3/28/2024
Today from Hiiraan Online:  _
Wararka Maanta- Khamiis, Apr 11, 2013
Roobab ay ku diirsadeen dadka iyo duunyada oo ka Da’ay Kismaayo [Sawirro]

Khamiis, April 11, 2013(HOL) :- Iyadoo maalmihii ugu danbeeyay magaalada Kismaayo ay ka jireen kuleylo aad u daran ayaa xalay saqdii dhexe waxaa magaalada ka da’ay roobab aad u xooggan oo ay ku diirsadeen dadka iyo duunyada.

Roobabkan oo ah kuwa xilliga gu’ga ayaa bilowday xalay saqdii dhexe waxayna socdeen ilaa saaka aroortii, waxaana roobabkani ay biyo dhigeen qaar kamid ah wadooyinka waaweyn ee magaalada.

Shacabka ku dhaqan Magaalada Kismaaayo ayaa si diiran usoo dhaweeyay roobabka ka curtay magaalada xilli cimilada magaalada Kismaayo ay maalmihii u danbeeyay ahayd mid aad u kulul.

Roobabkan ayaa sidoo kale saameyn ku yeesheen isticmaalka qaar kamid ah wadooyinka muhiimka ah ee magaalada Kismaayo, waxaana ay gabi ahaanba jareen wadada dheer ee  laamiga  ah ee marta agagaarka guriga gobolka ee magaalada Kismaayo.

Gadiidka ayaa isticmaalaya wadooyin wareeg ah oo dhexmara xaafadaha magaalada, maadaama ay biyaha roobka ay dhex caygaagaan wadada dheer ee laamiga ah taasoo ay isticmaali jireen gaadiid isaga kala goosha xaafadaha magaalada Kismaayo.

Dhinaca kale roobabkan ayaa saameyn ku yeeshay dadka barakacayaasha ah eek u dhaqan magaalada Kismaayo, kuwaasoo markii horeba ku noolaa guryo ka sameysan cooshado, kuwaasoo aan awood u lahayn in ay iska difaacaan dhibicda roobka.

Roobabkani ka curtay Kismaayo ayaa kusoo beegmaya iyadoo lagu gudo jiro bishii 1-aad ee xilliga Gu’ga oo ah xilli roobeed  ay siweyn uga faa’iideystaan beeraleeyda Soomaaliyeed ee iyagu tabcada dalagyada kala duwan.

Xasan Nuur, Hiiraan Online
[email protected]
Kismaayo-Sooomaaliya.













Click here
4/11/2013 5:17 PM EST
Khamiis, April 11, 2013(HOL)—Waxaa ay ahayd habeen ay si weyn u wada sugayeen dadka Soomaaliyeed ee ku dhaqan gobolka Minnesota in ay ka soo qeybgalaan bandhigga buugga ka hadlaya nolosha Drs. Xaawo Cabdi, oo ah haweenay u dhaqdhaqaaqda xaquuqda aadanaha, tobonaankii sano ee ay dagaalladu ka socdeen Soomaaliyana ka shaqeynaysay daryeelka dadka ku waxyeeloobay saameynta colaadda.

4/11/2013 8:59 AM EST
Khamiis, Abriil 11, 2013 (HOL) — Wasiirka Qorsheynta iyo horumarinta Somaliland, Dr:Sacad Cali Shire, ayaa sheegay inay hakiyeen sahamin tiradda dadka lagu ogaanayey oo ay samaynaysay Hay’ada qaramada midoobay uqaabilsan tirokoobka dadka ka dib markii ay hay’adaasi soo saartay in dadka ku nool Puntland ay ka badan yihiin Somaliland.

4/11/2013 8:30 AM EST
Khamiis, Abriil 11, 2013 (HOL) — Kulan looga hadlayay dhibaatooyinka burcad-badeedda ayaa maanta lagu qabtay garoonka diyaaradaha ee Muqdisho, kaasoo ay kasoo qaybgaleen mas’uuliyiin caalami ah, wasiirro ka tirsan xukuumadda Soomaaliya iyo quburo ku xeel-dheer arrimaah burcad-badeedda.

4/11/2013 8:02 AM EST
Khamiis, Abriil 11, 2013 (HOL) — Ra'iisul wasaaraha Somalia, Cabdi Faarax Shirdoon (Saacid) iyo wafdi uu hoggaaminayo ayaa gaaray xarunta dalka Burundi ee Bujumbura, kaddib markii ay saakay ka ambabaxaan magaalada Kampala ee dalka Uganda.

4/11/2013 7:43 AM EST
Khamiis, Abriil 11, 2013 (HOL) — Guddoomiyaha maamulka cusub ee gobolka Hiiraan Cabdi Faarax Laqanyo ayaa u sheegya warbaahinta in tallaabada ugu horeysay ee maamulkiisu qaadayo tahay wax ka qabashada arrimaha nabad-galyada.

4/11/2013 12:57 AM EST
Khamiis, Abriil 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) oo laba maalmood ku sugan dalka Uganda ayaa kulammo la kala yeeshay madaxweynaha dalkaas, Yoweri Museveni iyo jaaliyadda Soomaaliyeed ee Uganda ku nool.