3/29/2024
Today from Hiiraan Online:  _
Wararka Maanta- Talaado, Nov 5 , 2013
Maxkamadda Sare ee Dalka Britain oo Maanta Go’aan ka Gaartay Dacwad u Dhexeysay Shirkadda Dahabshiil iyo Barclays Bank


Talaado, November 05, 2013 (HOL) — Maxkamadda sare ee dalka Britain ayaa maanta go’aan ka gaartay dacwad u dhexeysay shirkadda xawaalada ee Dahabshiil iyo Barclays Bank, taasoo ku saabsanayd xirtaanka xisaabaadyo ay shirkaddaas ku lahayd bankiga.

Go’aanka maxkamadda sare ayaa lagu sheegay inaanu bankigu xiri karin xisaabaadyada ay shirkaddan ku leedahay inta dhageysi maxkamadeed la furayo, taasoo ay si aad ah u soo dhaweysay dowladda federaalka Soomaaliya.

War-saxaafadeed ay soo saartay shirkadda Dahabshiil ayay ku shaacisay in la joojiyay go'aan uu Barclays Bank ku doonayay inuu ku xiro xisaabtii ay ku lahaayeen, taasoo ay ku tilmaameen guul weyn oo shacabka Soomaaliyeed u soo hoyatay.

“Tani ma ahan guul ay gaartay Dahabshiil oo keliya, laakiinse waa guul u soo hoyatay guud ahaan malaayiinta Soomaalida ah iyo Afrikaanka kale ee ku tiirsan howlaha ay shirkaddu u qabato,” ayaa lagu yiri warsaxaafadeedka Dahabshiil.

Barclays Bank ayaa horay u xiray xisaabaadyo ay ah xawaaladaha Soomaalidu bankigaas ku lahaayeen, taasoo walaac weyn gelisay dadka Soomaaliyeed ee ehelladooda gudaha Somalia ku sugan lacagaha u dira.

Shirkadda Dahabshiil ayaa dacwad ka dhan ah Bankiga Barclays u gudbisay maxkamadda sare ee dalka Britain, taasoo dooddeedu socotay in muddo ah, iyadoo go’aankan uu aad uga farxiyay Soomaali badan oo wadnaha farta ku hayay.

Arritan ayaa waxaa ka hadlay Soomaali badan oo ku nool dalka Britain oo si joogto ah u isticmaala xawaaladaha, waxaana ka mid ah Laylo Jaamac oo 52 jir ah muddo 20-sano ahna ku noolayd dalka Ingiriiska.

“Waalidkey way gaboobeen mana shaqeyn karaan. Mana jirto meel ay wax ka heli karaan oo aan aniga ahayn, waana ku faraxsanahay go’aankan, waayo xawaaladuhu waa kuwo aan ku tiirsannahay oo aan lacagaha ugu diri karno walaadkeen iyo walaalaheen,” ayay Laylo u sheegtay BBC-da.

Ra’iisul wasaaraha Soomaaliya, Cabdi Faarax Shirdoon (Saacid) oo hadal ka soo saaray arrintan ayaa ku sheegay tallaabo guul weyn u soo hoyatay guud ahaan Soomaalida isticmaalaha xawaaladaha.

“Waan soo dhaweynayaa go’aankan, waayo Soomaaliya waxay ku jirtaa sidii ay uga bixi lahayd 22-sano oo colaado ah, xawaaladuhuna waa halka ay shacabku ka helaan lacagaha ay noloshoodu ku tiirsan tahay ee dibadaha looga soo diro,” ayuu yiri  ra’iisul wasaare Saacid.

Barclays Bank oo aan la ogeyn go’aanka uu qaadan doono ayaa haddana wuxuu horay u sheegtay in lacagaha lagu diro xawaaladaha Soomaalida ay qaarkood ku dhacaan gacmaha kooxaha dagaallada wada.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/5/2013 11:24 AM EST
Talaado, November 05, 2013 (HOL) — Xilli doorashada madaxtinimo ee Puntland ay ka harsan tahay wax ka yar labo bilood waxaa deegaannada Puntland ka socda ololayaal iyo barnaamijyo siyaasadeed oo ay wadaan muraashaxiinta u tartamaya xilka madaxweynimo ee Puntland.

11/5/2013 11:02 AM EST
Talaado, November 05, 2013 (HOL) — Hay’adda African Development Solutions ADESO ayaa ka hadlay go’aankii ay maxkamadda sare ee dalka Britain ay ku gaartay maanta inay sii shaqeeyaan xawaaladaha Soomaalida ayaa ku tilmaamay tallaabo wanaagsan, balse loo baahan yahay in xal waara laga gaaro arrintan.

11/5/2013 10:08 AM EST
Talaado, November 05, 2013 (HOL) — Ra’iisul wasaaraha xukuumadda Somalia, Cabdi Faarax Shirdoon (Saacid) ayaa si weyn u soo dhaweeyay go’aankii ay gaartay maxkamadda sare ee dalka Britain, kaasoo lagu sii wadayo adeegyada xawaaladaha Soomaalida.

11/5/2013 9:43 AM EST
Talaado, November 05, 2013 (HOL) — Madaxweynaha iyo ra’iisul wasaaraha Soomaaliya Xasan Sheekh Maxamuud iyo Cabdi Faarax Shir-doon (Saacid) ayaa galabta si gooni-gooni ah ugu qaabilay Muqdisho wasiirka arrimaha dibadda ee Itoobiya, Tedros Adhanom iyo wafdi uu horkacayo, iyagoo kala hadlay arrimaha horumarinta xariirka labada dowladood iyo sidii nabad loogu soo dabaali lahaa geeska Afrika.

11/5/2013 9:27 AM EST
Talaado, November 05, 2013 (HOL) — Shirka dib u heshiinta oo lagu waday in maanta uu soo xirmo kaddib saddex maalmood oo uu socday ayaa dib loo dhigay illaa maalinta berry ah, kaddib markii la sheegay in ergooyin caalami ah oo ka qaybgeli lahaa xafladda xirtaanka aysan weli soo gaarin Muqdisho.

11/5/2013 7:19 AM EST
Talaado, November 05, 2013 (HOL) — Xisbiyada mucaaradka ah ee WADANI iyo UCID ayaa si wadajir ah ugu dhawaaqay inay magacaabeen guddigii labada xisbi ee soo qaban-qaabin lahaa shirweyne Qaran oo lagaga hadlayo aayaha mustaqbal ee Somaliland.

11/5/2013 7:12 AM EST
Talaado, November 05, 2013 (HOL) — Jabhadda M-23 ee ka dagaallanta dalka Koongo ayaa sheegay inay joojiyaan fallaagonimada saacado kaddib markii ay dowladdu ku dhawaaqday guulo ay ka gaartay dagaallada ay kula jirto kooxdaas.

11/5/2013 7:06 AM EST
Talaado, November 05, 2013 (HOL) — Kaddib kulan ay maanta ku yeesheen magaalada Beledweyne ee gobolka Hiiraan golaha odayaasha dhaqanka ee gobolka Hiiraan ayay ugu baaqeen dowladda Soomaaliya in laga gacan siiyo maamulka gobolka dagaalka ka dhanka ah Al-shabaab.

11/5/2013 7:01 AM EST
Talaado, November 05, 2013 (HOL) — Salaad Maxamed Cismaan oo ka mid ah ergada ka qaybgalaya shirka Jubbooyinka Kismaayo ee Muqdisho ka socda ayaa u sheegay HOL in dhammaan qodobbadii shirka looga hadlay saddexdii casho ee uu socday si wanaagsan la isugu afgartay.

11/5/2013 6:28 AM EST
Talaado, November 05, 2013 (HOL) — Shirka gobollada Jubbooyinka maalintii saddexaad ka socda magaalada Muqdisho ayaa looga dooday maanta amniga iyo sidii loo qarameyn lahaa malleeshiyooyinka iyo ciidamada ku sugan gobollada Jubbooyinka.

11/5/2013 6:06 AM EST
Talaado, November 05, 2013 (HOL) — Guddoomiyaha golaha Baarlamaanka Soomaaliya, Prof. Maxamed Sheekh Cusmaan Jawaari ayaa shaaciyay inay imaan doonaan Soomaaliya quburo ka socota Qaramada Midoobay oo ka caawin doona doorashooyinka dalka ka dhici doona sannadka 2016-ka.

11/5/2013 1:44 AM EST
Talaado, November 05, 2013 (HOL) — Maanta oo Talaado ah ayaa looga dareeray magaalada Minnapolis ee gobolka Minnesota doorashada dowladda hoose, iyadoo sidoo kale looga dareeray guud ahaan gobollada dalka Maraykanka.

11/5/2013 1:06 AM EST
Talaado, November 05, 2013 (HOL) — Xildhibaan Cali Khaliif Galery ayaa rajo ka muujiyay shirka Jubbooyinka ee Muqdisho ka socda, balse wuxuu sheegay inuu jiro walwal uu qabo, kaasoo ah in is-qabqabsi uu ka yimaado xulidda mas’uuliyiinta maamulka.

11/5/2013 12:56 AM EST
Talaado, November 05, 2013 (HOL) — Hal qof ayaa ku geeriyooday shalay magaalada Burco kaddib markii uu gaari uu watay miino kula qaraxday xaafada Oktoobar ee magaalada Burco ee Somaliland.

11/5/2013 12:42 AM EST
Talaado, November 05, 2013 (HOL) — Hoggaamiyaha maamulka KMG-ka ah ee Jubba oo ku sugan Muqdisho ayaa ka sheegay xaflad soo dhaweyn ah oo xalay loogu sameeyay magaalada Muqdisho inuu cafiyay cid walba isaguna uu ka doonayo shacabka inay cafiyaan.