12/14/2019
Today from Hiiraan Online:  _
Wararka Maanta- Arbaco, May 29, 2013
Ugaas C/raxmaan Ugaas Khaliif oo ku Baaqay in laga Qeyb-qaato Dhismaha Masjidul-Jamaaca Baladweyne (SAWIRRO)



Arbaco, May 29, 2013 (HOL) — Dhab ahaan looma oga waqtiga rasmiga ah ee la dhisay ama dhidibada loo taagay Masjidul-Jaamacada magaalada Baladweyne, laakiiin waxaa leysku raacsan yahay in uu dhisan yahay in ka badan 107 sano, sida ay qiyaas ku sheegeen waayo joogii magaalada Baladweyne ee Diinta ka bartay ama ka raacday Masjidka oo ku caan-baxay magaca {Masjidka Bardaha}.

Haddaba waqtigaa dheer iyo mudadaas fog oo uu dhisnaa dardeed waxaa hadda la bilaabay in la dumiyo Masjidka si dib u dhis lagu sameeyo, madaama sida ay sheegeen guddiga gacanta ku haya dhismaha Masjidka loo baahan yahay in sare loo qaado dhismihiisa oo dhulka wax badan ka hooseeyay.

Sheekh C/llaahi Xaaji Dalabey oo wax badan kala socday taariikhda Masjidka ayaa u sheegay HOL in taariikhada faca weyn ee Masjidku leeyahay laga garan karo dadkii wax ka bartay ama ka raacday diinta, isaga oo sheegay in ay ka aflaxeen culima'udiin siweyn loo garanayo iyo rag siyaasiyiin ah oo xilal kala duwan ka soo qabtay dowladdii militariga, isaga oo tusaalle u soo qaatay dhinaca culimada Sheekh Axmed Cumar Diiloow, Sheekh Mux'ud Balcad, Sheekh Xassan Xiirey, isaga oo sidoo kalana sheegay in raggii Diinta ka bartay masjidka sida taariikhda lagu hayo ay ka mid yihiin C/qaadir Xaaji Masalle iyo Cismaan Max'ed Jeelle oo labaduba ah siyaasiyiin siweyn loo garanayo.

Masjidka waxaa hadda ku xirnaa diinta ka baranayay kumanaan ardey ah oo isaga kala timid gobolo kala duwan, sida Bay, Bakool, Shabeellaha dhexe, Galguduud, dhulka Ismaamulka Soomaalida Itoobiya iyo qeybaha uu ka kooban yahay gobolka Hiiraan.

Ugaas C/raxmaan Ugaas Khaliif oo tagay ama booqday Masjidka oo ay ka soctay howlo lagu bur burinayo, ayaa ugu baaqay dhamaan Jaaliyada Soomaaliyeed gaar ahaan Jaaliyada gobollka Hiiraan in ay gacan ka geystaan dhismaha Masjidka  oo uu ku magacaabay Ugaas C/raxmaan in uu yahay Jaamacad aan Shahaado laheyn, waxaana uu sheegay in Masjidku taariikh facweyn ku leeyahay fidinta Diinta Islaamka.

Sidoo kale, waxaa uu Ugaasku codsaday in kaliya aan lagu ekaan dhismaha Masjidka ee sidoo kale loo baahan yahay in laga fikiro ama lagu dirro qeyb u gaar ah dadka iyagu diinta ka raacda Masjidka, gaar ahaan in laga dhiso Maktabad casri ah oo u gaar ah ardeyda diinta ka barta Masjidka Bardaha.

''Baaqan waxaan u dirrayaan umadda Soomaaliyeed oo dhan, Jaaliyada Soomaaliyeed ee dibada, Jaaliyada Hiiran oo ah deegaannka uu masjidku ku yaalo, waxaan fillayaan in umadda muslimka ah oo dhan qeyb ka qaadan doonto dhismaha Masjidka,'' ayuu yiri Ugaas C/raxmaan Ugaas Khaliif.

Haddii aad dooneyso in aad caawiso Masjidka waxaad isticmaali kartaa Account N0 : Amaana BWN 41516420, Dahabshiil BWYD 000396  iyo Mobil :00252615564075.




 

C/raxmaan Diini, Hiiraan Online
[email protected]
Baladweyne, Soomaaliya










Click here
5/29/2013 4:07 PM EST
Arbaco, May 29, 2013 (HOL) — Xildhibaan ka mid ah xildhibaanadad golaha deegaanka Hargeysa, ayaa la sheegay inuu xalay magaaladda Hargeysa ku toogtay nin shacab, kaas oo markiiba halkii ku geeriyooday.

5/29/2013 4:00 PM EST
Arbaco, May 29, 2013 (HOL) — Xukuumadda Soomaaliya ayaa maanta u gudbisay golaha baarlamaanka Soomaalia, hidsayaal sharciyeedyo ku saabsan, habka dhismaha maamul goboleedyada, la dagaalanka argagaxisada iyo xuduudaha.

5/29/2013 11:08 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in ayaa sheegay inuu ku kalsoon yahay in kooxda Al-shabaab oo dagaal kula jirta ciidamada dowladda Soomaaliya iyo kuwa taageera ee AMISOM.

5/29/2013 10:56 AM EST
Arbaco, May 29, 2013 (HOL) — Kulan xasaasi ah oo maanta ay ku yeesheen magaalada Baladweyne ee xarunta gobolka Hiiraan, siyaasiyiinta, aqoonyahannada, saraakiisha ciidamada, waxgaradka iyo odayaasha dhaqanka ka soo jeeda beesha Xawaadle ayaa laga sheegay in beesha kalsoonidii kala noqtay dowladda federaalka Soomaaliya, iyaga oo eedeyn balaaran u jeediyay wasiirrka wasaarrada arrimaha gudaha iyo amniga Qaranka xukuumada Soomaaliya C/kariiin Xusseen Guuleed.

5/29/2013 8:28 AM EST
Arbaco, May 29, 2013 (HOL) — Hay’adda xuquuqda aadanaha ee Human Rights Watch ayaa warbixin ay maanta soo saartay ku sheegtay in ciidanka Kenya ay tacdiyo isugu jira kufsi, jirdil iyo xarig aan xad lahayn ay kula kaceen 1,000 ruux oo qoxootiga Soomaaliyeed ee ku nool magaalada Nairobi ee xarunta dalka Kenya intii u dhexeysay bilaha November 2012 illaa Jannaayo 2013.

5/29/2013 7:56 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta u dhoofay dalka Jabaan halkaasoo uu kaga qaybgalayo shir looga hadlayo arrimaha Soomaaliya iyo shir looga hadlayo horumarinta Qaaradda Afrika.

5/29/2013 7:34 AM EST
Arbaco, May 29, 2013 (HOL) — Kooxo hubeysan oo aan la garanayn ayaa ku dilay maanta xaafadda Suuq Bacaad ee degmada Yaaqshiid guddoomiye waaxeed ka tirsan degmadaas, sida uu saxaafadda u sheegay guddoomiyaha degmada Yaaqshiid, Muxyadiin Xasan Jurrus.

5/29/2013 7:30 AM EST
Arbaco, May 29, 2013(HOL) :- Wafdigii ka socday dowladda Soomaaliya ee maalmihii u danbeeyay ku sugnaa garoonka diyaaradaha Kismaayo ayaa maanta gudaha usoo galay magaalada, iyadoona wafdiga ay dageen Hotel Cascaseey oo ay hore ugu sugnaayeen xubno ka tirsan baarlamanka Soomaaliya.

5/29/2013 7:04 AM EST
Arbaco, May 29, 2013(HOL):Magaalada Addis Ababa ee dalka Itoobiya ayaa waxaa lagu qabtay shirweynaha suxufiyiinta Bariga Afrika halkaas oo ay isugu yimaadeen 11-ka dal ee la isku yiraahdo Bariga Afrika.

5/29/2013 6:55 AM EST
Arbaco, May 29, 2013 (HOL) — Madaxweynaha Kenya ayaa walaac xooggan ka muujiyay dilalka ay Al-shabaab ka geysanayso gudaha dalkiisa ugu geysanayana dadka Kenyanka ah, isagoo sheegay in dowladdiisu ay qaadi doonto taallaabooyin ay dadkeeda ku difaacayso.

5/29/2013 6:35 AM EST
Arbaco, May 29, 2013 (HOL) — Dagaal u dhexeeya ciidamada dowladda Soomaaliya iyo kuwa AMISOM iyo Al-shabaab ayaa xalay siyaabo kala duwan uga dhacay degmada Baydhabo iyo deegaanka Goof-guduud oo ku yaalla duleedka Baydhabo ee xarunta gobolka Bay.