3/29/2024
Today from Hiiraan Online:  _
Wararka Maanta- Khamiis, Aug 8 , 2013
Wasiirka Gaashaandhigga Dowladda Soomalia oo Maanta Tagay Magaalada Baladweyne ee Xarunta Gobolka Hiiraan (SAWIRRO)


Khamiis, August 08, 2013 (HOL) — Wasiirka wasaarrada gaashaandhiga xukuumada Soomaaliya iyo wafdi uu horkacayo ayaa subaxnimadii saakay gaaray magaalada Baladweyne ee xarunta gobolka Hiiraan.

Wafdiga wasiirrka ayaa waxaa ka mid ahaa abaanduullaha ciidamada xoogga dalka, Jen. C/risaaq Khaliif Cilmi waxaana garoonka diyaaradaha magaalada Baladweyne kusoo dhaweeyay mas'uuliyiinta maamulka gobolka Hiiraan oo uu horkacayay guddoomiyaha gobolka, Cabdi Faarax Laqanyo.

Wasiirrka gaashaandhiga oo warbaahinta la hadllay ayaa sheegay in uu siweyn ugu faraxsan yahay maanta oo Khamiis ah in uu farxada Ciiddul-fidriga la qeybsado shacabka reer Baladweyne iyo ciidamada xoogga dalka Soomaaliyeed ee maamulka gobolka Hiiraan.

“Farxad iyo sharaf gaar ah ayeey ii tahay in aan magaalada Baladweyne farxada Ciidda kula qaato bulshada ku dhaqan magaalada Baladweyne oo aan marar badan oo hore ku soo noq noqday, sidoo kalana waxaa ku faraxsannahay in aan munaasabada Ciidda halkan kula qeybsado ciidamada xoogga dalka Soomaaliyeed ee ka howlgal gobolka Hiiraan,'' ayuu yiri wasiirrka gaashaandhiga xukuumada Soomaaliya.

Sidoo kale, wasiirku wuxuu xusay in maalinta berri ah uu Baladweyne soo gaari doono wasiirrka gaashaandhiga Jamhuuriyada Jabuuti oo ay kulan ku wada qaadan doonaan magaalada Baladweyne ee xarunta gobolka Hiiraan.

“Waxaan kaloo rabaa in aan idin cadeeyo in maalinta beri ah uu  ku soo fool leeyahay wasiirrka gaashaandhiga dalka Jabuuti oo aan halkan isku arki doono,'' ayuu yiri C/xakiin Xaaji Max'uud Fiqi oo warbaahinta la hadllayay.

Waa markii sadaxaad oo uu safar ku tago magaalada Baladweyne wasiirrka gaashaandhiga xukuumada Soomaaliya, dhawaan ayeey aheyd markii wasiirrka iyo wafdi uu horkacayo ay magaalada Baladweyne uga qeyb-galleen xuska munaasabadihii maalmaha xorriyada Soomaaliya iyo Jabuuti.





C/raxmaan Diini, Hiiraan Online
[email protected]
Baladweyne, Soomaaliya













Click here
8/8/2013 4:41 PM EST
Khamiis, August 08, 2013 (HOL) — Ciidamada AMISOM ayaa sheegay Khamiis maanta ah inay ku dileen dagaalkii Arbacadii ka dhacay degmada Afmadow ee gobolka Jubbada Hoose ay ku dileen 24 ka mid ah dagaalyahannada Al-shabaab, kaddib markii ciidamadooda iyo kuwa dowladda Soomaaliya ay fashiliyeen weerar ay Al-shabaab kusoo qaadday degmadaas.

8/8/2013 4:40 PM EST
Khamiis, August 08, 2013 (HOL) — Munaasibadda Ciidda ayaa maanta si weyn looga xusay gobolka Sool, iyadoo dadweyne fara badan oo maalitan u dabaaldagaya ay isugu soo baxeen, inkasoo ay jireen dadweyne ku nool gobolkaas oo maanta soomanaa.

8/8/2013 1:07 PM EST
Khamiis, August 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta booqasho ku tagay xarummo ay ka mid yihiin isbitaalka Martiini oo ay ku nool yihiin naafada ciidanka xoogga dalka, wasaaradda gaashaandhigga, dugsiga tababarka ee Jazeera iyo Villa Baydhabo oo ah taliska ciidanka xoogga, isagoo la ciiday Askarta ku jirta xeryahaasi.

8/8/2013 1:07 PM EST
Khamiis, August 08, 2013 (HOL) — Munaasabadda Ciidul-fidriga ayaa lagu qabtay maanta xarunta guddiga xiriirka Jubbooyinka ee Muqdisho, iyadoo ay kasoo qaybgaleen culumaa’udiin, hoggaamiyeyaasha dhaqanka ,siyaasiyiin iyo dadweyne kasoo jeeda gobollada Jubbooyinka.

8/8/2013 12:15 PM EST
CIID WANAAGSAN: ALLA MAANTA AYAANTA, HEESTA CIIDDA

8/8/2013 12:02 PM EST
Khamiis, August 08, 2013 (HOL) — Tiro yar oo ka mid ah duulimaadyadii caalamiga ahaa ayaa maanta oo Khamiis ah dib uga billowday garoonka diyaaradaha ee Jommo Kenyatta ee magaalada Nairobi, kaddib markii uu garoonkaas dab qabsaday Arbacadii shalay.

8/8/2013 11:39 AM EST
Khamiis, August 08, 2013 (HOL) — Magaalada Boorame ee xarunta gobolka Awdal oo ka mid ah deegaannada maamulka Somaliland ayaa maanta si weyn looga ciiday, iyadoo shacabku ay camireen masaajidda ku yaalla degmadaas.

8/8/2013 10:54 AM EST
Khamiis, August 08, 2013 (HOL) —Shaqaalaha ururka daryeelka haweenka iyo carruurta ee WOCCA ayaa maanta waxay la ciideen carruurta ku jirta xeryaha barakacayaasha ee Tarabuunka magaalada Muqdishu, gaar ahaan xeryaha Nagaad iyo Samaahir, iyagoo gaarsiiyay deeq macmacaan ah oo gaareysay illaa 600 oo xirmo taasoo isugu jirtay nac-nac, shukulaato, doolsho, caano boore iyo buskud, deeqdan oo loogu talogalay in looga farxiyo carruurta waalidkood aysan awoodin inay u dhameeystiraan agabka ay carruurta ku ciidaan.

8/8/2013 9:51 AM EST
Khamiis, August 08, 2013(HOL) :- Iyadoo maanta guud ahaan gobollada dalka Soomaaliya looga dabaaldegayo munaasibadda ciidda barakeeysan ee ciidul fitriga ayay qurbajoog Soomaaliyeed oo ku dhaqan gobolka Minisoota ee dalka Mareeykanka waxa ay deeq lacageed gaarsiiyeen bukaanada ku jira isbitalka guud ee magaalada Kismaayo.

8/8/2013 9:35 AM EST
Khamiis, August 08, 2013(HOL) :- Iyadoo guud ahaan dunida islaamka looga dabaaldegayo farxadda ciidda barakeeysan ee ciidul fitriga ayaa waxa maanta magaalada Kismaayo siweyn looga xusay munaasibadaasi iyadoona dadka reer Kismaayo ay goobo kala duwan ku oogeen saladda ciidda.

8/8/2013 8:10 AM EST
Khamiis, August 08, 2013 (HOL) — Magaalada Ceelbuur ee gobolka Galguduud oo ka mid ah degmooyinka ay Al-shabaab ka taliso ayaa maanta si weyn looga ciiday, iyadoo xubno ka tirsan Kooxdan ay dadka ku tujiyeen fagaare weyn.

8/8/2013 7:08 AM EST
Khamiis, August 08, 2013 (HOL) — Guud ahaan ummadda Islaamka, gaar ahaaan goboladda Somaliland, ayaa maanta u si weyn loogu Ciiday ciida fidriga ka dib markii ay soo dhamaysteen sodonkii cisho ee bisha barakaysan ee Ramadaan.

8/8/2013 7:06 AM EST
Khamiis, August 08, 2013 (HOL) — Iyadoo guud ahaan dunida muslimka maanta siweyn loogu dabaal-dagayo maalinta koowaad ee Ciiddul-fidriga ayaa si gaar ah waxaa gobollada dalka Soomaaliya maanta si isku mid ah looga damaashaadayaa farxada Ciidda.

8/8/2013 7:05 AM EST
Kumannaan Soomaaliya oo ku nool xaafada Islii ayaa maanta u soo baxay si ay u soo tukadaan salaada ciida.

8/8/2013 4:15 AM EST
Khamiis, August 08, 2013 (HOL) — Hay’adda UNICEF ayaa sheegtay in 1.3 milyan doollarka Mareykanka ah ay heshay, si ay ugula dagaalanto cudurka halista ah ee dabeysha oo laga helay deegaanno badan oo Soomaaliya ka mid ah.

8/8/2013 4:13 AM EST
Khamiis, August 08, 2013 (HOL) — Magaalada Muqdisho iyo gobollada dalka ayaa maanta si wanaagsan looga ciiday, iyadoo madaxda dowladda ay ugu baaqeen shacabka Soomaaliyeed inay is-cafiyaan ayna qayb ka qaataan sidii dalka loo nabadeyn lahaa.