10/21/2019
Today from Hiiraan Online:  _
Wararka Maanta- Arbaco, May 29, 2013
Mudane ka tirsan golaha deegaanka Magaalada Hargeysa oo lagu eedeeyay inuu xalay toogtay nin Dhallinyaro ah


Arbaco, May 29, 2013 (HOL) — Xildhibaan ka mid ah xildhibaanadad golaha deegaanka Hargeysa, ayaa la sheegay inuu xalay magaaladda Hargeysa ku toogtay nin shacab, kaas oo markiiba halkii ku geeriyooday.

xildhibaan Mustafe Cismaan Daahir ayaa toogtay muwaadin magciisa la odhan jiray  Cabdirashiid Aadan Warsame oo ay isku xaafad yihiiin, isla markaana la sheegay inay saaxiib ahaayeeen .

illaa hadda lama garanayo sababta uu u toogtay iyo inay  ka qarxaday xabaddu, haseyeshee waxa uu markiiba ninkii dilka geystay isku dhiibay ciidanka Amaanka, waxaana hadda la baadhayaa sababta dilkaasi u dhacay.

Alla ha u naxariistee marxuumkan dhintay ayaa la sheegay inay isku xaafad ahaayeen marxuumka iyo ninka dilka geystay.

Si kastaba ha ahaatee, ninka dilka gaystay ayaa ka mid ahaa 25 xildhibaan ee golaha deegaanka Hargeysa ee cusub, haseyeeshee waxa la baadhaayaa qaabka uu dilku u dhacay, isla markaana  waxa gacanta gacan ku dhiiglaha ciidanka amaanka Somaliland.

Barkhad-ladiif M. Cumar, Hiiraan Online
[email protected]
Hargeysa, Somaliland










Click here
5/29/2013 4:00 PM EST
Arbaco, May 29, 2013 (HOL) — Xukuumadda Soomaaliya ayaa maanta u gudbisay golaha baarlamaanka Soomaalia, hidsayaal sharciyeedyo ku saabsan, habka dhismaha maamul goboleedyada, la dagaalanka argagaxisada iyo xuduudaha.

5/29/2013 11:08 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in ayaa sheegay inuu ku kalsoon yahay in kooxda Al-shabaab oo dagaal kula jirta ciidamada dowladda Soomaaliya iyo kuwa taageera ee AMISOM.

5/29/2013 10:56 AM EST
Arbaco, May 29, 2013 (HOL) — Kulan xasaasi ah oo maanta ay ku yeesheen magaalada Baladweyne ee xarunta gobolka Hiiraan, siyaasiyiinta, aqoonyahannada, saraakiisha ciidamada, waxgaradka iyo odayaasha dhaqanka ka soo jeeda beesha Xawaadle ayaa laga sheegay in beesha kalsoonidii kala noqtay dowladda federaalka Soomaaliya, iyaga oo eedeyn balaaran u jeediyay wasiirrka wasaarrada arrimaha gudaha iyo amniga Qaranka xukuumada Soomaaliya C/kariiin Xusseen Guuleed.

5/29/2013 8:28 AM EST
Arbaco, May 29, 2013 (HOL) — Hay’adda xuquuqda aadanaha ee Human Rights Watch ayaa warbixin ay maanta soo saartay ku sheegtay in ciidanka Kenya ay tacdiyo isugu jira kufsi, jirdil iyo xarig aan xad lahayn ay kula kaceen 1,000 ruux oo qoxootiga Soomaaliyeed ee ku nool magaalada Nairobi ee xarunta dalka Kenya intii u dhexeysay bilaha November 2012 illaa Jannaayo 2013.

5/29/2013 7:56 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta u dhoofay dalka Jabaan halkaasoo uu kaga qaybgalayo shir looga hadlayo arrimaha Soomaaliya iyo shir looga hadlayo horumarinta Qaaradda Afrika.

5/29/2013 7:34 AM EST
Arbaco, May 29, 2013 (HOL) — Kooxo hubeysan oo aan la garanayn ayaa ku dilay maanta xaafadda Suuq Bacaad ee degmada Yaaqshiid guddoomiye waaxeed ka tirsan degmadaas, sida uu saxaafadda u sheegay guddoomiyaha degmada Yaaqshiid, Muxyadiin Xasan Jurrus.

5/29/2013 7:30 AM EST
Arbaco, May 29, 2013(HOL) :- Wafdigii ka socday dowladda Soomaaliya ee maalmihii u danbeeyay ku sugnaa garoonka diyaaradaha Kismaayo ayaa maanta gudaha usoo galay magaalada, iyadoona wafdiga ay dageen Hotel Cascaseey oo ay hore ugu sugnaayeen xubno ka tirsan baarlamanka Soomaaliya.

5/29/2013 7:04 AM EST
Arbaco, May 29, 2013(HOL):Magaalada Addis Ababa ee dalka Itoobiya ayaa waxaa lagu qabtay shirweynaha suxufiyiinta Bariga Afrika halkaas oo ay isugu yimaadeen 11-ka dal ee la isku yiraahdo Bariga Afrika.

5/29/2013 6:55 AM EST
Arbaco, May 29, 2013 (HOL) — Madaxweynaha Kenya ayaa walaac xooggan ka muujiyay dilalka ay Al-shabaab ka geysanayso gudaha dalkiisa ugu geysanayana dadka Kenyanka ah, isagoo sheegay in dowladdiisu ay qaadi doonto taallaabooyin ay dadkeeda ku difaacayso.

5/29/2013 6:35 AM EST
Arbaco, May 29, 2013 (HOL) — Dagaal u dhexeeya ciidamada dowladda Soomaaliya iyo kuwa AMISOM iyo Al-shabaab ayaa xalay siyaabo kala duwan uga dhacay degmada Baydhabo iyo deegaanka Goof-guduud oo ku yaalla duleedka Baydhabo ee xarunta gobolka Bay.

5/29/2013 6:08 AM EST
Arbaco, May 29, 2013 (HOL) — Dhab ahaan looma oga waqtiga rasmiga ah ee la dhisay ama dhidibada loo taagay Masjidul-Jaamacada magaalada Baladweyne, laakiiin waxaa leysku raacsan yahay in uu dhisan yahay in ka badan 107 sano, sida ay qiyaas ku sheegeen waayo joogii magaalada Baladweyne ee Diinta ka bartay ama ka raacday Masjidka oo ku caan-baxay magaca {Masjidka Bardaha}.