12/12/2019
Today from Hiiraan Online:  _
Wararka Maanta- Arbaco, Feb 27, 2013
Dhoofinta Xoolaha Nool ee Ganacsiga ah oo si rasmi ah sannado kaddib xalay looga billaabay Dekedda Muqdisho (SAWIRRO)



Arbaco, Feberaayo 27, 2013 (HOL) — Dekedda weyn ee Muqdisho ayaa laga dhoofiyay markii ugu horreysay xalay xoolo nool oo ganacsi ah, kaddib sannado badan, iyadoo munaasabadda furitaanka ay ka qaybgaleen xubno ka socday dowladda Soomaaliya.

Maareeyaha dekedda Muqdisho, C/llaahi Cali Nuur oo munaasabaddii lagu furayay dhoofka xoolaha nool ka hadlay ayaa sheegya inay tani muujinayso horumarka dhinaca ganacsiga ah ee uu dalku ku tallaabsanayo, isagoo xusay in ganacsatada Soomaaliyeed ay u furan tahay inay dekedda ka dhoofiyaan xoolaha nool.

Wasiir ku xigeenka ganacsiga Soomaaliya, Cabdirisaaq Sheekh Ismaaciil oo furay dhoofinta xoolaha dekedda Muqdisho ayaa sheegay in tani ay tusaale cad u tahay xiriirka ka dhexeeya dowladda iyo ganacsatada Soomaaliyeed, isagoo sheegay jiraan maraakiib kale oo diyaar u ah inay qaadaan xoolaha nool ee ganacsiga ah.

“Caawa waxaa laga dhoofinayaa dekedda Muqdisho markii ugu horreysay muddo 20-sano ka badan xoolo nool oo ganacsi ah, waxaana xoolaha nool ee caawa daahfurka u noqonaya dhoofinta xoolaha dekedda Muqdisho ay tiradoodu tahay 549 neef oo lo’ ah, kuwaasoo ku socda dalka Cummaan,” ayuu yiri wasiir ku xigeenka.

Sidoo kale, wasiir ku xigeenku wuxuu sheegay in dhoofinta xoolahan ay kobcinayaan dhaqaalaha dalka, isagoo intaas ku daray in xoolihii xalay dhoofay ay lahaayeen ganacsato Soomaaliyeed.

“Xoolahan waxay ku jireen muddo 40-casho ah maxjar ku yaalla Muqdisho, inkastoo aysan ahayn inay muddadaas dheer ku jiraa maxjarka, haddana waxaan diyaarinaynay qalabkii fududeyn lahaa inay xoolahaas dhoofaan,” ayuu wasiirku u sheegay warbaahinta intii ay munaasabaddu socotay.

Dhanka kale, mid ka mid ah ganacsatadii xalay dhoofsanayay xoolaha nool ayaa sheegay in shirkadooda oo lagu magacaabo Al-Cimraan ay noqotay tii ugu horreysay oo dekedda Muqdisho ka dhoofisa xoolo nool muddo dheer kaddib, waana mid aan ku faraxsannahay.

Dekedda Muqdisho ayaa waxaa ku sugan markab weyn oo diyaar u ah inuu qaasdo xoolo nool oo ganacsi ah, iyadoo mas’uuliyiinta dowladda ee xalay ka hadlay furitaanka dhoofka xoolaha ay sheegeen inay diyaar yihiin 3,000 oo geel la dhoofinayo ah iyo kumannaan kale oo ari ah.

Xoolaha nool ayaa waxay horay uga dhoofi jireen dekedaha Berbera iyo Boosaaso oo ku yaalla Somaliland iyo Puntland, iyadoo tallaabadan ay qaadday dowladda Soomaaliya ay noqonayso mid u sahlaysa ganacsatada inay si fudud xoolahaooda uga dhoofsadaan dekedda Muqdisho.




Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
2/27/2013 12:50 PM EST
Arbaco, Feberaayo 27, 2013 (HOL) — Ururka dhallinyarada SYL II ayaa maanta xaflad qalin-jebin ah u sameeyay illaa 150 arday oo ahaa dufcaddii saddexaad oo ka qalin-jebiya machadka SYL II ee xirfadaha shaqo abuurka, kaasoo si lacag la’aan ah wax loogu barayay.

2/27/2013 12:13 PM EST
Arbaco, Feberaayo 27, 2013 (HOL) — Xaalad biyo la'aaneed oo baahsan ayaa soo food saartay dadweynaha ku dhaqan magaalada Laascaanood ee Gobolka Sool, kaddib markii ay ilo-biyoodyadii deegaanka oo dhami ay gabaabsi noqdeen.

2/27/2013 11:52 AM EST
Arbaco, Feberaayo 27, 2013 (HOL) — Kulan ballaaran oo ay isugu yimaadeen qaar kamid ah beelaha dega gobollada Jubooyinka islamarkaasina ka dhacay Hotel City Palace ee magaalada Muqdisho ayaa si kulul loogu cambaareeyay dowladda Kenya oo lagu eedeeyay in ay faraha kula jirto arimaha Jubooyinka.

2/27/2013 8:43 AM EST
Arbaco, Feberaayo 27, 2013 (HOL) — Munaasabad siweyn loo soo agaasimay islamarkaana ay ka qeyb-galeen mas’uuliyiinta maamulka gobollka, saraakiisha ciidamada Jabuuti AMISOM, odayaasha dhaqanka iyo xubno ka kala socday qeybaha bulshada rayidka oo lagu qabtay magaalada Baladweyne aya lagu soo bandhigay waxqabadka ururka midowgga dhalinyarrada gobollka Hiiraan [Hiran Youth Development Association].

2/27/2013 8:07 AM EST
Arbaco, Feberaayo 27, 2013 (HOL) — Ugu yaraan 35-qof ayaa ku dhintay shil gaari oo maanta ka dhacay magaalada Mwingi oo ku taalla duleedka magaalada Nairobi ee xarunta Kenya, iyadoo ay ku dhaawacmeen 70 qof oo kale.

2/27/2013 7:27 AM EST
Arbaco, Feberaayo 27, 2013 (HOL) — Maxkamadda ciidamada qalabka sida ee Puntland ayaa maanta xukun ku ridey dad ku eedeysnaa in ay ka danbeeyeen dilkii Sheekh/Dr. Axmed Xaaji Cabdiraxmaan oo kamid ahaa culimada waaweyn ee Soomaaliya.

2/27/2013 7:25 AM EST
Arbaco, Feberaayo 27, 2013 (HOL) — Ciidamada booliiska magaalada Baladweyne ayaa gacanta ku dhigay maanta oo Arbaco ah in ka badan 25 dhalinyarro ah oo sida ay sheegeen saraakiisha booliiska Baladweyne uga shakisan yihiin in ay ka tirsan yihiin Al-shabaab.

2/27/2013 2:55 AM EST
Arbaco, Feberaayo 27, 2013 (HOL) — Magaalada Jabuuti ee xarunta dalka Jabuuti ayaa waxaa labadii maalmood ee ugu dambeeyay ka socday isku-dhacyo u dhexeeyay ciidamada ammaanka Jabuuti iyo taageerayaasha xisbiga mucaaradka ah ee USN oo ka cabanaya natiijadii doorashooyinkii golaha baarlamaanka Jabuuti.

2/27/2013 2:21 AM EST
Arbaco, Feberaayo 27, 2013 (HOL) — Ugu yaraan shan qof oo labada dhinac ah ayaa ku dhintay tiro intaas ka badnna way ku dhaawcmeen dagaal culus oo ciidamada dowladda iyo xoogagga Al-shabaab ku dhexmaray gabal-dhicii shalay deegaanka Daynuunaay oo 18-km u jira degmada Baydhabo.

2/27/2013 2:03 AM EST
Arbaco, Feberaayo, 27, 2013 (HOL) -- Weerar loo adeegsaday Bam gacmeed ayaa fiidnimadii xalay waxaa ay kooxo hubeysan ku qaadeen guri ku yaalla xaafadda Howl-wadaag ee magaalada Baladweyne, sida ay HOL u xaqiijiyeen saraakiisha ciidamada booliiska.

2/27/2013 1:50 AM EST
Arbaco, Feberaayo 27, 2013 (HOL) — Hay’adda Bancroft iyo AMISOM ayaa shalay tababar uga furay Muqdisho saraakiil ka tirsan ciidamada Milateriga dowladda Soomaaliya, kaasoo socon doona muddo laba toddobaad ah.

2/27/2013 12:50 AM EST
Arbaco, Feberaayo 27, 2013 (HOL) — Ciidamada dowladda Soomaaliya iyo kuwa AMISOM oo iskaashanaya ayaa 7:00 aroonimo saakay oo Arbaco ah si nabad ah kula wareegay degmada Buur-hakaba ee gobolka Bay, kaddib markii ciidamadu labaadii maalmood ee lasoo dhafay ku dhawaanayeen degmadaas.