3/29/2024
Today from Hiiraan Online:  _
Wararka Maanta- Axad, Jun 23, 2013
Guddoomiye ku xigeenka maamulka Gobolka Banaadir ee dhinaca Amaanka oo sheegay in Amniga Muqdisho uu sugan yahay

Axad, Juun 23, 2013 (HOL) — Guddoomiye ku xigeenka gobolka Banaadir ee dhinaca nabadgalyada, Warsame Maxamed Xasan (Joodax) oo warbaahinta la hadlay ayaa sheegay in ammaanka Muqdisho uu yahay mid sugan ayna gacanta ku hayaan ciidammo ka tirsan kuwa dowladda Soomaaliya.

Warsame Joodax wuxuu sheegay in goob walba oo caasimadda ka tirsan ay ku sugan yihiin ciidamada dowladda ayna sugayaan ammaanka, wuxuuna ku sheegay hadalkiisa inay dadaal weyn ugu jiraan sidii ammaanka caasimada loo xaqiijin lahaa.

“Gobolka Banaadir waxaa gacanta ku haysa dowladda, meel walba oo ka mid ah gobolka waxaa jooga ciidammo, waxayna ka hortagayaan falalka amniga lagu waxyeeleynayo, waayo waxaa jira kuwo maalintii innaga noo eg, markii habeenkii la gaarana nooc kale ah,” ayuu yiri Warsame Joodax oo sheegay in kuwaas ay doonayaan inay dadka cabsi geliyaan.

Sidoo kale, guddoomiye ku xigeenku wuxuu sheegay in qorshayaashooda ay ka mid yihiin inay ka hortagaan inuu dhaco fal la mid ah kii Arbacadii lasoo dhaafay lala beegsaday xarunta UNDP ee Muqdisho ee ay ku dhinteen dadka badan.

Mar la weydiiyay waxyaabaha uga qorsheysan gobolka Banaadir dib u dhiska waddooyinka burbursan ee Muqdisho ayuu kaga jawaabay: “dowladda ayaa taas goor dhow billaabaysan, dhismaha waddooyinkana waxay u baahan yihiin in loo helo mashaariic waaweyn, maamulka gobolkuna gacan ayuu ka geysan doonaa arrintaas.”

Inkastoo guddoomiye ku xigeenku uu sheegay in ammaanka Muqdisho uu hadda yahay mid sugan, haddana waxaa jira hanjabaado weli ka imaanaya Al-shabaab, kuwaasoo ku saabsan inay qaraxyo kale ka geysan doonaan magaalada Muqdisho.

Xarakada Al-shabaab oo laba sano ka hor laga saaray Muqdisho ayaa waxay weli awood buuxda u leedahay inay qaraxyo ka geysato, taasoo shaki weyn gelisay caalamka oo dhan, waxaana madaxda dowladdu ay sheegaan markii uu fal dhaco inay wax ka qabanayaan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/23/2013 10:38 AM EST
Axad, Juun 23, 2013 (HOL) — Mashruuc dhismayaal cusub looga hirgelinayo deegaanka Jaziira ee duleedka magaalada Muqdisho ayaa lasoo bandhigay maanta, iyadoo la sheegay in dhismayaashan ay yihiin xaafad cusub oo ka mid noqonaya xaafadaha degmada Wadajir ee gobolka Banaadir, waxaana mashruucan uu ka kooban yahay in ka badan 1,200 oo guri.

6/23/2013 10:20 AM EST
Axad, Juun 23, 2013 (HOL) — Axad, Juun 23, 2013 (HOL) — Guddoomiyaha urur-siyaasadeedka MIDNIMO ee Puntland, ayaa eedeyn dusha uga tuuray guddiga kumeel gaarka ah ee doorashooyinka Puntland, isagoo sheegay in ay jidkii saxda ahaa ka leexdeen.

6/23/2013 9:35 AM EST
Axad, Juun 23, 2013 (HOL) — Saraakiisha nabad-galyada maamulka gobolka Hiiraan ayaa sheegay in ay iska dhaga-mariyeen maamulka hoteellada magaalada Baladweyne amar hore loogu siiyay in ay soo gudbiyaan liiska dadka macaamiisha ah ee seexda hoteellada, taasoo qeyb ka ah sida ay sheegeen howlgalada lagu sugayo amniga magaalada Baladweyne.

6/23/2013 8:52 AM EST
Axad, Juun 23, 2013 (HOL) — Qaban-qaabo xoog leh iyo diyaar garoow loogu jiro maalmaha xorriyada Soomaaliya Jabuuti oo ku beegan 26 Juun, 27, Juun iyo 01 Luulyo ee nagu soo foolka leh ayaa ka socta magaalada Baladweyne ee xarunta gobolka Hiiraan.

6/23/2013 6:35 AM EST
Axad, Juun 23, 2013 (HOL) — AMISOM ayaa maanta tababar uga furtay xarunta gaadiidka booliiska Soomaaliya ee Muqdisho 100 sarkaal oo ka tirsan ciidamada booliiska Soomaaliya, kaasoo socon doona muddo laba todobaad ah.

6/23/2013 6:31 AM EST
Axad, Juun 23, 2013 (HOL) — Waxaa si habsami leh uga soconaya garoonka Lama-galaay ee Baladweyne tartanka Koob uu dhigay madaxweynaha dalka Jabuuti Ismaaciil Cumar Geelle oo soo gaaray heer gaba-gabo ah kadib markii ay isku awood sheegteen sideed kooxood oo ka dhisan afarta xaafadood ee magaalada Baladweyne oo tartanka ka qeyb-gashay.

6/23/2013 2:58 AM EST
Axad, Juun 23, 2013 (HOL) — Dowladda Britain ayaa sheegtay in 14 milyan oo Pound ay ku bixinayso dhismaha xabsiga weyn ee magaalada Muqdisho iyo maxakamdo dambiyada, si loogu maxkamadeeyo kuwa lagu helo falalka la xiriira burcad-badeednimada iyo argagaxisada.