8/17/2019
Today from Hiiraan Online:  _
Wararka Maanta- Jimco, Jun 14, 2013
Xukuumadda Soomaaliya oo go’aan ku gaartay in garoonka Diyaaradaha ee Muqdisho lagu wareejiyo shirkad Turki ah



Jimco, Juun 14, 2013 (HOL) — Kulan golaha wasiirrada xukuumada Somalia ay ku yeesheen Muqdisho shalay oo Khamiis ahayd ayay ku go’aamiyeen in shirkad laga leeyahay dalka Turkiga lagu wareejiyo garoonka diyaaradaha ee Muqdisho oo ay gacanta ku haysay saddexdii sano ee lasoo dhaafay shirkad lagu magacaabo SKA.

Wasiirka waraafinta, isgaarsiinta iyo gaadiidka xukuumada Somalia, C/llaahi Ciilmooge Xirsi oo kaddib kulanka la hadlay wabaahinta ayaa sheegay inay kasoo baxeen shirkii golaha wasiirrada dhowr qodob oo ay ka mid tahay in lagu wareejiyo garoonka diyaaradaha Muqdisho shirkad laga leeyahay dalka Turkiga.

“Goluhu wuxuu go’aan saday in shirkad dalka Turkiga laga leeyahay lagu wareejiyo garoonka diyaaradaha Aadan Cadde ee Muqdisho, waxayna ballan-qaadday shirkaddan in mudo siddeed bilood ah ay kusoo kordhin donto garoonka isbadal dhan kasta ah,” ayuu yiri wasiirka oo warbaahinta la hadlayay kulankooda kaddib.

Dalka Soomaaliya ayaa waxaa duulimaad caalami ah ku timaadda diyaarad laga leeyahay dalka Turkiga, taasoo noqotay tii ugu horreysay oo duulimaad caalami ah dalka ka sameysa muddo 22-sano ah kaddib.

Sidoo kale, wasiirku wuxuu sheegay in go’aannadii ay golaha wasiirradku ku gaareen shirkooda uu ka mid yahay in deeqaha ee dalka soo mara lasoo mariyo wasaaradda arrimaha Maaliyadda iyo Lacagta, isagoo sheegay inaan la ogolaan doonin in deeqaha la marsiiyo hay’adaha aan dowliga ahayn.

Wasiirku wuxuu sheegay in sidoo kale lagu ansixiyay shirkii golaha wasiirrada sharciga duulista cirka iyo saadaasha hawada, kaasoo uu xusay in ahmiyad gaar ah uu u leeyahay kobcinta dhaqaalaha dalka, abuurista shaqooyin gudaha dalka ah iyo inay soo noqoto karaamadii Soomaaliya.

Ugu dambeyn, wasiirku wuxuu sheegay in la isku raacay in lasoo celiyo dabaal-dagyadii loo sameyn jiray maalinta Qarannimada dalka isagoo xusay in 26-ka Juun iyo 01-da Luuliyo ay dhici doonaan dabaal-dagyo lagu weynaynayo maalmahan.

Wasiirku ma sheegin in go’aannadan ay yihiin kuwo la marin doono golaha baarlamaanka Soomaaliya si loo ansixiyo iyo inay yihiin kuwo aan la marinayn howluhuna ay billaabn doonaan.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/14/2013 12:31 PM EST
Kulan ay soo qabanqaabiyeen xaafadaha ku dhaw xaruuntii Bravanece Centre ee dhawaan la gubay ayaa lagu qabtay magaalada London. Waxaa warbixintaan noo soo diray Ibraahim Baafo.

6/14/2013 9:52 AM EST
Jimco, Juun 14, 2013 (HOL) — Nin Soomaali ah ayaa dalka Mareykanka ku dilay saddex qof oo laba ka mid ah ay ahaayeen haween, isagiina goobta ayuu isku dilay, sida ay sheegeen booliiska magaalada St. Louis Missouri.

6/14/2013 8:35 AM EST
Jimco, June 14, 2013- Xildhibaano ka tirsan baarlamaanka Soomaaliya ayaa kusoo bandhigay Nairobi warbixin ku saabsan wadciga dhabta ah ee ka jira gobollada Jubbooyinka iyo waxa dastuurka Soomaaliya uu ka qabo maamul u samaynta gobolladaas.

6/14/2013 7:40 AM EST
Jimco, Juun 14, 2013 (HOL) — Xukuumadda Somaliland ayaa sheegtay in aanay ogolayn in Somaliland laga furo qaybta siyaasadda ee xafiiska cusub ee Qaramadda midoobay u qaabilsan Soomaaliya ee UNSOM.

6/14/2013 7:18 AM EST
Jimco, Juun 14, 2013 (HOL) — Kulana ay golaha ammaanka ee Qaramada Midoobay ku yeesheen xaruntooda 13-kii bishan Juun ayay kaga hadleen xiisadaha ka taagan gobollada Jubbooyinka, gaar ahaan xarunta gobolka Jubbada Hoose ee Kismaayo.

6/14/2013 6:47 AM EST
Jimco, Juun 14, 2013 (HOL) — Guddoomiyaha gobolka Bay, Xasan Macallin Maxamed (Biikole) ayaa isagoo warbixin siinayay idaacadda ee Radio Warsan ayaa qaar ka mid ah hay’adaha Qaramada Midoobay sida UNICEF iyo UNDSS ay hortaagan yihiin waxqabadka degmada Baydhabo.

6/14/2013 6:27 AM EST
Jimco, Juun 14, 2013 (HOL) — Madaxweynaha Soomaaliya, Xasan Sheekh Maxamud ayaa martiqaad rasmi ah ka helay ra’iisul wasaaraha Britain, David Cameron si uu uga qeybgalo xafladda loo sameynayo boqortooyada dalkaas ee 15-ka Juun oo ku beegan maalintii ay dhalatay iyo shirka hordhaca ee G8 ee sabtida berri isla 15-ka Juun 2013 ka furmaya London.

6/14/2013 6:21 AM EST
Jimco, Juun 14, 2013 (HOL) — Wasiirka caafimaadka Somaliland, Dr:Xuseen Muxumed Maxamuud (Xuseen Xoog), ayaa shacabka Somaliland ugu baaqay inay caruurtoodda ka talaalaan cudurka Dabaysha oo uu sheegay inay dalalka jaarka ka bilaabantahay halisna ugu jirto inay si dhakhso ah usoo gaadho Somaliland.

6/14/2013 6:14 AM EST
Jimco, Juun 14, 2013 (HOL) — Ciyaartoygii gobolka Togdheer oo maalmihii u dambeeyey ku jiray xabsiga Mandheera, ayaa shalay dib xoriyadoodii loogu soo celiyey.