7/18/2019
Today from Hiiraan Online:  _
Wararka Maanta- Jimco, Jun 14, 2013
Xildhibaanno Somali ah oo ku Qabtay Magaalada Nairobi kulan looga hadlay Mushkiladaha ka taagan Jubbooyinka (SAWIRRO)


PIC2.jpg
Jimco, June 14, 2013- Xildhibaano ka tirsan baarlamaanka Soomaaliya ayaa kusoo bandhigay Nairobi warbixin ku saabsan wadciga dhabta ah ee ka jira gobollada Jubbooyinka iyo waxa dastuurka Soomaaliya uu ka qabo maamul u samaynta gobolladaas.

Xildhibaanada kulanka soo qabanqaabiyay oo kala ahaa Xildhibaan Maxamuud Guure, Xildhibaan C/raxmaan Xoosh Jibriil, Xildhibaan Carab Ciise, Xildhibaan C/laahi Goodax Barre iyo Xildhibaan C/laahi Jaamac .

Waxayna mudanayaashani isugu yeereen inta badan safiirrada iyo diblamaasiyiinta wadamada caalamka u fadhiya dalkani Kenya iyagoo halkaas ku soo bandhigay warbixin ay ku faahfaahinayaan sida dastuurka iyo sharcigu uu dhigayo in loo maro qaabka maamul u samaynta gobollada Jubbooyinka.

Warbixinta oo ay akhriyeen Xildhibaan C/raxmaan Xoosh Jibriil iyo Xildhibaan Maxamuud Guure ayaa lagu sheegay in qaabkii loo maray shirkii lagu soo doortay Sheekh Axmed Madoobe inuusan ahayn qaab waafaqsan dastuurka federaaliga ah ee dalka u degsan.

“Maqabo dastuurku in qabaa’il isu tagaan ee wuxuu qabaa in gobol iyo wax ka badani ay isu yimaadaan si ay u buuxiyaan shuruudaha laga doonayo maamul goboleed” ayaa lagu yiri warbixinta.

PIC.jpg

Warbixinta ayaa sidoo kale lagu sheegay in kadib markii ay gudigii dawlada ee ku sugnaa Kismaayo ay sameeyeen xog aruurin ballaaran ay ku ogaadeen in dadweynaha gobolladaas ay kasoo horjeedaan maamuladii looga dhawaaqay Kismaayo ayna doonayaan in dawlada Soomaaliya ay hormuud ka noqoto tillaabooyinka maamulka loogu samaynayo Jubbooyinka.

Xildhibaanadan ayaa sidoo kale beesha caalamka iyo urur goboleedka IGAD uga mahad celiyay go’aanadii ay qaateen ee lagu meelmariyay in dawlada Soomaaliya looga dambeeyo marka loo samaynayo maamulada gobollada dalka.

Dawlada Federaalka ah ee Soomaaliya ayaa hormuud ka noqonaysa isu keenida, maamul u samaynta iyo dib u heshiisiin ballaaran oo ka dhacda dalka ayaa lagu yiri warbixintii maanta.

Xildhibaanadii kulanka manta soo qabanqaabiyay ayaa sheegay in shirka ay kasoo qaybgaleen diblamaasiyiin kakala socota in ka badan 22 dal oo ay kamid yihiin inta badan wadamada reer galbeedka ee daneeya arrimaha Soomaaliya gaar ahaanna Maraykanka iyo Talyaaniga.

Wasiirkii hore ee qorshaynta iyo xiriirka caalamigaa ee Soomaaliya C/laahi Goodax barre oo gabagabadii kulankaas la hadlay Hiiraan Online ayaa sheegay in kulankoodii uu ku soo dhammaaday si guul ah, ayna garawshiiyo ka heleen safiirada kakala socday caalamka ee shirkaas kasoo qaybgalay, kuwaasoo qiray inay dawlada Soomaaliya ay tahay mida iska leh masuuliyada iyo isu keenida bulshooyinka Soomaaliyeed ee doonaya inay maamul goboleedyo ka samaysmaan dalka.

PIC3.jpg
PIC4.jpg
PIC5.jpg
PIC6.jpg

Axmed C/samad, Hiiraan Online
[email protected]
Nairobi, Kenya










Click here
6/14/2013 12:31 PM EST
Kulan ay soo qabanqaabiyeen xaafadaha ku dhaw xaruuntii Bravanece Centre ee dhawaan la gubay ayaa lagu qabtay magaalada London. Waxaa warbixintaan noo soo diray Ibraahim Baafo.

6/14/2013 9:52 AM EST
Jimco, Juun 14, 2013 (HOL) — Nin Soomaali ah ayaa dalka Mareykanka ku dilay saddex qof oo laba ka mid ah ay ahaayeen haween, isagiina goobta ayuu isku dilay, sida ay sheegeen booliiska magaalada St. Louis Missouri.

6/14/2013 8:54 AM EST
Jimco, Juun 14, 2013 (HOL) — Kulan golaha wasiirrada xukuumada Somalia ay ku yeesheen Muqdisho shalay oo Khamiis ahayd ayay ku go’aamiyeen in shirkad laga leeyahay dalka Turkiga lagu wareejiyo garoonka diyaaradaha ee Muqdisho oo ay gacanta ku haysay saddexdii sano ee lasoo dhaafay shirkad lagu magacaabo SKA.

6/14/2013 7:40 AM EST
Jimco, Juun 14, 2013 (HOL) — Xukuumadda Somaliland ayaa sheegtay in aanay ogolayn in Somaliland laga furo qaybta siyaasadda ee xafiiska cusub ee Qaramadda midoobay u qaabilsan Soomaaliya ee UNSOM.

6/14/2013 7:18 AM EST
Jimco, Juun 14, 2013 (HOL) — Kulana ay golaha ammaanka ee Qaramada Midoobay ku yeesheen xaruntooda 13-kii bishan Juun ayay kaga hadleen xiisadaha ka taagan gobollada Jubbooyinka, gaar ahaan xarunta gobolka Jubbada Hoose ee Kismaayo.

6/14/2013 6:47 AM EST
Jimco, Juun 14, 2013 (HOL) — Guddoomiyaha gobolka Bay, Xasan Macallin Maxamed (Biikole) ayaa isagoo warbixin siinayay idaacadda ee Radio Warsan ayaa qaar ka mid ah hay’adaha Qaramada Midoobay sida UNICEF iyo UNDSS ay hortaagan yihiin waxqabadka degmada Baydhabo.

6/14/2013 6:27 AM EST
Jimco, Juun 14, 2013 (HOL) — Madaxweynaha Soomaaliya, Xasan Sheekh Maxamud ayaa martiqaad rasmi ah ka helay ra’iisul wasaaraha Britain, David Cameron si uu uga qeybgalo xafladda loo sameynayo boqortooyada dalkaas ee 15-ka Juun oo ku beegan maalintii ay dhalatay iyo shirka hordhaca ee G8 ee sabtida berri isla 15-ka Juun 2013 ka furmaya London.

6/14/2013 6:21 AM EST
Jimco, Juun 14, 2013 (HOL) — Wasiirka caafimaadka Somaliland, Dr:Xuseen Muxumed Maxamuud (Xuseen Xoog), ayaa shacabka Somaliland ugu baaqay inay caruurtoodda ka talaalaan cudurka Dabaysha oo uu sheegay inay dalalka jaarka ka bilaabantahay halisna ugu jirto inay si dhakhso ah usoo gaadho Somaliland.

6/14/2013 6:14 AM EST
Jimco, Juun 14, 2013 (HOL) — Ciyaartoygii gobolka Togdheer oo maalmihii u dambeeyey ku jiray xabsiga Mandheera, ayaa shalay dib xoriyadoodii loogu soo celiyey.