3/28/2024
Today from Hiiraan Online:  _
Wararka Maanta- Sabti, May 12, 2012
Booliiska Dalka Kenya oo Xeryaha Qaxootiga Dhadhaab ku Qab-qabtay dad badan iyo Bandow xalay lagu soo rogay Xeryahaas

Sabti, May 12, 2012 (HOL) — Booliska Kenya ayaa xeryaha qoxootiga Dhadhaab ee dalka Kenya ku qabqabtay shalay gallinkii dambe illaa xalay in ka badan boqol qof, kuwaasoo lagu eedeeyay inay ku ku lug lahaayeen falalka amni-darro oo ka dhaca xeryahaas.

Ciidamo fara badan oo katirsan Booliska Kenya ayaa xalay wareegayay xerooyinka Dhadhaab, waxaana dadka ku dhaqan xerooyinkaasi lagu wargeliyay bandow ka bilaabanayay 6:00 Maqribnimo ee xalay kuna ekaa ilaa Saaka aroortii.

Mid kamid ah dadka ku dhaqan Xerada Xagardheer oo ka gaabsaday magaciisa ayaa HOL u sheegay in xalay ciidamada Booliska ay guryaha kala baxeen dad badan, wuxuuna sheegay in dadka qaarkood ay u geysteen jirdil.

"Xalay cabsi aad u weyn ayaa jirtay, booliskana waxay galayeen xaafadaha, iyagoo kala soo baxayay dhalinyarada, jirdilna way u geysanayeen," ayuu goobjoogahaasi hadalkiisii ku daray.

Maalin kahor ayay ahayd marii ciidamada Booliska Kenya ay fashiliyeen bambaanooyin lagu aasay Xarunta Keydka Raashiinka ee Xagardheer, kadib markii ay ku wargeliyeen dadka deegaanka in halkaasi lagu aasay Bambaanooyin, waxaa ay arintaasi keentay in shalay kulan deg deg ah ay isugu yimaadaan saraakiisha Booliska, gudoomiyaasha xerooyinka iyo weliba masuuliyiin kasocotay hay'adda qaxootiga aduunka ee UNHCR.

Taliyaha Ciidamada Booliska Dhadhaab George King oo warbaahinta la hadlay ayaa sheegay in Bandowga ay xalay kusoo rogeen xerooyinka ku yaal Degmada Dhadhaab uu ahaa mid lagu xaqiijinayo ammaanka guud ee xerooyinka islamarkaasina looga hortagayo wixii qalqal gelin kara ammaanka Xerooyinkaasi.

Dadka ku dhaqan Xerooyinka qaxootiyada ee Dhadhaab ayaa walaac ka muujiyay howlgallada ciidamada Booliska Kenya ay Xerooyinka ka sameeyaan marka uu qarax ama wax lamid ah ka dhaco, waxaana ay sheegeen in ciidamadu ay si aan kala sooc lahayn u qabqabtaan dadka ku nool xerooyinkaasi.

Xasan Nuur, Hiiraan Online
[email protected]
Kismaayo, Soomaaliya













Click here
5/12/2012 9:21 AM EST
Sabti, May 12, 2012(HOL) — Waxaa manta Magaalada Cabudwaaq ka dhacay isu imaatin loogu baroordiqayay Xildhibaannadi naftooda qaaliga ah ku waayay qaraxii ka dhacay magaalada Dhuusamareeb ee xarunta gobolka Galgaduud.

5/12/2012 9:11 AM EST
Sabti, May 12, 2012 (HOL) — Askari u dhashay dalka Uganad kana tirsanaa ciidanka AMSIOM ee ka howlgala Muqdisho ayaa la xukumay kaddib markii uu rasaas ka iibiyay wiil Soomaali ah.

5/12/2012 8:57 AM EST
Sabti, May 12, 2012 (HOL) — Waxaa maanta magaalada Doolow ee Gobolka Gedo tababar ciidan loogu soo xiray 1,500 oo askari kuwaasoo bilooyinkii u danbeeyay uu halkaasi uga socday tababar Militari.

5/12/2012 8:42 AM EST
Sabti, May 12, 2012 (HOL) — Dowladda Iiraan ayaa sheegtay inay dhawaan u dirayso Soomaaliya shixnadii 15-aad oo gargaar bani'aadamnimo ah, taasoo isugu jirta raashin iyo dawo.

5/12/2012 8:25 AM EST
Sabti, May 12, 2012 (HOL) — Madaxweynnaha Somaliland, Md: Axmed Maxamed Maxamuud Siillaanyo, iyo Wefti balaadhan oo uu hogaaminayo ayaa maanta safar shaqo ku tagay gobolka Awdal ee somaliland, waxaanu xadhiga ka jaray waddo cusub oo laga hirgaliyey Dilla ilaa Boorame.

5/12/2012 8:10 AM EST
Sabti, May 12, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in fikirka ku aaddan dastuurka ee Puntland ayaa ku sheegay mid la mid ah fikirka ay dadku ka qabaan dastuurka.

5/12/2012 7:09 AM EST
Sabti, May 12, 2012 (HOL) — Hay'adda Midowga Dhallinyarada Soomaaliyeed (UYS) ayaa maanta dood-cilmiyeed hal-ku-dhiggiisu ahaa adkeynta nabada ugu qabatay Muqdisho odayaasha-dhaqanka.

5/12/2012 6:26 AM EST
Sabti, May 12, 2012 (HOL) — Guddoomiyaha maamulka gobolka Hiiraan. Cabdifitaax Xasan Afrax ayaa sheegay in maamulkiisu uu wax badan ka qabtay muddadii uu xilka hayay arrimaha amaanka, samafalka iyo weliba dib-u-dhiska.

5/12/2012 6:26 AM EST
Sabti, May 12, 2012 (HOL) — Boqollaal Haween ah oo ay nolosha qoyskoodu ku tiirsanayd ka ganacsiga qaadka ayaa ka cabanaya shaqo la'aan iyo xaalado nolol xumo oo soo foodsaaray, kadib markii dhawaan xoogagga Al-shabaab ay gabi ahaanba mamnuuceen ka ganacsiga Qaadka.

5/12/2012 3:34 AM EST
Sabti, May 12, 2012 (HOL) — Maamul-goboleedka Puntland ayaa kasoo horjeestay dastuurka cusub ee Soomaaliya, iyagoo ku sheegay inuusan ahayn dastuur u qalma in lagu hoggaamiyo Soomaaliya.

5/12/2012 3:20 AM EST
Sabti, May 12, 2012 (HOL) — Xildhibaan Maxamed Raage oo ka mid ah xubanaha dowladda KMG ah ee ku sugan gobolka Jubbada hoose ayaa sheegay in ciidamada dowladda Soomaaliya ee gobolkaas ku sugan ay qabteen dagaalyahan Kenyan ah oo ka tirsan Al-shabaab.

5/12/2012 3:01 AM EST
Sabti, May 12, 2012 (HOL) — Hoggaamiyaha Al-Qaacida, Dr Ayman Al-Zawahiri oo Internet-ka soo diray cajalad maqal iyo muuqaal ah ayaa kula taliyay Al-shabaab in dagaalkooda ay u bedelaan qaab jabhadeyn ah ayna la dagaalamaan ciidamada DKMG ah iyo kuwa kale ee ku sugan Soomaaliya.

5/12/2012 1:58 AM EST
Sabti, May 12, 2012 - Waxaa magaalada Helsinki ee dalka Finland maanta lagu soo gabagabeeyay kulankii Qoreyaasha Soomaaliyeed ee shalay & maanta ka socday deegaannada Espoo Kiskus & Espoo Enteresse isla markaana ay ka soo qeybgaleen qeybaha bulshada Soomaaliyeed ee ku dhaqan magaalada Helsinki.

5/12/2012 1:24 AM EST
Sabti, May 12, 2012 (HOL) - Banaan baxaan oo salaaddii jimcaha kadib ka dhacay iridda hore xarunta weyn ee bangiga Wellsfargo ku leeyahay bartamaha magaalada Minneapolis ee Gobolka Minnesota, ayaa waxaa ka soo qeybgalay boqolaal Soomaali ah, oo ka gadoodsan wada-shaqeyn la’aanta bangiyada iyo xirnaashaha xawaaladaha Soomaalida.