10/14/2019
Today from Hiiraan Online:  _
Wararka Maanta- Arbaco, May 29, 2013
Hay’adda Human Rights Watch oo Ciidanka Kenya ku eedeysay inay tacdiyo u geysteen Soomaalida ku nool Nairobi


Arbaco, May 29, 2013 (HOL) — Hay’adda xuquuqda aadanaha ee Human Rights Watch ayaa warbixin ay maanta soo saartay ku sheegtay in ciidanka Kenya ay tacdiyo isugu jira kufsi, jirdil iyo xarig aan xad lahayn ay kula kaceen 1,000 ruux oo qoxootiga Soomaaliyeed ee ku nool magaalada Nairobi  ee xarunta dalka Kenya intii u dhexeysay bilaha November 2012 illaa Jannaayo 2013.

HRW ayaa ugu baaqday xukuumadda Kenya inay baaritaanno ku sameysay dhibaatooyinkaas lagula kacay qoxootiga Soomaaliyeed ee ku nool dalkeeda, iyadoo hay’adda qoxootiga adduunka lagu eedeeyay inaysan weli ka hadlin taciyada lagula kacayo qoxootiga.

Warbixintan oo ka kooban 68-bog ayaa cinwaan looga dhigay “Dhammaantiin waxaa tihiin argagaxiso”, iyadoo ha’yaddu sheegtay in warbixinteeda ay ku fadhido wareysiyo ay la yeelatay 101 qof oo ka mid ah qoxootiga Soomaaliyeed ee ku nool Nairobi.

“Qoxootigu waxay inoo sheegeen in kumannaan ka tirsan booliiska Kenya ay dhibaatooyin isugu jira kufsi, jidil iyo tacdiyo kale u geysteen,” ayuu yiri Gerry Simpson oo ka mid ah baarayaasha hay’adda Human Rights Watch. Isagoo intaas ku daray: “Ciidamadu waxay guryahooda ku weerareen ragga, haweenka iyo caruurta.”

Hay’addu waxay sheetay in tacadiyadan loo geystay qoxootiga Soomaalida iyo Itoobiyaanka isugu jira ee sannadaha badan ku noolaa xaafadda Islii ee magaalada Nairobi, iyadoo lagu eedeeyay inay mas’uul ka yihiin qarax lagu weeraray gaari bas bishii November ee sannadkii hore kaasoo toddoba qof ay ku naf-waayeen 30-kalena ay ku dhaawacmeen.

“Sharciyada caalamka ah ee qoxootiga waxay weydiisanayaan dowladda Kenya inay xaqiijiso in ciidamadeeda aysan dhibatooyin u geysan dadka qoxootiga ah iyo kuwa magan-galyo doonka ah ee dalkeeda ku nool,” ayuu mar kale yiri Simpson.

Dhanka kale, hay’addu waxay sheegtay in ciidamada Kenya ay ku qasbaan qoxootiga dalkeeda ku nool inay siiyaan lacag laaluush oo gaaraysa qofkiiba 100-doollar oo lacagta Mareykanka ah.

Haweeney Soomaaliyeed oo ku nool xaafadda Islii ee Nairobi oo Faadumo ku soo koobtay magaceeda ayaa sheegtay in saddex ka mid ah ciidamada Kenya ay kufsadeen iyadoo ay caruurteedu arkayaan, iyadoo sheegtay inay dhibaatooyin aad u fool xun u geysteen.

Sidoo kale, haweeney kale oo Soomaali ah oo magaceeda qarisay ayaa iyadoo ilmeynaysa sheegtay in ciidamada Kenya ay kufsadeen gabadheeda oo 10-sano jir ah, dhibaato aad u xoogganna ay u geysteen.

Ugu dambeyn, hay’adda Human Rights Watch ayaa warbixinteedan kusoo gabgabeysay in dowladda Kenya ay ka hortagto falalka guracan ee ay kula kacayaan ciidamadeeda qoxootiga dalkeeda u soo haajiray.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
5/29/2013 4:07 PM EST
Arbaco, May 29, 2013 (HOL) — Xildhibaan ka mid ah xildhibaanadad golaha deegaanka Hargeysa, ayaa la sheegay inuu xalay magaaladda Hargeysa ku toogtay nin shacab, kaas oo markiiba halkii ku geeriyooday.

5/29/2013 4:00 PM EST
Arbaco, May 29, 2013 (HOL) — Xukuumadda Soomaaliya ayaa maanta u gudbisay golaha baarlamaanka Soomaalia, hidsayaal sharciyeedyo ku saabsan, habka dhismaha maamul goboleedyada, la dagaalanka argagaxisada iyo xuduudaha.

5/29/2013 11:08 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay in ayaa sheegay inuu ku kalsoon yahay in kooxda Al-shabaab oo dagaal kula jirta ciidamada dowladda Soomaaliya iyo kuwa taageera ee AMISOM.

5/29/2013 10:56 AM EST
Arbaco, May 29, 2013 (HOL) — Kulan xasaasi ah oo maanta ay ku yeesheen magaalada Baladweyne ee xarunta gobolka Hiiraan, siyaasiyiinta, aqoonyahannada, saraakiisha ciidamada, waxgaradka iyo odayaasha dhaqanka ka soo jeeda beesha Xawaadle ayaa laga sheegay in beesha kalsoonidii kala noqtay dowladda federaalka Soomaaliya, iyaga oo eedeyn balaaran u jeediyay wasiirrka wasaarrada arrimaha gudaha iyo amniga Qaranka xukuumada Soomaaliya C/kariiin Xusseen Guuleed.

5/29/2013 7:56 AM EST
Arbaco, May 29, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa maanta u dhoofay dalka Jabaan halkaasoo uu kaga qaybgalayo shir looga hadlayo arrimaha Soomaaliya iyo shir looga hadlayo horumarinta Qaaradda Afrika.

5/29/2013 7:34 AM EST
Arbaco, May 29, 2013 (HOL) — Kooxo hubeysan oo aan la garanayn ayaa ku dilay maanta xaafadda Suuq Bacaad ee degmada Yaaqshiid guddoomiye waaxeed ka tirsan degmadaas, sida uu saxaafadda u sheegay guddoomiyaha degmada Yaaqshiid, Muxyadiin Xasan Jurrus.

5/29/2013 7:30 AM EST
Arbaco, May 29, 2013(HOL) :- Wafdigii ka socday dowladda Soomaaliya ee maalmihii u danbeeyay ku sugnaa garoonka diyaaradaha Kismaayo ayaa maanta gudaha usoo galay magaalada, iyadoona wafdiga ay dageen Hotel Cascaseey oo ay hore ugu sugnaayeen xubno ka tirsan baarlamanka Soomaaliya.

5/29/2013 7:04 AM EST
Arbaco, May 29, 2013(HOL):Magaalada Addis Ababa ee dalka Itoobiya ayaa waxaa lagu qabtay shirweynaha suxufiyiinta Bariga Afrika halkaas oo ay isugu yimaadeen 11-ka dal ee la isku yiraahdo Bariga Afrika.

5/29/2013 6:55 AM EST
Arbaco, May 29, 2013 (HOL) — Madaxweynaha Kenya ayaa walaac xooggan ka muujiyay dilalka ay Al-shabaab ka geysanayso gudaha dalkiisa ugu geysanayana dadka Kenyanka ah, isagoo sheegay in dowladdiisu ay qaadi doonto taallaabooyin ay dadkeeda ku difaacayso.

5/29/2013 6:35 AM EST
Arbaco, May 29, 2013 (HOL) — Dagaal u dhexeeya ciidamada dowladda Soomaaliya iyo kuwa AMISOM iyo Al-shabaab ayaa xalay siyaabo kala duwan uga dhacay degmada Baydhabo iyo deegaanka Goof-guduud oo ku yaalla duleedka Baydhabo ee xarunta gobolka Bay.

5/29/2013 6:08 AM EST
Arbaco, May 29, 2013 (HOL) — Dhab ahaan looma oga waqtiga rasmiga ah ee la dhisay ama dhidibada loo taagay Masjidul-Jaamacada magaalada Baladweyne, laakiiin waxaa leysku raacsan yahay in uu dhisan yahay in ka badan 107 sano, sida ay qiyaas ku sheegeen waayo joogii magaalada Baladweyne ee Diinta ka bartay ama ka raacday Masjidka oo ku caan-baxay magaca {Masjidka Bardaha}.