11/17/2019
Today from Hiiraan Online:  _
Wararka Maanta- Axad, Jun 23, 2013
Ciidamada Maamulka Gobolka Hiiraan oo Howlgal ka Fuliyay Qaar ka mid ah Hoteellada ku yaalla Magaalada Baladweyne



Axad, Juun 23, 2013 (HOL) — Saraakiisha nabad-galyada maamulka gobolka Hiiraan ayaa sheegay in ay iska dhaga-mariyeen maamulka hoteellada magaalada Baladweyne amar hore loogu siiyay in ay soo gudbiyaan liiska dadka macaamiisha ah ee seexda hoteellada, taasoo qeyb ka ah sida ay sheegeen howlgalada lagu sugayo amniga magaalada Baladweyne.

Ciidamada maamulka gobolka Hiiraan ayaa howlgal ayaa saacihii ugu danbeeyay ay ka fuliyeen hoteellada magaalada Baladweyne waxaa ay ku soo qab qabteen tiro dad ah oo dhamaantood ka mid ahaa dadkii deganaa hoteellada howlgalka laga fuliyay, kuwaa oo sida ay sheegeen saaraakiisha baarintaan lagu sameynayo.

Col. Cali Dhuux Cabdi Mahad Alla taliyaha saldhiga booliiska magaalada Baladweyne oo warbaahinta la hadllay ayaa sheegay in ay dadka ay soo xir xireen isugu jiri karaan sida uu hadalka u dhigay dad aan wax danbi ah laheyn iyo kuwa kala oo ku howlanaa falal amaanka ka dhan ah sidaa daraadeed baaritaan lagu sameyn doono.

“Marar badan ayaan maamulka hoteellada ka codsanay in ay noo soo gudbiyaan liiska dadka macaamiisha u ah ee hoteelka seexda si loola socdo, laakiin waa ay iska dhaga-mariyeen, waana tan keentay in ay ciidamada saakay howlgal ka sameeyaan,'' ayuu yiri Col. Cali Dhuux Cabdi Mahad Alla.

Dadka lasoo qab-qabtay qaarkood oo warbaahinta la hadllay ayaa sheegay in ay ka war helleen ciidamo baarintaan ka wada hoteelladii ay ku sugnaayeen, iyaga oo sheegay in aysan wax shaqo ah ku laheyn falal amaanka ka dhan ah.

Col. Cali Dhuux ayaa uga digay maamulka hoteellada magaalada Baladweyne in ay gabaad siiyaan sida uu hadalka u dhigay dad doonaya in ay falal amaan darro ka geystaan magaalada Baladweyne.

Saraakiisha ugu danbeyntii waxaa ay ku tilmaameen howlgalka socda in uu yahay mid lagu xaqiijinayo amniga magaalada ka hor xuska maalmaha xorriyada dalalka Soomaaliya iyo Jabuuti oo maalmaha soo socda loo dabaal-dagayo.

C/raxmaan Diini, Hiiraan Online
[email protected]
Baladweyne, Soomaaliya










Click here
6/23/2013 10:38 AM EST
Axad, Juun 23, 2013 (HOL) — Mashruuc dhismayaal cusub looga hirgelinayo deegaanka Jaziira ee duleedka magaalada Muqdisho ayaa lasoo bandhigay maanta, iyadoo la sheegay in dhismayaashan ay yihiin xaafad cusub oo ka mid noqonaya xaafadaha degmada Wadajir ee gobolka Banaadir, waxaana mashruucan uu ka kooban yahay in ka badan 1,200 oo guri.

6/23/2013 10:20 AM EST
Axad, Juun 23, 2013 (HOL) — Axad, Juun 23, 2013 (HOL) — Guddoomiyaha urur-siyaasadeedka MIDNIMO ee Puntland, ayaa eedeyn dusha uga tuuray guddiga kumeel gaarka ah ee doorashooyinka Puntland, isagoo sheegay in ay jidkii saxda ahaa ka leexdeen.

6/23/2013 8:52 AM EST
Axad, Juun 23, 2013 (HOL) — Qaban-qaabo xoog leh iyo diyaar garoow loogu jiro maalmaha xorriyada Soomaaliya Jabuuti oo ku beegan 26 Juun, 27, Juun iyo 01 Luulyo ee nagu soo foolka leh ayaa ka socta magaalada Baladweyne ee xarunta gobolka Hiiraan.

6/23/2013 6:35 AM EST
Axad, Juun 23, 2013 (HOL) — AMISOM ayaa maanta tababar uga furtay xarunta gaadiidka booliiska Soomaaliya ee Muqdisho 100 sarkaal oo ka tirsan ciidamada booliiska Soomaaliya, kaasoo socon doona muddo laba todobaad ah.

6/23/2013 6:31 AM EST
Axad, Juun 23, 2013 (HOL) — Waxaa si habsami leh uga soconaya garoonka Lama-galaay ee Baladweyne tartanka Koob uu dhigay madaxweynaha dalka Jabuuti Ismaaciil Cumar Geelle oo soo gaaray heer gaba-gabo ah kadib markii ay isku awood sheegteen sideed kooxood oo ka dhisan afarta xaafadood ee magaalada Baladweyne oo tartanka ka qeyb-gashay.

6/23/2013 3:13 AM EST
Axad, Juun 23, 2013 (HOL) — Guddoomiye ku xigeenka gobolka Banaadir ee dhinaca nabadgalyada, Warsame Maxamed Xasan (Joodax) oo warbaahinta la hadlay ayaa sheegay in ammaanka Muqdisho uu yahay mid sugan ayna gacanta ku hayaan ciidammo ka tirsan kuwa dowladda Soomaaliya.

6/23/2013 2:58 AM EST
Axad, Juun 23, 2013 (HOL) — Dowladda Britain ayaa sheegtay in 14 milyan oo Pound ay ku bixinayso dhismaha xabsiga weyn ee magaalada Muqdisho iyo maxakamdo dambiyada, si loogu maxkamadeeyo kuwa lagu helo falalka la xiriira burcad-badeednimada iyo argagaxisada.