3/19/2024
Today from Hiiraan Online:  _
Wararka Maanta- Arbaco, Sept 19, 2012
Wasiirka Arrimaha Dibadda Kenya oo beeniyay in Weeraradii Ismiidaaminta ahaa ee Muqdsiho uu ku eedeeyay Shariif Sheekh Axmed

Arbaco, September 19, 2012 (HOL) — Wasiirka arrimaha dibadda ee Kenya, Sam Ongeri ayaa iska diiday in qaraxii ismiidaaminta ahaa ee toddobaadkii hore lagu weeraray hoteel uu deggenaa madaxweynaha cusub ee Soomaaliya uu ku eedeeyay madaxweynihii hore ee Soomaaliya, Shariif Sheekh Axmed.

Ongeri oo wariyeyaasha kula hadlayay Nairobi ayaa sheegay in wararkii ay baahiyeen wargeysyada kasoo baxa gudaha Kenya qaarkood aysna ahayn run, ayna ahaayeen kuwo lagu doonayay in sharaftiisa wax loogu dhimo.

"Sidee anigu hadalkaas oo kele u sheegi karaa, iyadoo madaxweynihii hore ee Soomaaliya uu ka mid ahaa dadkii ugu horreeyay ee noogu yimid hoteelka, sideen u eedeyn karaa, maxaana ka faa'iidayaa inaan warkaas oo kale iraado? ayuu Ongeri isweydiiyay.

Wasiirka ayaa shirka jaraa'id qabtay kaddib markii safiirka Soomaaliya ee Kenya uu u gudbiyay warqad cabasho ah oo ku saabsan hadalkan. Iyadoo la xusuuto in sidoo kale uu ka hadlay arrintan madaxweynihii la eedeeyay Shariif Sheekh Axmed isagoo iska fogeeyay arrintaas.

Shariif Sheekh ayaa sheegay inuu aad uga xun yahay in tuhunka intaas le'eg laga qaado lana sheego warkaas, isagoo sidoo kale Kenya ku eedeeyay inaysan dhex-dhexaad ka ahayn doorashooyinkii Muqdisho ka dhacay ayna isaga kasoo horjeedday.

Sam Ongeri ayaa iska fogeeyay inuu hadalkaas yiri. "Waxaan doonayaa inaan u xaqiijiyo Shariif Sheekh Axmed, inaanan hadalkaas oo anigu oran. Aana dhici karin hadalkaas oo kale."

Wasiirka arrimaha dibadda ee Kenya iyo wafdi la socday ayaa ku sugnaa hoteelka xilliga ay qaraxyada ismiidaaminta ah dhacayeen, iyadoo aysan jirin wax khasaare ah oo kasoo gaaray weerarka madaxdii hoteelkaas ku sugnaa.

"Halkan waxaan ka caddeynayaa in xiriirka Kenya iyo Soomaaliya uu yahay mid aad u wanaagsan, xitaa haddii Shariif Sheekh uu soo booqdo Kenya waxana u soo dhaweyn doonnaa si la mid ah sida aan u soo dhaweyno madaxda adduunka," ayuu Ongeri hadalkiisa ku daray.

Weerarkaas Ismiidaaminta ahaa ayaa waxaa sheegatay Al-shabaab, waxaana ku dhintay sagaal qof oo ay ku jireen laba askarta AMISOM ka tirsanaa, saddex kuwa Soomaaliya ka mid ahaa iyo qof shacab ah, waxaana sidoo kale ku dhintay saddex qof oo weerarka soo qaaday, kuwaasoo midkood la toogtay.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/19/2012 12:40 PM EST
Arbaco, September 19, 2012(HOL):Waxaa magaalada Xaafuun ee dalka Gobolka Bari lagu xiray Fannaanka Khaalid Abuukar Cadaani (Super Khaalid) iyo Bashiir Mursal Ciise oo la dhashay Fannaanadda Maryan Mursal Ciise, iyagoo haatanna ku jira xabsi ku yaallada degmadaas.

9/19/2012 9:20 AM EST
Arbaco, September 19, 2012 (HOL) — Golaha ammaanka ee Qaramada Midoobay ayaa sheegay inay si dhow ula shaqeynayaan hay'adaha cusub ee dowladda Soomaaliya iyo xafiisyada xukuumadda, waxayna ku dhiirrigeliyeen madaxweynaha cusub, Xasan Sheekh Maxamuud inuu soo dhiso xukuumad loo dhan yahay lalana xisaabtami karo.

9/19/2012 9:19 AM EST
Arbaco, September 19, 2012 (HOL) — Tartan kubada cagta ah oo lagu maamuusayo wax qabadkii Alle ha u naxariistee Eng Cali Xaaji Shirwac ayaa si rasmi ah uga furmay garoonka kubada cagta Cawaale ee degmada Gaalkacyo.

9/19/2012 9:12 AM EST
Arbaco, September 19, 2012 (HOL) — Qunsulkii safaaradda Soomaaliya ee dalka Kenya, Maxamed Cismaan Adan (Edson) ayaa maanta lagu aasay magaalada Nairobi ee dalka Kenya, kaddib markii uu xalay ku geeriyooday isbitaal ku yaalla magaalada Nairobi.

9/19/2012 8:25 AM EST
Arbaco, September 19, 2012 (HOL) — Magaalada Boosaaso ee xarunta gobolka Bari waxaa maanta ka dhacay kulan balaaran oo ay isugu yimaadeen cuqaasha iyo waxgaradka 4 degmo oo ka kala tirsan gobolada Bari iyo Karkaar, kuwaas oo kala ah: Baargaal, Waaciye, Ufeyn iyo Rako.

9/19/2012 8:17 AM EST
Arbaco, September 19, 2012 (HOL) — Qurbo-joogta beesha Xawaadle ayaa gef ku tilmaamay hadallo ay warbaahinta siiyeen shaqsiyaad beesha ka tirsan, kuwaasoo eedeyn ugu soo jeediyeen Ugaaska beesha, Ugaas C/raxmaan Ugaas Khaliif Ugaas Rooble.

9/19/2012 6:30 AM EST
Arbaco, September 19, 2012 (HOL) — Dadka ku dhaqan magaalada Kismaayo ayaa saaka ku waabariistay ciidamo aad u tiro badan iyo gaadiidka nooca dagaalka oo soo oo gaafwareegaya wadooyinka magaalada, waxaana sidoo kale magaalada soo gaaray masuuliyiin sar sare oo katirsan xarakada Al-shabaab.

9/19/2012 6:28 AM EST
Arbaco, September 19, 2012 (HOL) — Mas’uuliyiin ka tirsan maamulka gobolka Galguduud, odayaal iyo waxgarad ka soo jeeda gobollka ayaa siweyn ugu howlan joojinta colaad u dhaxeeya labo beelood oo wada-dega gobolkaas.

9/19/2012 4:16 AM EST
Arbaco, September 19, 2012 (HOL) — Madaxweynaha Soomaaliya, Xasan Sheekh Maxamuud ayaa xalay kulan kula yeeshay xarunta madaxtooyada xildhibaannada baarlamanka federalka Soomaaliya iyo murashaxiintii xilka madaxweynenimo kula tartamay.

9/19/2012 3:56 AM EST
Arbaco, September 19, 2012 (HOL) — Afhayeenka Xarakada Al-Shabaab, Sheekh Cali Maxamuud Raage (Sheekh Cali Dheere) oo shir jaraa'id qabtay ayaa sheegay in ka bixitaanka magaalada Kismaayo uu ka horreeyo dhiig badan oo daata, xilli ay ka jirto magaaladaas cabsi weyn dadkuna ay ka barakacayaan.

9/19/2012 3:35 AM EST
Arbaco, September 19, 2012 (HOL) — Kooxo hubeysan ayaa xalay degmada Afgooye ee gobolka Shabeellada hoose ku toogtay mid ka mid ah askarta ciidamada dowladda Soomaaliya ee halkaas ku sugan, iyadoo saakayna laga maqlay qaraxyo waaweyn.