3/29/2024
Today from Hiiraan Online:  _
Wararka Maanta- Isniin, Apr 15, 2013
Ra’iisul Wasaarihii Somalia oo sheegay in Weerarradii Muqdisho ka Dhacay ay ku yimaadeen Habacsanaan dhinaca Amniga ah


Isniin, Abriil 15, 2013 (HOL) — Ra’iisul wasaarihii hore Al-Soomaaliya, Prpf. Cali Maxamed Geeddi oo ka hadlay dagaalkii shalay ka dhacay Muqdisho ayaa sheegay inuu ku yimid habacsanaan dhinaca ammaanka iyo dowladda oo aan qaadan digniinihii ka imaanaya caalamka.

Prof. Geeddi ayaa sheegay in wixii dhacay ay ahayd mid qornayd inay dhacdo balse loo baahan yahay in dowladda federaalka Soomaaliya looga baahan yahay ay ka digtoonaato inay mar kale dib u soo laabtaan.

“Dowlad markii loo sheego inay dhibaato kusoo wajahan tahay dalkooda, dignooni badan ayay sameysanaa, dhinacii uu warka ka yimid ayayna macluumaadka la wadaagtaa, xogtay raadsataa, wayna ka diyaar-garowdaa in khatarha la sheegayo inay saameyn ku yeeshaan dalkooda iyo dadkooda, waana ii muuqataa in arrimaha amniga aan sidii loo baahnaa loo maamulin,” ayuu yiri Prof. Geeddi.

Sidoo kale, ra’iisul wasaarihii hore wuxuu sheegay in dadkii ku geeriyooday weerarkaas ay ahaayeen dad wax-gal u ah Soomaaliya, isagoo tacsi u diray shacabka Soomaaliyeed, ehelladii ay dadkaas ka dhinteen iyo dowladda, wuxuuna ku baaqay in weerarkaas oo kale uusan mar dambe soo laaban.

Xukuuumadda Britain ayaa toddobaad ka hor uga digtay muwaadintiinteeda inay u safraan Soomaaliya oo ay sheegtay inay kusoo wajahan yihiin weerarro argagaxiso, kuwaasoo ay sheegtay inay marayaan heerkii ugu dambeeyay.

Dhanka kale, agaasimihii hore ee hay’adda nabadsugidda Qaranka ayaa sheegay in falkii shalay dhacay uu ahaa mid aan horay uga dhicin Muqdisho, wuxuuna eedda dusha ka saaray hay’adaha ammaanka oo uu ku tilmaamay kuwo ka seexday howlahoodii sugidda ammaanka.

“Falkan waa mid aan horay uga dhicin Muqdisho intii ay colaaduhu jireen, waana mid ku timid habacsanaan dhinaca ammaanka oo ka timid hay’adaha nabad-sugida iyo kuwa ammaanka” ayuu yiri Axmed Macallin Fiqi oo dhawaan ku dhawaaqay inuu iska casilay hoggaanka hay’adda nabadsugidda Qaranka.

Xarakada Al-shabaab ayaa sheegatay mas’uuliyada weerarro u badnaa Ismiidaamin oo shalay ka dhacay Muqdisho, iyadoo sheegtay inay ahaayeen kuwo laga gaaray hadafkii lagala lahaa ayna fuliyeen rag iyaga ka tirsan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/15/2013 2:55 PM EST
Isniin, Abriil 15, 2013 (HOL) — Madaxweynaha Puntland, Cabdiramxaan Sheekh Maxamed Faroole ayaa maanta xariga ka jaray dhismaha cusub ee madaxtooyada Puntland oo laga dhisay duleedka magaalada Garoowe ee xarunta Punland, kaasoo noqonaya madaxtooyadii ugu horreysay ee laga dhiso Garoowe.

4/15/2013 10:36 AM EST
Isniin, Abriil 15, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) iyo xubno ka tirsan golaha wasiirrada xukuumadda iyo taliyayaasha ciidamada ayaa maanta booqday maxkamadda gobolka oo uu ka dhacay shalay u weerarkii ugu xumaa ee soo mara Muqdisho. Isagoo sheegay inay ku dhinteen 29-qof ayna ku dhaawacmeen 58-qof oo kale.

4/15/2013 8:48 AM EST
Isniin, Abriil 15, 2013 (HOL) — Mas’uuliyiinta dawladda hoose ee degmada Laascaanood ayaa shaaca ka qaaday inay billaabayaan olole biyaha fadhiista badhtamaha magaalada lagaga hagaajinayo labada maalmood ee soo socda.

4/15/2013 8:17 AM EST
Isniin, Abriil 15, 2013 (HOL) — Xukuumadda Britain ayaa cambaareysay weerarradii ismiidaamin ah ee Axaddii shalay ahayd ka dhacay magaalada Muqdisho oo salfaday nolosha in ka badan 33 qof, iyadoo sheegtay inay horay uga digtay weerarradan.

4/15/2013 7:45 AM EST
Isniin, Abriil 15, 2013 (HOL) — Maamulka Puntland ayaa canbaareeyey weerarkii khasaaraha badan dhaliyey ee shalay lagu qaaday xarunta maxkamadda gobolka Banaadir ee magaalada Muqdisho.

4/15/2013 7:31 AM EST
Isniin, Abriil 15, 2013 (HOL) — GolahagGuurtidda Somaliland, ayaa maanta muddo laba sanno ah ku kordhiyey golaha Wakiiladda Somaliland kaddib markii ay muddo dhaaftay, isla markaana ay ka dhamaatay muddo ay hore ugu kordhiyeen.

4/15/2013 7:13 AM EST
Isniin, Abriil 15, 2013 (HOL) —Guddiga kumeel gaarka ah ee doorashooyinka Puntland ayaa maanta shaaciyey wakhtiga ay qabsoomi doonta doorashada goleyaasha deegaanka ee Puntland.

4/15/2013 6:49 AM EST
Isniin, Abriil 15, 2013 (HOL) — Waxaa dib loo furay labo buundo oo ku yaal jidka soo gala magaalada Boosaaso ee xarunta gobolka Bari kaddib markii dayactir xooggan lagu sameeyey.

4/15/2013 6:45 AM EST
Isniin, Abriil 15, 2013 (HOL) — Miinooyin kuwa lidka taangiyada ah, oo muddo 30-sano ka badan ku xabaalnaa miyiga degmada Gal-dogob ee gobolka Mudug ayaa lagu guuleystey in la saaro. Qorshaha miinooyinkan lagu saaray oo ah mid todobaadyadii ugu danbeeyey lagu howlanaa, waxaa iska kaashaday maamulka iyo waxgaradka Goldogob.

4/15/2013 2:28 AM EST
Isniin, Abriil 15, 2013 (HOL) — Madaxweynaha Soomaaliya, Xasan Sheekh Maxmauud ayaa ku dhawaaqay dagaal cusub oo ka dhan ah Xarakada Al-shabaab, kaddib kulan deg-deg ah oo xalay ay guddiga ammaanka Qaranka ku yeesheen xarunta madaxtooyada Soomaaliya.

4/15/2013 2:25 AM EST
Isniin, Abriil 15, 2013 (HOL) — Afhayeenka Al-shabaab Sheekh Cali Maxamuud Raage (Sheekh Cali Dheere) ayaa sheegay in weerarkii lagu dilay samafalayaasha Turkiga ah ee ka dhacay Muqdisho ay iyagu ka dambeeyeen uuna farriin u yahay shisheeyaha ku sugan dalka Soomaailya.

4/15/2013 2:22 AM EST
Isniin, Abriil 15, 2013 (HOL) — Warar dheeraad ah ayaa kasoo baxay khasaarihii ka dhashay weeraradii shalay ka dhacay Muqdisho, waxaana wararkii ugu dambeeyay ay sheegayaan in 33-qof oo isugu jira kooxihii weerarka qaaday, ciidamada dowladda, shaqaale iyo dad shacab ah ay ku dhinteen weerarradaas.