3/29/2024
Today from Hiiraan Online:  _
Wararka Maanta- Isniin, Apr 22, 2013
Xildhibaannada Baarlamaanka Somalia oo Maanta Su’aalo Weydiiyay Wasiirka Wasaaradda Gaashaandhigga Soomaaliya


Isniin, Abriil 22, 2013 (HOL) — Xildhibaannada baarlamaanka Soomaaliya ayaa maanta su’aalo weydiiyay wasiirka gaashaandhigga Somalia, C/xakiin Maxamuud Xaaji Fiqi iyadoo kulanka maanta uu shir-guddoominayay guddoomiyaha baarlamaanka Soomaaliya, Prof. Maxamed Sheekh Cismaan (Jawaari).

Su’aalaha la weydiiyay wasiirka ayaa waxaa ka mid ahaa: hub dhawaan laga baxsaday bakhaar ku yaalla madaxtooyad Soomaaliya, isagoo sheegay taas ku tilmaamay mid been ah oo aanay waxba ka jirin.

“Ma jiro hub lagala baxay bakhaaro ku yaalla madaxtooyada, balse waxaa jiray in xubno yar ay isku dayeen inay kala baxaan hubka, balse ay gacanta ku dhigeen saraakiisha ciidamada xoogga dalka,” ayuu yiri Fiqi.

Sidoo kale, guddiga difaaca baarlamaankaa ayaa waxay wasiirka weydiyeen su’aal ku saabsanayd in direyska cusub ee ciidamada xoogga dalka la xaday laguna weeraray xarunta garsoorka dalka ee maxkamaduhu ay ku shaqeeyaan, isagoo sheegay in warkaas uu yahay mid aanu waxba ka jirin oo la been abuuray.

“Xildhibaannadab baarlamaanka waxaan u caddeynayaa tuutihii cusbaa ee lagu maray 12-kii Abriil inaan la xaday oo lagu weerarin xarunta garsoorka dalka. Anigu waxaan ka mid ahaa wasiirradii ugu horreeyay oo goobta taga, tuutaha ay wateen ragga weerarka geystay waxay ahaayeen kuwii hore ma ahayn kuwa cusub, mana gududa in la xado tuutaha cusub,” ayuu wasiirku kaga jawaabay su’aashaas.

Wasiirka ayaa waxaa hareerihiisa taagnaa markii su’aalaha la weydiinayay taliyeyaasha ciidamada xoogga dalka, waxaana su’aalahan ay qayb ka yihiin la xisaabtanka baarlamaanka uu kula kula jiro wasaaradaha xukuumadda si loo caddeeyo howlaha ay xukuumaddu qabatay intii ay jirtay.

Baarlamaanka Soomaaliya ayaa shalay su’aalo weydiiyay wasiirka arrimaha gudaha iyo ammaanka Qaranka, isagoo maalintii ka horreysayna su’aalo weydiiyay ra’iisul wasaaraha Soomaaliya, Cabdi Faarax Shirdoon (Saacid).

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/22/2013 2:55 PM EST
Isniin, Abriil 22, 2013 (HOL) - Wasaaradda war-faafinta, boostada iyo isgaarsiinta ee dalka Soomaaliya ayaa heshiis ku aadan soo celinta adeeggii boostada ee Soomaaliya waxay la gashay Wasaaradda Boostada ee dowladda Imaaraadka Carabta.

4/22/2013 12:53 PM EST
Isniin, Abriil 22, 2013 (HOL) — Howlihii garoonka diyaaradaha ee Gaalkacyo ayaa maanta hakad galay kaddib markii ay degmadaas saakay aroortii hore ka dhacday israsaaseyn u dhexeysay maamullada Galmudug iyo Puntland oo ka kala taliya Waqooyiga iyo Koonfurta Gaalkacyo.

4/22/2013 12:17 PM EST
Isniin, Abriil 22, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ku amaray hay’adaha ammaanka dalka inay sharciga horkeenaan kooxihii ka dambeeyay dilka wariye Maxamed Ibraahim Raage oo shalay gellinkii dambe lagu dilay gurigiisa oo ku yaalla degmada Dharkeenley ee gobolka Banaadir.

4/22/2013 12:15 PM EST
Isniin, Abriil 22, 2013 (HOL) — Wasiir ku-xigeenka wasaaradda arrimaha dibadda iyo iskaashiga caalamiga, Jamaal Maxamed Barrow ayaa maanta xafiiskiisa ku qaabilay hormuudka hay’adda ACCORD u qaabilsan Soomaaliya, Kwezi Mngqibisa, waxayna ka wadahadleen arrimo dan u ah dalka, dadka iyo Qaranka Soomaaliyeed.

4/22/2013 7:41 AM EST
Isniin, Abriil 22, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa shaaciyay in nalalka ku shaqeeya cadceedda ee la gelinayo waddooyinka Muqdisho ay qayb weyn ka qaadanayaan sugidda amniga iyo horumarka ganacsiga xarunta Soomaaliya ee Muqdisho.

4/22/2013 7:23 AM EST
Isniin, Abriil 22, 2013 (HOL) — Dadweynaha Somaliland, ayaa siyaabo kala duwan uga hadlay go’aankii madaxweynuhu ku diiday inuu ka qaybgallo shirka loo qabanayo soomalidda ee magaaladda London bisha soo socota loogu qaban doono.

4/22/2013 7:16 AM EST
Isniin, Abriil 22, 2013 (HOL) — Ugu yaraan lxi qof ayaa ku dhintay tiro intaa ka badanna way ku dhaawacmeen kaddib markii dagaallo culus oo billowday salay gellinkii dambe ay ka qarxeen deegaanno ku dhow degmada Xudur ee gobolka Bakool.

4/22/2013 6:46 AM EST
Isniin, Abriil 22, 2013 (HOL) — Madaxweynaha Puntland Cabdiraxmaan Maxamed Maxamuud Faroole ayaa sheegay in mashaariicda ay dowladda Turkigu ugu deeqdo Soomaaliya ay yihiin kuwa ku kooban magaalada caasimadda ah ee Muqdisho.