8/11/2022
Today from Hiiraan Online:  _
Wararka Maanta- Sabti, Sept 8 , 2012
Sheekh Fu'aad Shangole oo sheegay in Ciidamada AMISOM ay yihiin kuwo u adeegaya dalalka Yurub iyo Mareykanka
Sabti, September 08, 2012 (HOL) — Madaxa dacwada ee Al-shabaab, Sheekh Fu'aad Maxamed Shangole ayaa sheegay in ciidamada AMISOM ay yihiin kuwo u adeegaya dalalka reer galbeedka si loo baabi'iyo ku dhaqanka diinta Islaamka ee ka hirgalay Soomaaliya.

Sheekh Fu'aad ayaa hadalkan ka sheegay masjid ku yaalla degmada Diinsoor ee gobolka Bay oo uu shalay salaaddii Jimcaha kaddib kula hadlayay boqolaal qof oo ku tukaday, isagoo sheegay in qorshaha dagaal ee Soomaaliya uu yahay mid ku dhisan diin.

"Ciidamada AMSIOM ee ka socda dalalka Uganda, Burundi, Kenya, Jabuuti iyo Sierra Leone waa kuwo u adeegaya reer galbeedka, si diinta Islaamka loo buburiyo," ayuu yiri Sheekh Fu'aad Shongole oo sidoo kale sheegay in ciidamada Itoobiya ay iyaguna dalka u joogaan dagaalka lagula jiro Islaamka.

"Xogaha haynno waxay sheegayaan in ciidammo ka socda waddamada Mareykanka, Ingiriiska iyo Faransiiska ay ku sugan yihiin Soomaaliya kuwaasoo ah jaajuusiin col la ah diinta islaamka, mana tagayaan illaa ujeeddooyinkooda ay hirgeliyaan," ayuu Sheekh Fu'aad ku sheegay khudbadiisa.

Dhanka kale, mas'uulkan Al-shabaab ka tirsan wuxuu sheegay in reer galbeedka oo uu horkacayo Mareykanka ay kusoo duuleen Soomaaliya sannadkii 1993-kii, waana laga adkaaday markii laga hortagay, marka ciidamada hadda ku sugan Soomaaliya waa laga adkaan karaa.

Xarakada Al-shabaab ayaa tan iyo sannadkan waxay ka baxayeen dhul ballaaran oo ay sannado ka talinayeen, kaddib markii jihooyin badan ay kaga furmeen dagaallo, iyadoo mas'uuliyiintooda ay tan iyo xilligaas ku guubaabinayeen shacabka inay qayb ka qaataan dagaallada.

Sheekh Fu'aad Shangole ayaa wuxuu ka mid yahay saraakiil Al-shabaab ka tirsan oo uu Mareykanku dul-dhigay malaayiin dollar oo madaxfurasho ah, iyadoo hadalkan uu ka jeediyay degmada Diinsoor uu noqonayo kii labaad oo uu jeediyo tan iyo markii madax-furashada lacageed la dul-dhigay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/8/2012 7:14 PM EST
Sabti, 8-da September 2012(HOL): Waxaa magaalada Katrineholm ee dalka Sweden lagu qabtay munaasabad lagu soo dhaweynayay doorashada hoggaanka baarlamaanka Soomaaliya iyo musharraxnimada Shiikh Shariif Shiikh Axmed, iyadoo ay munaasabadda ahayd mid si weyn loo soo agaasimay.

9/8/2012 4:35 PM EST
Saturday, Sabti, September 08, 2012 (HOL) - Magaalada Muqdisho ee caasimada Soomaaliya ayaa laga dareemayaa diyaar garow xoogleh oo loogu jiro doorashada dhici doonta maalinta isniinta ah.

9/8/2012 9:56 AM EST
Sabti, September 08, 2012 (HOL) — Wasiirka wafaafinta Itoobiya ahna afhayeenka xukuumadda Itoobiya, Bereket Simon ayaa sheegtay inay wadahadallo nabadeed la yeesheen labadii maalmood ee lasoo dhaafay jabahadda xoreynta Ogaadeeniya ee ONLF.

9/8/2012 9:33 AM EST
Sabti, September 08, 2012 (HOL) — Maamulka Puntland ayaa warsaxaafadeed uu soo saaray maanta oo Sabti ah ku sheegay inay ka digayaan in la musuqmaasuq doorashada madaxweynenimo ee dalka oo dhacaysa toddobaadkan, waxayna ku hanjabeen haddii la musuqmaasuqo inay qaadan doonaan go'aan iyaga u gaar ah.

9/8/2012 8:55 AM EST
Sabti, September 08, 2012 (HOL) — Maamulka gobolka Hiiraan ayaa waxba kama jiraan ku sheegay dhismaha maamul gobolleed ay ku baaqeen mas’uuliyiinta Ahlu Sunna Waljameeca kadib kulamo maalmihii ugu danbeeyay ay ku lahaayeen gobollka Galguduud.

9/8/2012 8:32 AM EST
Sabti, September 08, 2012 (HOL) — Booliiska dowladda Soomaaliya iyo booliiska AMISOM ayaa maanta mar kale ka sameeyay degmada Xamarjajab ee gobolka Banaadir howlgallo lagu soo qabqabtay in ka 166-qof, kuwaasoo dhammaantood ahaa dhallinyaro.

9/8/2012 8:01 AM EST
Sabti, September 08, 2012 (HOL) — Ciidamada dowladda Soomaaliya iyo oo garab ka helaya kuwa Midowga Afrika ee AMISOM ayaa saakay la wareegay gacan ku haynta degmada Warsheekh ee gobolka Shabellaha Dhexe, iyadoo aysan jirin wax dagaallo ah oo dhacay.

9/8/2012 7:16 AM EST
Sabti, September 08, 2012 (HOL) — Guddoomiyihii majmaca culummada Soomaaliyeed, Sheekh Axmed Cabdi Dhicisoow ayaa xalay ku geeriyooday Muqdisho kaddib xanuun oo maalmahaan u jiifay, waxaana isla maanta lagu aasay Muqdisho.

9/8/2012 6:36 AM EST
Sabti, September 08, 2012 (HOL) — Iska-horimaad socday saacado ayaa xalay deegaanka Miido oo hoostaga degmada Afmadow ee gobolka Jubbada hoose ku dhexmaray ciidamada dowladda Soomaaliya oo garab ka helaya kuwa Kenya iyo xoogagga Al-shabaab.

9/8/2012 3:58 AM EST
Sabti, September 08, 2012 (HOL) — Booliiska Kenya ayaa sheegay inay 150 walxo qarxo ah iyo qalabkii lagu qarxinayay ay ka heleen guri ku yaalla magaalada Nairobi ee xarunta dalka Kenya shalay oo Jimco ahayd.

9/8/2012 3:40 AM EST
Sabti, September 08, 2012 (HOL) — Maanta ayaa lagu wadaa inay 15-kii murashax ee haray ay barnaamijkooda siyaasadeed ka horjeediyaan xildhibaannada baarlamaanka Soomaaliya, iyadoo shalay ay 10-murashax barnaamijkooda jeediyeen.