11/13/2019
Today from Hiiraan Online:  _
Wararka Maanta- Axad, Jun 23, 2013
AMISOM oo Tababar uga Furtay Muqdisho 100 Sakraal oo ka tirsan ciidanka Booliiska Dowladda Soomaaliya (SAWIRRO)



Axad, Juun 23, 2013 (HOL) — AMISOM ayaa maanta tababar uga furtay xarunta gaadiidka booliiska Soomaaliya ee Muqdisho 100 sarkaal oo ka tirsan ciidamada booliiska Soomaaliya, kaasoo socon doona muddo laba todobaad ah.

Saraakiishan ayaa waxay tababarka ku qaadan doonaa xirfado la xiriira howlahooda shaqo, iyadoo la qorsheynayo inay saraakiishan noqdaan kuwo tababara mustaqbalka soo socda ciidanka booliiska Soomaaliya.

Madaxa tababarrada booliiska AMISOM, Dr. Benjamin Agordzo aya sheegay in AMISOM ay ballanqaadayso inay sii wadayso caawinta ciidamada booliiska Soomaaliya, si booliiska Soomaaliya ay u noqdaan kuwo howlahooda u guta si waafaqsan sharuucda dalka.

“Waxaan halkaan u joognaa inaan idin la shaqeyno, waxaan diyaar u nahay inaan ula shaqeyno booliiska Soomaaliya si toos ah, waxaana rajeynaynaa in yoolalkiinna aad ku guuleysataan,” ayuu yiri Dr. Agordzo oo la hadlayay ciidamada tababarka loo furay.

Tababarkan ayay saraakiisha AMISOM ku sheegeen mid qayb ka ah howllaha lagu xoojinayo ciidamada booliiska Soomaaliya, iyadoo la bari doono sida ay sheegeen fududeynta howlaha ciidanka, maareynta tababarrada iyo arrimo kale oo la xiriira howlahooda shaqo.

“Markii saraakiishan uu tababarku u dhammaado waxay awood u helayaan inay tababarro siiyaan saraakiisha booliiska ee dalka oo dhan. Taasina waa mid xoojin doona khibradda iyo fahamka ciidamada booliiska,” ayuu mar kale yiri Dr. Benjamin.

Boqolka sarkaal ee tababarka loo furay ayaa waxay isugu jiraan dumar iyo rag, iyadoo aysan ahayn markii ugu horreysay oo AMISOM ay tababar kan oo kale ah u furto ciidamada booliiska Soomaaliya.

Howlgalka AMISOM ee Soomaaliya ayaa waxaa qayb ka ah ciidammo booliis ah oo loogu talogalay inay la shaqeeyaan kuwa Soomaaliya, si ammaanka loo adkeeyo, waxaana booliisha AMISOM howlahooda qayb ka ah tababarka booliiska Soomaaliya.





Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/23/2013 10:38 AM EST
Axad, Juun 23, 2013 (HOL) — Mashruuc dhismayaal cusub looga hirgelinayo deegaanka Jaziira ee duleedka magaalada Muqdisho ayaa lasoo bandhigay maanta, iyadoo la sheegay in dhismayaashan ay yihiin xaafad cusub oo ka mid noqonaya xaafadaha degmada Wadajir ee gobolka Banaadir, waxaana mashruucan uu ka kooban yahay in ka badan 1,200 oo guri.

6/23/2013 10:20 AM EST
Axad, Juun 23, 2013 (HOL) — Axad, Juun 23, 2013 (HOL) — Guddoomiyaha urur-siyaasadeedka MIDNIMO ee Puntland, ayaa eedeyn dusha uga tuuray guddiga kumeel gaarka ah ee doorashooyinka Puntland, isagoo sheegay in ay jidkii saxda ahaa ka leexdeen.

6/23/2013 9:35 AM EST
Axad, Juun 23, 2013 (HOL) — Saraakiisha nabad-galyada maamulka gobolka Hiiraan ayaa sheegay in ay iska dhaga-mariyeen maamulka hoteellada magaalada Baladweyne amar hore loogu siiyay in ay soo gudbiyaan liiska dadka macaamiisha ah ee seexda hoteellada, taasoo qeyb ka ah sida ay sheegeen howlgalada lagu sugayo amniga magaalada Baladweyne.

6/23/2013 8:52 AM EST
Axad, Juun 23, 2013 (HOL) — Qaban-qaabo xoog leh iyo diyaar garoow loogu jiro maalmaha xorriyada Soomaaliya Jabuuti oo ku beegan 26 Juun, 27, Juun iyo 01 Luulyo ee nagu soo foolka leh ayaa ka socta magaalada Baladweyne ee xarunta gobolka Hiiraan.

6/23/2013 6:31 AM EST
Axad, Juun 23, 2013 (HOL) — Waxaa si habsami leh uga soconaya garoonka Lama-galaay ee Baladweyne tartanka Koob uu dhigay madaxweynaha dalka Jabuuti Ismaaciil Cumar Geelle oo soo gaaray heer gaba-gabo ah kadib markii ay isku awood sheegteen sideed kooxood oo ka dhisan afarta xaafadood ee magaalada Baladweyne oo tartanka ka qeyb-gashay.

6/23/2013 3:13 AM EST
Axad, Juun 23, 2013 (HOL) — Guddoomiye ku xigeenka gobolka Banaadir ee dhinaca nabadgalyada, Warsame Maxamed Xasan (Joodax) oo warbaahinta la hadlay ayaa sheegay in ammaanka Muqdisho uu yahay mid sugan ayna gacanta ku hayaan ciidammo ka tirsan kuwa dowladda Soomaaliya.

6/23/2013 2:58 AM EST
Axad, Juun 23, 2013 (HOL) — Dowladda Britain ayaa sheegtay in 14 milyan oo Pound ay ku bixinayso dhismaha xabsiga weyn ee magaalada Muqdisho iyo maxakamdo dambiyada, si loogu maxkamadeeyo kuwa lagu helo falalka la xiriira burcad-badeednimada iyo argagaxisada.