5/23/2019
Today from Hiiraan Online:  _
Wararka Maanta- Jimco, Jun 14, 2013
Golaha Ammaanka Qaramada Midoobay oo Muujiyay Walaacooda ku aadan Xaaladda Amni ee ka tagaan Jubbooyinka



Jimco, Juun 14, 2013 (HOL) — Kulana ay golaha ammaanka ee Qaramada Midoobay ku yeesheen xaruntooda 13-kii bishan Juun ayay kaga hadleen xiisadaha ka taagan gobollada Jubbooyinka, gaar ahaan xarunta gobolka Jubbada Hoose ee Kismaayo.

Golaha amaanka ayaa lagu dhageystay warbixin ku saabsan xaaladda ka jirta Jubbooyinka taasoo uu kulanka ka jeediyay kaaliyaha xoghayaha guud ee Qaramada Midoobay Tayé-Brooke Zerihoun, iyagoo muujiyay sida ay uga xun yihiin xiisadaha halkaas ka taagan.

Xubnuhu ayaa sheegay in shacabka ku nool Jubbooyinka ay lasoo daristay xaalad aad u daran oo dhinaca bani’aadamnimada ah. Waxayna dhinacyada isku haya Jubbooyinka ugu baaqeen inaysan qaadin wax tallaabo ah oo ku keeni karta Jubbooyinka ammaan-darro. Iyagoo dowladda Soomaaliyana ugu baaqay inay qaaddo tallaabo walba oo ku xallin karto xiisadaha ka taagan Jubooyinka.

Sidoo kale, xubnaha golaha ammaanka ee 15-ka ah waxay sheegeen inay ka taageerayaan dowladda Soomaaliya hannaan kasta oo lagu horumarinayo dhismaha maamul goboleedyada dalka iyadoo la xushmeynayo madax-bannaanida iyo xuduudaha Soomaaliya.

Goluhu wuxuu sheegay inay sidoo kale taageerayaan go’aannadii IGAD ka soo baxay 24-kii bishii May oo lagu go’aamiyay in dowladda Soomaaliya ay qabato shir la isugu keenayo dhammaan bulshooyinka kasoo Jubbooyinka si ay uga doodaan mustaqbalka aayaha gobolladooda.

Dhanka kale, golaha ammaanka ayaa waxay ugu baaqeen madaxa xafiiska UNSOM ee Soomaaliya, Nicholas Kay inuu ka shaqeeyo sidii xal waara loogu gaari lahaa xiisadaha ka taagan Jubbooyinka.

Waxay kaloo goluhu ka dhigeen in xiisadaha ka taagan Jubbooyinka aysan u siin fursad Al-shabaab inay carqalado kale ka abuurt, iyadoo deegaanno ka mid ah gobolka Jubbada Hoose oo ay Kismaayo ku jirto horay looga saaray.

Ugu dambeyn, xubnaha golaha ammaanka waxay hoosta ka xariiqeen inay la xaqiijiyo sidii ay u shacabka Soomaaliyeed u heli lahaayeen ammaan iyo nabadgalyo buuxda, khilaaf walba oo jirana lagu dhameeyo xal nabadeed.

Ciidamada AMSIOM ayay ugu baaqeen inay ka fogaadaan inay wax gacan ah siiyaan dhinacyada isku haya gobolka Jubbada Hoose, gaar ahaan Kismaayo oo ah xarunta gobolka Jubbada Hoose.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/14/2013 12:31 PM EST
Kulan ay soo qabanqaabiyeen xaafadaha ku dhaw xaruuntii Bravanece Centre ee dhawaan la gubay ayaa lagu qabtay magaalada London. Waxaa warbixintaan noo soo diray Ibraahim Baafo.

6/14/2013 9:52 AM EST
Jimco, Juun 14, 2013 (HOL) — Nin Soomaali ah ayaa dalka Mareykanka ku dilay saddex qof oo laba ka mid ah ay ahaayeen haween, isagiina goobta ayuu isku dilay, sida ay sheegeen booliiska magaalada St. Louis Missouri.

6/14/2013 8:54 AM EST
Jimco, Juun 14, 2013 (HOL) — Kulan golaha wasiirrada xukuumada Somalia ay ku yeesheen Muqdisho shalay oo Khamiis ahayd ayay ku go’aamiyeen in shirkad laga leeyahay dalka Turkiga lagu wareejiyo garoonka diyaaradaha ee Muqdisho oo ay gacanta ku haysay saddexdii sano ee lasoo dhaafay shirkad lagu magacaabo SKA.

6/14/2013 8:35 AM EST
Jimco, June 14, 2013- Xildhibaano ka tirsan baarlamaanka Soomaaliya ayaa kusoo bandhigay Nairobi warbixin ku saabsan wadciga dhabta ah ee ka jira gobollada Jubbooyinka iyo waxa dastuurka Soomaaliya uu ka qabo maamul u samaynta gobolladaas.

6/14/2013 7:40 AM EST
Jimco, Juun 14, 2013 (HOL) — Xukuumadda Somaliland ayaa sheegtay in aanay ogolayn in Somaliland laga furo qaybta siyaasadda ee xafiiska cusub ee Qaramadda midoobay u qaabilsan Soomaaliya ee UNSOM.

6/14/2013 6:47 AM EST
Jimco, Juun 14, 2013 (HOL) — Guddoomiyaha gobolka Bay, Xasan Macallin Maxamed (Biikole) ayaa isagoo warbixin siinayay idaacadda ee Radio Warsan ayaa qaar ka mid ah hay’adaha Qaramada Midoobay sida UNICEF iyo UNDSS ay hortaagan yihiin waxqabadka degmada Baydhabo.

6/14/2013 6:27 AM EST
Jimco, Juun 14, 2013 (HOL) — Madaxweynaha Soomaaliya, Xasan Sheekh Maxamud ayaa martiqaad rasmi ah ka helay ra’iisul wasaaraha Britain, David Cameron si uu uga qeybgalo xafladda loo sameynayo boqortooyada dalkaas ee 15-ka Juun oo ku beegan maalintii ay dhalatay iyo shirka hordhaca ee G8 ee sabtida berri isla 15-ka Juun 2013 ka furmaya London.

6/14/2013 6:21 AM EST
Jimco, Juun 14, 2013 (HOL) — Wasiirka caafimaadka Somaliland, Dr:Xuseen Muxumed Maxamuud (Xuseen Xoog), ayaa shacabka Somaliland ugu baaqay inay caruurtoodda ka talaalaan cudurka Dabaysha oo uu sheegay inay dalalka jaarka ka bilaabantahay halisna ugu jirto inay si dhakhso ah usoo gaadho Somaliland.

6/14/2013 6:14 AM EST
Jimco, Juun 14, 2013 (HOL) — Ciyaartoygii gobolka Togdheer oo maalmihii u dambeeyey ku jiray xabsiga Mandheera, ayaa shalay dib xoriyadoodii loogu soo celiyey.