3/28/2024
Today from Hiiraan Online:  _
Wararka Maanta- Talaado, Nov 5 , 2013
Xildhibaan Cali Khaliif oo Rajo ka muujiyay Shirka Jubbooyinka ee Muqdisho ka socda, Talana u jeediyay Dowladda Somalia


Talaado, November 05, 2013 (HOL) — Xildhibaan Cali Khaliif Galery ayaa rajo ka muujiyay shirka Jubbooyinka ee Muqdisho ka socda, balse wuxuu sheegay inuu jiro walwal uu qabo, kaasoo ah in is-qabqabsi uu ka yimaado xulidda mas’uuliyiinta maamulka.

Galery ayaa sheegay in shirku uu yahay mid wanaagsan, balse looga baahan yahay ergooyinka Jubbooyinka inay dhabar-adayg sameeyaan marka xubnaha maamulka la sameynayo, taasoo uu sheegay inay tahay marka ugu daran ee soo marta maamul la dhisayo.

“Shirka anigu kama qaybgelin, balse waxaan rajeynayaa inay wax wanaagsan kasoo baxaan, balse waxaan qabaa walwal, kaasoo ah in la isku qabsado dhismaha maamulka, waxaanse kula talinayaa inay dhabar-adayg iyo tanaasul la sameeyo,” ayuu yiri xildhibaanka oo u warramayay qaar ka mid ah warbaahinta Muqdisho.

Xildhibaanka ayaa sidoo kale kula taliyay dowladda Soomaaliya inay sidoo kale fursad siiso maamullada kale ee dalka ka jira, wuxuuna kula taliyay wasaaradda arrimaha gudaha inay noqoto mid ku filan howlaha maamullada dalka.

“Waxaan ku talinayaa in wasaaradda arrimaha gudaha ay noqoto mid ku filan howlaha maamullada gobollada dalka, sidoo kalena dadka deggen gobollada dalka iyaga loo daayo waxay doonayaan,” ayuu yiri xildhibaan Galeyr.

Sidoo kale, mudanaha ayaa sheegay in howsha ka socota gobolka Hiiraan ee maamul sameynta ah ay tusaale u noqon doonto wasaaradda arrimaha gudaha iyo sida ay u wajahayso maamullada kale ee gobollada dalka.

“Rajo wanaagsan ayaan ka qabaa in shirka Jubbooyinka ee Muqdisho ka socda ay kasoo baxaan qodobbo wanaagsan oo la isku afgartay,” ayuu mar kale yiri xidlhibaanka oo sheegay inay wanaagsan tahay in shacabka ku nool gobollada dalka la siiyo fursado ay kusoo dhistaan maamulladooda.

Shirka dib u heshiisiinta Jubbooyinka oo maalin ka hor ka furmay Muqdisho ayaa lagu wadaa in maanta lasoo gabagabeeyo, iyadoo ergooyinka shirka ka qaybgalaya ay muujinayaan rajo wanaagsan oo ah inuu kasoo baxo war-murtiyeed loo dhan yahay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
11/5/2013 11:24 AM EST
Talaado, November 05, 2013 (HOL) — Xilli doorashada madaxtinimo ee Puntland ay ka harsan tahay wax ka yar labo bilood waxaa deegaannada Puntland ka socda ololayaal iyo barnaamijyo siyaasadeed oo ay wadaan muraashaxiinta u tartamaya xilka madaxweynimo ee Puntland.

11/5/2013 11:02 AM EST
Talaado, November 05, 2013 (HOL) — Hay’adda African Development Solutions ADESO ayaa ka hadlay go’aankii ay maxkamadda sare ee dalka Britain ay ku gaartay maanta inay sii shaqeeyaan xawaaladaha Soomaalida ayaa ku tilmaamay tallaabo wanaagsan, balse loo baahan yahay in xal waara laga gaaro arrintan.

11/5/2013 10:08 AM EST
Talaado, November 05, 2013 (HOL) — Ra’iisul wasaaraha xukuumadda Somalia, Cabdi Faarax Shirdoon (Saacid) ayaa si weyn u soo dhaweeyay go’aankii ay gaartay maxkamadda sare ee dalka Britain, kaasoo lagu sii wadayo adeegyada xawaaladaha Soomaalida.

11/5/2013 9:43 AM EST
Talaado, November 05, 2013 (HOL) — Madaxweynaha iyo ra’iisul wasaaraha Soomaaliya Xasan Sheekh Maxamuud iyo Cabdi Faarax Shir-doon (Saacid) ayaa galabta si gooni-gooni ah ugu qaabilay Muqdisho wasiirka arrimaha dibadda ee Itoobiya, Tedros Adhanom iyo wafdi uu horkacayo, iyagoo kala hadlay arrimaha horumarinta xariirka labada dowladood iyo sidii nabad loogu soo dabaali lahaa geeska Afrika.

11/5/2013 9:27 AM EST
Talaado, November 05, 2013 (HOL) — Shirka dib u heshiinta oo lagu waday in maanta uu soo xirmo kaddib saddex maalmood oo uu socday ayaa dib loo dhigay illaa maalinta berry ah, kaddib markii la sheegay in ergooyin caalami ah oo ka qaybgeli lahaa xafladda xirtaanka aysan weli soo gaarin Muqdisho.

11/5/2013 7:53 AM EST
Talaado, November 05, 2013 (HOL) — Maxkamadda sare ee dalka Britain ayaa maanta go’aan ka gaartay dacwad u dhexeysay shirkadda xawaalada ee Dahabshiil iyo Barclays Bank, taasoo ku saabsanayd xirtaanka xisaabaadyo ay shirkaddaas ku lahayd bankiga.

11/5/2013 7:19 AM EST
Talaado, November 05, 2013 (HOL) — Xisbiyada mucaaradka ah ee WADANI iyo UCID ayaa si wadajir ah ugu dhawaaqay inay magacaabeen guddigii labada xisbi ee soo qaban-qaabin lahaa shirweyne Qaran oo lagaga hadlayo aayaha mustaqbal ee Somaliland.

11/5/2013 7:12 AM EST
Talaado, November 05, 2013 (HOL) — Jabhadda M-23 ee ka dagaallanta dalka Koongo ayaa sheegay inay joojiyaan fallaagonimada saacado kaddib markii ay dowladdu ku dhawaaqday guulo ay ka gaartay dagaallada ay kula jirto kooxdaas.

11/5/2013 7:06 AM EST
Talaado, November 05, 2013 (HOL) — Kaddib kulan ay maanta ku yeesheen magaalada Beledweyne ee gobolka Hiiraan golaha odayaasha dhaqanka ee gobolka Hiiraan ayay ugu baaqeen dowladda Soomaaliya in laga gacan siiyo maamulka gobolka dagaalka ka dhanka ah Al-shabaab.

11/5/2013 7:01 AM EST
Talaado, November 05, 2013 (HOL) — Salaad Maxamed Cismaan oo ka mid ah ergada ka qaybgalaya shirka Jubbooyinka Kismaayo ee Muqdisho ka socda ayaa u sheegay HOL in dhammaan qodobbadii shirka looga hadlay saddexdii casho ee uu socday si wanaagsan la isugu afgartay.

11/5/2013 6:28 AM EST
Talaado, November 05, 2013 (HOL) — Shirka gobollada Jubbooyinka maalintii saddexaad ka socda magaalada Muqdisho ayaa looga dooday maanta amniga iyo sidii loo qarameyn lahaa malleeshiyooyinka iyo ciidamada ku sugan gobollada Jubbooyinka.

11/5/2013 6:06 AM EST
Talaado, November 05, 2013 (HOL) — Guddoomiyaha golaha Baarlamaanka Soomaaliya, Prof. Maxamed Sheekh Cusmaan Jawaari ayaa shaaciyay inay imaan doonaan Soomaaliya quburo ka socota Qaramada Midoobay oo ka caawin doona doorashooyinka dalka ka dhici doona sannadka 2016-ka.

11/5/2013 1:44 AM EST
Talaado, November 05, 2013 (HOL) — Maanta oo Talaado ah ayaa looga dareeray magaalada Minnapolis ee gobolka Minnesota doorashada dowladda hoose, iyadoo sidoo kale looga dareeray guud ahaan gobollada dalka Maraykanka.

11/5/2013 12:56 AM EST
Talaado, November 05, 2013 (HOL) — Hal qof ayaa ku geeriyooday shalay magaalada Burco kaddib markii uu gaari uu watay miino kula qaraxday xaafada Oktoobar ee magaalada Burco ee Somaliland.

11/5/2013 12:42 AM EST
Talaado, November 05, 2013 (HOL) — Hoggaamiyaha maamulka KMG-ka ah ee Jubba oo ku sugan Muqdisho ayaa ka sheegay xaflad soo dhaweyn ah oo xalay loogu sameeyay magaalada Muqdisho inuu cafiyay cid walba isaguna uu ka doonayo shacabka inay cafiyaan.