5/25/2019
Today from Hiiraan Online:  _
Wararka Maanta- Jimco, May 17, 2013
Dagaal Ciidamada Dowladda Somalia iyo Xoogag Al-shabaab ku dhexmaray Degmada Ceelbarde ee Gobolka Bakool


Jimco, May 17, 2013 (HOL) — Ugu yaraan afar qof ayaa ku dhintay tiro kalena way ku dhaawacmeen dagaal ciidamada dowladda Soomaaliya iyo xoogagga Al-shabaab xalay saqdii dhexe ku dhex-maray xalay degmada Ceelbarde ee gobolka Bakool.

Dagaalkan oo ahaa mid culus ayaa qarxay kaddib markii xoogagga Al-shabaab ay weerareen saldhigyo ay ciidamada dowaldda ku lahaayeen duleedka degmadaas oo ay gacanta ku hayaan ciidamada dowladda Soomaaliya.

Guddoomiyaha gobolka Bakool, Maxamed Cabdi Tall ayaa saxaafadda u sheegay in dagaalkaas uu hal askari kaga dhintay mid kalena uu ka soo gaaray dhaawac, isagoo sheegay in Al-shabaab ay khasaare xooggan u geysteen.

"Al-shabaab waxay soo weerartay saldhigyo ay ciidamada dowladdu ku lahaayeen duleedka Ceelbarde, waa la iska difaacay, dhowr ruux ayaana looga dilnay, dhinaca dowladda askari ayaa ka dhintay mid kalena dhaawac ayaa kasoo gaaray," ayuu yiri Maxamed Cabdi Tall.

Maxamed Tall ayaa sidoo kale sheegay in Al-shabaab aysan ku guuleysan hadafkeedii ahaa inay saldhigyadaas qabsato, wuxuuna xusay inay xalaaddu maanta tahay mid aad u deggen.

Xarakada Al-shabaab ayaa sheegtay inay weerartay saldhigo ay ciidamada dowladdu ku lahaayeen degmadaas ayna khasaare u geysteen ciidamadii halkaas ku sugnaa, inkastoo aysan sheegin wax khasaare ah oo dhankooda soo gaaray.

Goobjoogayaal ku sugan degmada Ceelbarde ayaa iyaguna saxaafadda u sheegay in dagaalku uu ahaa mid culus oo ay labada dhinac isku adeegsadeen hub isugu jiray mid fudud iyo mid culus.

Al-shabaab ayaa ka talisa inta badan gobolka Bakool, waxaana ka mid ah goobaha ay ka taliyaan degmada Xudur ee gobolka Bakool oo ay horraantii sannadkan isaga baxeen ciidamada Itoobiya iyo kuwii dowladda ee ku sugnaa.

Maxamed Xaaji Xuseen, Hiiraan Online
[email protected]
Muqdisho, Soomaaliya








Click here
5/17/2013 10:45 AM EST
Jimco, May 17, 2013 (HOL) — Hay'adda HIRDA oo ka mid ah hay'adaha ugu waaweyn ee ka howlgala Soomaaliya ayaa howlo samafal ah ka fulisay gobollada Hiiraan, Galgaduud, Gedo iyo gobollo kale ku yaalla Soomaaliya.

5/17/2013 10:25 AM EST
Jimco, May 17, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo wasiirro ka tirsan xukuumadda Somalia ayaa maanta kulan la qaatay wafdi ka socda urur goboleedka IGAD oo labadii maalmood ee ugu dambeeyay booqasho ku joogay magaalada Muqdisho.

5/17/2013 8:50 AM EST
Jimco, May 17, 2013 (HOL) — Munaasabad aad u ballaaraan oo lagu soo dhaweynayay arday baran doonto waxbarashada sare ee Master ayaa jaamacada SIMAD waxay maanta ku qabatay Hoteelka Sunrise ee magaalada Muqdisho.

5/17/2013 8:38 AM EST
Jimco, May 17, 2013 (HOL) — Munaasabad lagu xusayay 70-guuradii ka soo wareegatay aas aaska dhalinyaradii halgamayaasha SYL ayaa maanta lagu qabtay magaalada Muqdisho, kaasoo ay ka qeyb galeen Mas'uuliyiin ka tirsan Maamulka Gobolka Banaadir, Ururada Dhalinyarada degmooyinka, iyo qeybaha kala duwan ee bulshada sida Haweenka.

5/17/2013 7:52 AM EST
Jimco, May 17, 2013 (HOL) — Madaxweyne ku xigeenka maamulka Khaatumo, Maxamed Yuusuf Jaamac (Indhasheel) ayaa taageero ballaaran u muujiyey maamulka Jubaland oo dhawaan looga dhawaaqay magaalada Kismaayo ee gobolka Jubbada Hoose.

5/17/2013 7:36 AM EST
Jimco, May 17, 2013 (HOL) — Guud ahaan Somaliland waxa si weyn looga dareemayaa u diyaar garowga maalinta gooni isku taaga Somaliland ee 18 May oo sanad walba gudaha iyo dibadda si balaadhan looga xuso, isla markaana ku beegan maalinta barito ah ee Sabtidda.

5/17/2013 7:28 AM EST
Jimco, May 17, 2013 (HOL) — Sheekh Maxamuud Cabdilaahi Geelle oo dhawr bilood ka hor dhaliil usoo jeediyey laba wasiir oo xukuumadda Somaliland ka Tirsan darteed xukun loogu riday , ayaa sheegay in aanu illaa hadda garanayn sababta loo xidhay iyo waxa uu ku mutaystay xadhiga hal sanno ah oo maxkamadda Hargeysa ku xukuntay.

5/17/2013 7:23 AM EST
Jimco, May 17, 2013 (HOL) — Urur-siyaasadeedka MIDNIMO oo kamid ah ururada siyaasadda ee Puntland ayaa bayaan uu soo saaray ku sheegay go'aankiisa ugu danbeeya ee ku aadan doorashada goleyaasha deegaanka ee lagu wado in dhamaadka bisha soo socota ee Juun ay ka qabsoonto deegaanada Puntland.