6/19/2019
Today from Hiiraan Online:  _
Wararka Maanta- Khamiis, Apr 11, 2013
Ra'iisul Wasaaraha Somalia iyo Wafdigiisa oo si Diirran Loogu soo Dhaweeyay Magaalada Bujumbura ee Dalka Burundi (SAWIRRO)



Khamiis, Abriil 11, 2013 (HOL) — Ra'iisul wasaaraha Somalia, Cabdi Faarax Shirdoon (Saacid) iyo wafdi uu hoggaaminayo ayaa gaaray xarunta dalka Burundi ee Bujumbura, kaddib markii ay saakay ka ambabaxaan magaalada Kampala ee dalka Uganda.

Wafdiga ra'iisul wasaaraha oo ay ka mid yihiin wasiirka difaaca, Cabdixakiin Maxamuud Xaaji Faqi, xildhibaanad Caasha Xaaji Cilmi iyo xubno kale oo ka tirsan xukuumadda Soomaaliya, waxaana garoonka Bujumbura si weyn ugu soo dhaweeyay madaxweyne ku-xigeenka Burundi, Gervais Rufyikiri, xubno ka tirsan golaha wasiirrada iyo xildhibaanno; waxaana garoonka salaan ku siiyay cutubyo ka tirsan ciidamada Burundi.

Mudane Saacid oo warbaahinta la hadlay ayaa sheegay in booqashadan ay qayb ka tahay booqashooyin uu kusoo maray dalalka ay ciidamadu ka joogaan Soomaaliya, sida Jabuuti, Itoobiya iyo Uganda, isagoo intaass ku daray in dalka Burundi oo isna qayb muhiim ah ka ah ciidamada AMISOM uu kala hadli doono arrimo ku aadan xiriirka labada dal iyo iskaashiga amniga  iyo horumarka labada dal.

"Dalka Burundi waxaa Soomaaliya ka jooga ciidammo badan oo qayb ka ah howlgalka nabad-ilaalinta Midowga Afrika ee AMISOM, waxaana doonaynaa inaan xoojinno xiriirkeenna, waxaana ka wada-hadli doonnaa arrimo badan oo quseeya nabadda iyo iskaashiga labada dal," ayuu yiri mudane saacid oo koox wariyeyaal ah kula hadlayay garoonka diyaaradaha Bujumbura.

Ra'iisal wasaaraha Soomaaliya ayaa la filayaa in socdaalkiisa uu kusoo gabagabeyn doono dalka Burundi, isagoo soo maray dalalka ay ciidamadu ka joogaan Soomaaliya.









Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
4/11/2013 5:17 PM EST
Khamiis, April 11, 2013(HOL)—Waxaa ay ahayd habeen ay si weyn u wada sugayeen dadka Soomaaliyeed ee ku dhaqan gobolka Minnesota in ay ka soo qeybgalaan bandhigga buugga ka hadlaya nolosha Drs. Xaawo Cabdi, oo ah haweenay u dhaqdhaqaaqda xaquuqda aadanaha, tobonaankii sano ee ay dagaalladu ka socdeen Soomaaliyana ka shaqeynaysay daryeelka dadka ku waxyeeloobay saameynta colaadda.

4/11/2013 10:19 AM EST
Khamiis, April 11, 2013(HOL) :- Iyadoo maalmihii ugu danbeeyay magaalada Kismaayo ay ka jireen kuleylo aad u daran ayaa xalay saqdii dhexe waxaa magaalada ka da’ay roobab aad u xooggan oo ay ku diirsadeen dadka iyo duunyada.

4/11/2013 8:59 AM EST
Khamiis, Abriil 11, 2013 (HOL) — Wasiirka Qorsheynta iyo horumarinta Somaliland, Dr:Sacad Cali Shire, ayaa sheegay inay hakiyeen sahamin tiradda dadka lagu ogaanayey oo ay samaynaysay Hay’ada qaramada midoobay uqaabilsan tirokoobka dadka ka dib markii ay hay’adaasi soo saartay in dadka ku nool Puntland ay ka badan yihiin Somaliland.

4/11/2013 8:30 AM EST
Khamiis, Abriil 11, 2013 (HOL) — Kulan looga hadlayay dhibaatooyinka burcad-badeedda ayaa maanta lagu qabtay garoonka diyaaradaha ee Muqdisho, kaasoo ay kasoo qaybgaleen mas’uuliyiin caalami ah, wasiirro ka tirsan xukuumadda Soomaaliya iyo quburo ku xeel-dheer arrimaah burcad-badeedda.

4/11/2013 7:43 AM EST
Khamiis, Abriil 11, 2013 (HOL) — Guddoomiyaha maamulka cusub ee gobolka Hiiraan Cabdi Faarax Laqanyo ayaa u sheegya warbaahinta in tallaabada ugu horeysay ee maamulkiisu qaadayo tahay wax ka qabashada arrimaha nabad-galyada.

4/11/2013 12:57 AM EST
Khamiis, Abriil 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) oo laba maalmood ku sugan dalka Uganda ayaa kulammo la kala yeeshay madaxweynaha dalkaas, Yoweri Museveni iyo jaaliyadda Soomaaliyeed ee Uganda ku nool.