayaasha kala duwan oo SAACID ay ka hirgelisay degmadooda, iyagoo tilmaameen inay dhismayaashaas oo ka koobnaa sagaal xafiis, lix musqulood iyo hool weyn oo loogu talo-galay in lagu qabto shirarka iyo xafladaha, iyagoo hoosta ka xirriiqay in xafiisyadaas loo adeegsan doono adeegyada bulshada.

Madaxa hawlgelinta hay’adda SAACID, Cabdullaahi Maxamed Xaydar iyo madaxa dhismaha hay’adda SAACID, Inj. Axmed Cali oo iyagana ka hadlay halkaas ayaa ka warbixiyay qaabkii ay hay’adda SAACID u hirgelisay xafiisyada degmada Kaaraan, waxayna sheegeen inay ku faraxsan yihiin inay ku wareejiyaan xafiisyadaas maamulka degmada, iyagoo dhanka kale u mahadceliey hay’adda Qaramada Midoobay ee HABITAT oo gacan mug leh ka geysatay dhismaha xafiisyadaas.

Intii ay munaasabaaddu socotay waxaa suugaan kala duwan halkaas kusoo bandhigay qaar ka mid ah qeybaha kala duwan ee bulshada, gaar ahaan haweenka degmada Kaaraan, kuwaasoo lagu muujinaayay sida ay dadka degmadaas ku nool ay ugu faraxsan yihiin xafiisyada ay u dhistay hay’adda SAACID.

Ka hor inta aan la qabanin xafladda waxay madaxda labada dhinac kusoo wareegeen xafiisyada cusub oo isugu jiray xafiisyada dhalinyarada, maxkamadda, olombikada, guddiga nabadda, dowladda hoose, Haweenka iyo kuwo kale.

Hay’adda SAACID ayaa horay xafiisyo noocan oo kale ah uga hirgelisay qaar ka mid ah degmooyinka gobolka Banaadir, kuwaasoo loogu talogalay in loogu adeegto shacabka ku nool degmooyinkaas.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/10/2013 2:30 PM EST
Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamuud oo ka hadlay xiisadaha ka taagan magaalada Kismaayo ayaa ku baaqay in dagaallada la joojiyo, lagana soo qaybgalo shirweyne ay dowladdu u qabanayso dadka ku nool Jubbooyinka.

6/10/2013 1:55 PM EST
Isniin, Juun 10, 2013 (HOL) —Waftigii uu hogaaminayey Maayarka magaaladda Hargeysa, ayaa maanta dib ugu soo laabtay magaaladda Hargeysa, ka dib markii dhawr toddobaad safar shaqo ku maqnaayeen dalka Sweden oo ay casuumad ka heleen maayarka magaaladda Stockholm ee dalkaasi.

6/10/2013 1:44 PM EST
Isniin, Juun 10, 2013 (HOL) — Kulan socday hal maalin oo ay soo qaban-qaabiyeen wasaaradaha shaqada iyo arimaha bulshada iyo qorshaynta qaranka ee Somaliland oo looga hadlayay sidii shaqooyin loogu abuuri lahaa dhallinyarada Soomalialnd ayaa lagu qabtay magaalada Boorame ee xarunta gobolka Awdal.

6/10/2013 11:02 AM EST
Isniin, Juun 10, 2013 (HOL) — Dowladda Soomaaliya ayaa maanta xaflad sagootin ah ugu sameysay madaxtooyada Soomaaliya, danjirihii hore ee Qaramada Midoobay u qaabilsanaa Soomaaliya iyo madaxii xafiiska UNPOS, dajire Augustine Mahiga oo howshan hayay muddo saddex sano ah.

6/10/2013 9:12 AM EST
Isniin, Juun 10, 2013 (HOL) — Ciidammo booliis ah oo loogu talo-galay ka hortagga waxyaabaha qarxa iyo badbaadinta dadka wax ku noqda qaraxyada ayaa maanta dhoolla-tus kusoo bandhigtay magaalda Muqdisho ee xarunta Soomaaliya.

6/10/2013 8:23 AM EST
Isniin, Juun 10, 2013 (HOL) — Wasiirka Qorsheynta Qaranka oo ah Gudoomiyaha gudidda la tashiga deeqaha Somaliland, Dr:Sacad Cali Shire, ayaa sheegay in 21 shirkadood haleen mashaariic ay shaqo ka helayaan lix boqol oo qof, waxaanu ugu baaqay shirkadahaasi inay shaqaalaha ay qoran doonaan ku qaataan aqoon iyo cilmi, balse aanay garasho iyo qabyaaladda ku qaadan.

6/10/2013 8:22 AM EST
Isniin, Juun 10, 2013 (HOL) — Xaalad nolal xumo ayaa soo food saartay qoysas danyar iyo barakacayaal isugu jira oo ku dhaqan degmada Jalalaqsi ee gobollka Hiiraan iyo deegaannada ku dhaw dhaw oo ay maamulaan xoogagga Al-shabaab.

6/10/2013 8:21 AM EST
Isniin, Juun 10, 2013 (HOL) — Maxkamadda degmadda Hargeysa, ayaa xukuntay Saddex qof oo Itoobiyaan ah oo lagu eedeeyey fidinta diinta Kiristaan, isla markaana laba ka mid ah xoriyadoodii loo soo celiyey, halka midna lagu xukumay laba milyan oo Shiling Somaliland iyo mustaafuris aanay dib dambe ugu soo noqon karin dalka.

6/10/2013 6:54 AM EST
Isniin, June 10, 2013(HOL) :- Xaaladda Magaalada Kismaayo ayaa ah mid dagan walow aan ilaa imika lakala qaadin ciidamadii isku horfadhiyay gudaha magaalada ee kala taabacsanaa maamulka Kismaayo iyo ciidamada daacadda u ah Iftiin Xasan Baasto oo isaguna ka mid ah masuuliyiinta sheeganeeysa hogaanka Jubbaland.

6/10/2013 3:38 AM EST
Isniin, Juun 10, 2013 (HOL) — Madaxweynaha Soomaaliya, Xasan Sheekh Maxamud ayaa soo dhaweeyey go’aankii ururka Midowga ee ahaa inay dib uga mid noqoto Soomaaliya saxiixayaasha heshiiskii Cotonou.