8/18/2019
Today from Hiiraan Online:  _
Wararka Maanta- Jimco, Jun 14, 2013
Madaxweynaha Somalia oo ka Qaybgalaya xafladda Dhalashada Boqoradda Britain iyo Shirka Hordhaca ah ee Dalalka G8-ka



Jimco, Juun 14, 2013 (HOL) — Madaxweynaha Soomaaliya, Xasan Sheekh Maxamud ayaa martiqaad rasmi ah ka helay ra’iisul wasaaraha Britain, David Cameron si uu uga qeybgalo xafladda loo sameynayo boqortooyada dalkaas ee 15-ka Juun oo ku beegan maalintii ay dhalatay iyo shirka hordhaca ee G8 ee sabtida berri isla 15-ka Juun 2013 ka furmaya London.

Xasan Sheekh ayaa hoggaaminaya wafdi heer sare ah oo ay ka mid yihiin, wasiirka maaliyadda, Maxamud Xasan Saleebaan iyo guddoomiyaha Bankiga dhexe, Cabdisalaam Xaaji Hadliye, iyagoo isla maanta gaaraya magaalada London ee xarunta Britain.

Madaxweynaha iyo wafdigiisa ayaa maanta oo 14-ka bisha Juun ah London kula kulmaya wasiiradda horumarinta caalamka (DFID), Justine Greening MP kulankaas kaddibna uu ka qaybgalayo casho sharaf ay mas’uuliyiinta UK u sameynayaan.

Sabtida berri ah wuxuu madaxweynuhu la kulmi doonaa, David Cameron isagoo sidoo kale ka qaybgeli doona xafladda boqoradda Ingiriiska Elizabeth II, kaddibna waxaa qado sharaf u sameyn doona ra’iisul wasaare xigeenka UK, isagoo galabnimada isla berrina ka qaybgeli doona shirka hordhaca G8 oo ay madaxda caalamku kasoo qaybgali doonaan kaasoo looga hadli doono  “Transparency Revolution: the G8 Tax, Trade and Extractives Event” oo ay tahay markii ugu horreysey oo Soomaaliya lagu casuumo shirarkaas.

Tan iyo markii xilka madaxweynenimo loo doortay madaxweynaha Soomalia, Xasan Sheekh bishii Sepmbter ee sannadkii hore ayuu dhowr jeer booqday dalka Britain, isagoo kaga qaybgalay shirar caalami ah oo uu ka mid ahaa kii looga hadlayay horumarinta Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
6/14/2013 12:31 PM EST
Kulan ay soo qabanqaabiyeen xaafadaha ku dhaw xaruuntii Bravanece Centre ee dhawaan la gubay ayaa lagu qabtay magaalada London. Waxaa warbixintaan noo soo diray Ibraahim Baafo.

6/14/2013 9:52 AM EST
Jimco, Juun 14, 2013 (HOL) — Nin Soomaali ah ayaa dalka Mareykanka ku dilay saddex qof oo laba ka mid ah ay ahaayeen haween, isagiina goobta ayuu isku dilay, sida ay sheegeen booliiska magaalada St. Louis Missouri.

6/14/2013 8:54 AM EST
Jimco, Juun 14, 2013 (HOL) — Kulan golaha wasiirrada xukuumada Somalia ay ku yeesheen Muqdisho shalay oo Khamiis ahayd ayay ku go’aamiyeen in shirkad laga leeyahay dalka Turkiga lagu wareejiyo garoonka diyaaradaha ee Muqdisho oo ay gacanta ku haysay saddexdii sano ee lasoo dhaafay shirkad lagu magacaabo SKA.

6/14/2013 8:35 AM EST
Jimco, June 14, 2013- Xildhibaano ka tirsan baarlamaanka Soomaaliya ayaa kusoo bandhigay Nairobi warbixin ku saabsan wadciga dhabta ah ee ka jira gobollada Jubbooyinka iyo waxa dastuurka Soomaaliya uu ka qabo maamul u samaynta gobolladaas.

6/14/2013 7:40 AM EST
Jimco, Juun 14, 2013 (HOL) — Xukuumadda Somaliland ayaa sheegtay in aanay ogolayn in Somaliland laga furo qaybta siyaasadda ee xafiiska cusub ee Qaramadda midoobay u qaabilsan Soomaaliya ee UNSOM.

6/14/2013 7:18 AM EST
Jimco, Juun 14, 2013 (HOL) — Kulana ay golaha ammaanka ee Qaramada Midoobay ku yeesheen xaruntooda 13-kii bishan Juun ayay kaga hadleen xiisadaha ka taagan gobollada Jubbooyinka, gaar ahaan xarunta gobolka Jubbada Hoose ee Kismaayo.

6/14/2013 6:47 AM EST
Jimco, Juun 14, 2013 (HOL) — Guddoomiyaha gobolka Bay, Xasan Macallin Maxamed (Biikole) ayaa isagoo warbixin siinayay idaacadda ee Radio Warsan ayaa qaar ka mid ah hay’adaha Qaramada Midoobay sida UNICEF iyo UNDSS ay hortaagan yihiin waxqabadka degmada Baydhabo.

6/14/2013 6:21 AM EST
Jimco, Juun 14, 2013 (HOL) — Wasiirka caafimaadka Somaliland, Dr:Xuseen Muxumed Maxamuud (Xuseen Xoog), ayaa shacabka Somaliland ugu baaqay inay caruurtoodda ka talaalaan cudurka Dabaysha oo uu sheegay inay dalalka jaarka ka bilaabantahay halisna ugu jirto inay si dhakhso ah usoo gaadho Somaliland.

6/14/2013 6:14 AM EST
Jimco, Juun 14, 2013 (HOL) — Ciyaartoygii gobolka Togdheer oo maalmihii u dambeeyey ku jiray xabsiga Mandheera, ayaa shalay dib xoriyadoodii loogu soo celiyey.