3/19/2019
Today from Hiiraan Online:  _
Wararka Maanta- Khamiis, Apr 11, 2013
Kulan caalami ah oo looga Hadlay Dhibaatooyinka Burcad-badeeda oo Maanta lagu qabtay Magaalada Muqdisho


Khamiis, Abriil 11, 2013 (HOL) — Kulan looga hadlayay dhibaatooyinka burcad-badeedda ayaa maanta lagu qabtay garoonka diyaaradaha ee Muqdisho, kaasoo ay kasoo qaybgaleen mas’uuliyiin caalami ah, wasiirro ka tirsan xukuumadda Soomaaliya iyo quburo ku xeel-dheer arrimaah burcad-badeedda.

Kulanka ayaa lagu soo bandhigay warbixin la diyaarinayay shanti sano ee lasoo dhaafay tasoo ku saabsanayd arrimaha burcad-badeedda waxayna warbixintu qeexaysay saameynta iyo dhaawaca dhaqaale ee ay burcad-badeednimadu geysato.

Wakiilka bankiga adduubka ee Afrika, Ms. Ms.Bella Bird oo kulanka ka hadashay ayaa sheegtay in warbixintan laga sameeyay burcad-badeedda ay muhiim u tahay xallinta la-dagaallanka burcad-badeedda, iyadoo sheegtay in bankiga adduunka oo kaashana beesha caalamka uu gacan ka geysanayo dhismaha Soomaaliya taageero buuxdana uu siinayo dowladda Soomaaliya.

Wasiirka kheyaadka dalka, Cabdirisaaq Cumar Maxamed ayaa tilmaamay in xukuumadda Soomaaliya ay abuureyso hab lagu badbaadinayo kheyraadka ku jira badaha Soomaaliya, isla markaana taageerada Adduunka ay lagama maarmaan tahay.

Sidoo kale, wasiirka garsoorka, cadaaladda iyo arrimaha diinta, Cabdulaahi Abyan Nuur ahna ku simaha ra’iisul wasaaraha oo isna kulanka ka hadlay ayaa sheegay in xallinta burcad-badeednimada uu ku imaan karo oo keliya in la dhiso ciidamada badda Soomaaliya, isagoo intaas ku daray in dowladda fedeaalka Soomaaliya ay qaadday waddo kasta oo meesha looga saarayo burcad-badeednimada.

Doodo iyo su’aalo ayaa la isku dhaafsaday ka hor intii aan lasoo xirin shirka, iyadoo wakiillladii ka socday Mareykanka iyo hay’adaha kale ay si isku mid ah u miijiyeen taageerada ay u hayaan dowladda Soomaaliya; si looga hor-tago burcadeednimada, waxaana warbixintii halkaasi lagu soo bandhigay ku jirtay in shantii sanno ee lasoo dhaafay uu hoos dhac weyn ku yimid falalkii burcadbadeednimo ee ka dhici jiray badaha Soomaaliya, balse dhaqaalihii uu adduunka Soomaaliya ku taageeri lahaa ay sameeyn ku yeesheen.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
4/11/2013 5:17 PM EST
Khamiis, April 11, 2013(HOL)—Waxaa ay ahayd habeen ay si weyn u wada sugayeen dadka Soomaaliyeed ee ku dhaqan gobolka Minnesota in ay ka soo qeybgalaan bandhigga buugga ka hadlaya nolosha Drs. Xaawo Cabdi, oo ah haweenay u dhaqdhaqaaqda xaquuqda aadanaha, tobonaankii sano ee ay dagaalladu ka socdeen Soomaaliyana ka shaqeynaysay daryeelka dadka ku waxyeeloobay saameynta colaadda.

4/11/2013 10:19 AM EST
Khamiis, April 11, 2013(HOL) :- Iyadoo maalmihii ugu danbeeyay magaalada Kismaayo ay ka jireen kuleylo aad u daran ayaa xalay saqdii dhexe waxaa magaalada ka da’ay roobab aad u xooggan oo ay ku diirsadeen dadka iyo duunyada.

4/11/2013 8:59 AM EST
Khamiis, Abriil 11, 2013 (HOL) — Wasiirka Qorsheynta iyo horumarinta Somaliland, Dr:Sacad Cali Shire, ayaa sheegay inay hakiyeen sahamin tiradda dadka lagu ogaanayey oo ay samaynaysay Hay’ada qaramada midoobay uqaabilsan tirokoobka dadka ka dib markii ay hay’adaasi soo saartay in dadka ku nool Puntland ay ka badan yihiin Somaliland.

4/11/2013 8:02 AM EST
Khamiis, Abriil 11, 2013 (HOL) — Ra'iisul wasaaraha Somalia, Cabdi Faarax Shirdoon (Saacid) iyo wafdi uu hoggaaminayo ayaa gaaray xarunta dalka Burundi ee Bujumbura, kaddib markii ay saakay ka ambabaxaan magaalada Kampala ee dalka Uganda.

4/11/2013 7:43 AM EST
Khamiis, Abriil 11, 2013 (HOL) — Guddoomiyaha maamulka cusub ee gobolka Hiiraan Cabdi Faarax Laqanyo ayaa u sheegya warbaahinta in tallaabada ugu horeysay ee maamulkiisu qaadayo tahay wax ka qabashada arrimaha nabad-galyada.

4/11/2013 12:57 AM EST
Khamiis, Abriil 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) oo laba maalmood ku sugan dalka Uganda ayaa kulammo la kala yeeshay madaxweynaha dalkaas, Yoweri Museveni iyo jaaliyadda Soomaaliyeed ee Uganda ku nool.