9/20/2018
Today from Hiiraan Online:  _
Wararka Maanta- Sabti, May 12, 2012
Guddoomiyaha Gobolka Hiiraan oo sheegay in Hay’adihii laga Mamnuucay Gobolka ay dib howlahoodii u bilaabeen


Sabti, May 12, 2012 (HOL) — Guddoomiyaha maamulka gobolka Hiiraan. Cabdifitaax Xasan Afrax ayaa sheegay in maamulkiisu uu wax badan ka qabtay muddadii uu xilka hayay arrimaha amaanka, samafalka iyo weliba dib-u-dhiska.

Mudane Afrax wuxuu sheegay in wax badan lagu guuleystay wax ka qabashada nabad-galyada magaalada, gaar ahaan waxaa uu sheegay in ciidamada maamulka gobollka iyo kuwa Itoobiya saacad walba ku howlan yihiin sidii loo sugi lahaa amaanka magaalada, iyadoo laga foojigan yahay dhibaato soo gaarta dadka rayidka.

"Inta badan waa la fashiliyaan falalka amaan darro oo ay soo abaabulaan kooxaha nabada kaa soo horjeeda, taana waxaa ay sahashay in dadka ku dhaqan magaalada si nabad-galyo ah howlahooda ku qabsadaan,’’ ayuu yiri guddoomiyaha gobolka Hiiraan.

Dhinaca samafalka mar uu soo hadal qaaday waxaa uu sheegay in ay maamulku xooga saaray sidii dib loogu soo celin lahaa hay’addihii samafalka ee kol hore laga mamnuucay gobollka, iyaga oo xafiisyadooda ka furanaya magaalada Beledweyne.

"Hadda intooda badan hay’addihii samafalka laga mamnuucay magaalada dib ayeey howlahoodii shaqo u bilaabeen, waxaana ay diyaar u yihiin in ay gargaar dadka dhibaateysan, annaga marar badan ayaan kala hadallnay in la kaalmeeyo dadka u baahan gargaarka,’’ ayuu hadalkiisa ku daray.

Sidoo kale waxaa uu sheegay in maamulkiisu dib u dhis ku bilaabay xarumihii dowladda ee ku bur buray dagaallada, isaga oo si gaar ah carab-ka ugu dhuftay saldhiga baliiska oo sida uu sheegay lagu sameeyay dayactir xoog leh.

Ugu dambeyn, guddoomiyaha gobolka C/fitaax Xasan ayaa ka codsaday shacab-ka in ay gacan siiyaan ciidamada u taagan sidii sugi lahaa nabad-galyada oo sida uu hadalka u dhigay saldhiga aas-aaska qeybaha kala gadisa ee nolasha.

C/raxmaan Diini, Hiiraan Online
[email protected]
Beledweyne. Soomaaliya







Click here
5/12/2012 9:21 AM EST
Sabti, May 12, 2012(HOL) — Waxaa manta Magaalada Cabudwaaq ka dhacay isu imaatin loogu baroordiqayay Xildhibaannadi naftooda qaaliga ah ku waayay qaraxii ka dhacay magaalada Dhuusamareeb ee xarunta gobolka Galgaduud.

5/12/2012 9:11 AM EST
Sabti, May 12, 2012 (HOL) — Askari u dhashay dalka Uganad kana tirsanaa ciidanka AMSIOM ee ka howlgala Muqdisho ayaa la xukumay kaddib markii uu rasaas ka iibiyay wiil Soomaali ah.

5/12/2012 8:57 AM EST
Sabti, May 12, 2012 (HOL) — Waxaa maanta magaalada Doolow ee Gobolka Gedo tababar ciidan loogu soo xiray 1,500 oo askari kuwaasoo bilooyinkii u danbeeyay uu halkaasi uga socday tababar Militari.

5/12/2012 8:42 AM EST
Sabti, May 12, 2012 (HOL) — Dowladda Iiraan ayaa sheegtay inay dhawaan u dirayso Soomaaliya shixnadii 15-aad oo gargaar bani'aadamnimo ah, taasoo isugu jirta raashin iyo dawo.

5/12/2012 8:25 AM EST
Sabti, May 12, 2012 (HOL) — Madaxweynnaha Somaliland, Md: Axmed Maxamed Maxamuud Siillaanyo, iyo Wefti balaadhan oo uu hogaaminayo ayaa maanta safar shaqo ku tagay gobolka Awdal ee somaliland, waxaanu xadhiga ka jaray waddo cusub oo laga hirgaliyey Dilla ilaa Boorame.

5/12/2012 8:10 AM EST
Sabti, May 12, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in fikirka ku aaddan dastuurka ee Puntland ayaa ku sheegay mid la mid ah fikirka ay dadku ka qabaan dastuurka.

5/12/2012 7:28 AM EST
Sabti, May 12, 2012 (HOL) — Booliska Kenya ayaa xeryaha qoxootiga Dhadhaab ee dalka Kenya ku qabqabtay shalay gallinkii dambe illaa xalay in ka badan boqol qof, kuwaasoo lagu eedeeyay inay ku ku lug lahaayeen falalka amni-darro oo ka dhaca xeryahaas.

5/12/2012 7:09 AM EST
Sabti, May 12, 2012 (HOL) — Hay'adda Midowga Dhallinyarada Soomaaliyeed (UYS) ayaa maanta dood-cilmiyeed hal-ku-dhiggiisu ahaa adkeynta nabada ugu qabatay Muqdisho odayaasha-dhaqanka.

5/12/2012 6:26 AM EST
Sabti, May 12, 2012 (HOL) — Boqollaal Haween ah oo ay nolosha qoyskoodu ku tiirsanayd ka ganacsiga qaadka ayaa ka cabanaya shaqo la'aan iyo xaalado nolol xumo oo soo foodsaaray, kadib markii dhawaan xoogagga Al-shabaab ay gabi ahaanba mamnuuceen ka ganacsiga Qaadka.

5/12/2012 3:34 AM EST
Sabti, May 12, 2012 (HOL) — Maamul-goboleedka Puntland ayaa kasoo horjeestay dastuurka cusub ee Soomaaliya, iyagoo ku sheegay inuusan ahayn dastuur u qalma in lagu hoggaamiyo Soomaaliya.

5/12/2012 3:20 AM EST
Sabti, May 12, 2012 (HOL) — Xildhibaan Maxamed Raage oo ka mid ah xubanaha dowladda KMG ah ee ku sugan gobolka Jubbada hoose ayaa sheegay in ciidamada dowladda Soomaaliya ee gobolkaas ku sugan ay qabteen dagaalyahan Kenyan ah oo ka tirsan Al-shabaab.

5/12/2012 3:01 AM EST
Sabti, May 12, 2012 (HOL) — Hoggaamiyaha Al-Qaacida, Dr Ayman Al-Zawahiri oo Internet-ka soo diray cajalad maqal iyo muuqaal ah ayaa kula taliyay Al-shabaab in dagaalkooda ay u bedelaan qaab jabhadeyn ah ayna la dagaalamaan ciidamada DKMG ah iyo kuwa kale ee ku sugan Soomaaliya.

5/12/2012 1:58 AM EST
Sabti, May 12, 2012 - Waxaa magaalada Helsinki ee dalka Finland maanta lagu soo gabagabeeyay kulankii Qoreyaasha Soomaaliyeed ee shalay & maanta ka socday deegaannada Espoo Kiskus & Espoo Enteresse isla markaana ay ka soo qeybgaleen qeybaha bulshada Soomaaliyeed ee ku dhaqan magaalada Helsinki.

5/12/2012 1:24 AM EST
Sabti, May 12, 2012 (HOL) - Banaan baxaan oo salaaddii jimcaha kadib ka dhacay iridda hore xarunta weyn ee bangiga Wellsfargo ku leeyahay bartamaha magaalada Minneapolis ee Gobolka Minnesota, ayaa waxaa ka soo qeybgalay boqolaal Soomaali ah, oo ka gadoodsan wada-shaqeyn la’aanta bangiyada iyo xirnaashaha xawaaladaha Soomaalida.