3/29/2024
Today from Hiiraan Online:  _
Wararka Maanta- Sabti, Jun 9 , 2012
Kulan lagu Tageerayo Geeddi-Socodka Nabadda Soomaaliya iyo Waxyaabihii kasoo baxay Shirkii Istanbul oo Minnesota lagu qabtay


Sabti, June 09, 2012 (HOL) — Kulankan oo lagu taageerayey shirkii dhawaan lagu qabtay dalka Turkiga ee looga arinsanayey aayaha Soomaaliya, ayaa waxaa ka soo qeybgalay kala dad kala duwan oo isugu jira aqoon-yahano, siyaasin, cuqaal iyo waliba qeybaha ee bulshada Soomaalida ah ee ku dhaqan gobolka Minnesota.

Madasha kulankaan oo ay ka hadlaan dad kala duwan, ayaa waxaa ugu horeyn furitaankiisi ka hadlay Maxamed Cusmaan [Manjiino], oo isugu ka mid ahaa shaqsiyaadkii soo abaabulay, waxaana uu sheegay in ujeedada shirkaan ay tahay sidii jaaliyada Soomaaliyeed ee ku dhaqan gobolka Minnesota ay u taageeri-lahaayeen, islamarkaasna ay u garab istaagi lahaayeen geedi-socodka nabadda dalka iyo waxyaabihii ka soo baxay shirkii dhawaan lagu qabtay wadanka Turkiga ee looga arinsanayey muqtaqbalka siyaasadeed ee Soomaaliya.

"Ujeedad kulankaan waxaa ay tahay in aan taageerno shirkii Istanbul 2, shirkaasi waxaa ka horeyey shirar badan oo intooda badan lagu qabtay gudaha wadanka Soomaaliya, waxaana dhammaantood looga hadlayey sidii wax looga qaban lahaa xiliga kala guurka ah ee wadanku galayo, waxaana u arkaa in wax badan ay shirarkaasi ka qabsoomeen, waxaana haddii aan nahay reer Minnesota nala gudboonatay in aan taageerno Istanbuul labo," ayuu yiri Manjiino.

Iyadoo odayaal dhaqameed laga soo kala xulay guud ahaan beelaha Soomaalida ay haatan magaalada Muqdisho kaga arinsayaan sidii ay u soo xuli lahaayeen cidii hogaanka u qaban lahayd siyaasada Soomaaliya, gaar ahaan xildhibaanadii badali lahaa barlamaanka dalka haatan ka jira iyo waliba golihii ansixin lahaa dastuurka cusub ee Soomaaliya loo sameynayo, ayaa Cabdullaahi Axmed Khayr, oo ka mid ahaa dadkii kulankaan ka soo qeybgalay islamarkaasna ku hadlayey magaca odayaasha waxaa uu sheegay in ay haatan Soomaalidu u jihaysatay jid u horseedi kara dhinaca nabada kadib markii odayaasha dhaqanka gacanta loo galiyey talada iyo maamulka guud ee dalka.


"Haddii aan nahay odayaasha waxaan inta badan ka shaqeynaa sidii Soomaaliya uga bixi lahayd dhibaatadii ay mudada ku jirtay, odayaashuna qeyb kama ahayn siyaasada iyo dadkii dhibaatada dalka ka gaystay. Hada waxaa moodaa in dhaqankii iyo jidkii aan lahaan jirnay dib loogu soo laabtay, waxaana hada ku soconaa jidkaasi oo ah in oday-dhaqameedyada talada iyo maamulka dalka loo dhiibay," ayuu yiri Cabdullaahi Axmed Khayr, isagoo intaasi raaciyey "Waxaan ka rajaynaa odayaasha dhaqanka ee talada loo dhiibay in ay wax wanaagsan noo qabtaan, dadka aad masiirka ummada iyo talada dalka u dhiibaysaana ha ahaadaan kuwa ka fikaraya dalka iyo dadka."

Sidoo kale dadkii kulankaan ka hadlay waxaa ka mid ahaa Cabdi-Xabiib, oo ka mid ah qurba-joogta Soomaalida ah ee ku dhaqan gobolka Minnesota, waxaana uu sheegay in ay jiraan dad badan oo ka shaqeynaya sidii ay u carqaladayn lahaayeen nabad ka dhalata Soomaaliya, hase ahaatee qurbe joogta Soomaalida looga baahan yahay in ay taageeraan qorshaha geedi socodka nabadda ee looga gudbayo xiliga kala guurka ee soo socda.

"Qurbe Joogta Soomaalidu wax badan ayey horey u qabteen, dowlada iyo maamulada dalka xubno ayey ka yihiin, hadana waxaa nalooga baahan yahay in aan taageerno sidii Soomaaliya looga hirgalin lahaa dowlad feedaraali ah oo ka shaqeysa dib u dhiska iyo midnimada dalka," ayuu yiri Cabdi-Xabiib.


Gabagadii ayaa waxaa ay dadkii kulankaan ka soo qeybgalay baaqeen wadamada caalamka ee ku lug leh arrimaha Soomaaliya in ay xoojiyaan taageeradooda ummada Soomaaliyeed ku aadan in dalka laga hirgaliyo dowlad ka shaqeysa danaha ummada, islamarkaasna ka saarta wadanku marxalada uu marayo.







Maxamed Faarax Talyaani, Hiiraan Online
[email protected]
Minnesota, Minneapolis













Click here
6/9/2012 8:00 AM EST
Sabti, June 09, 2012 (HOL) — Wasiir ku xigeenka wasaaradda gaadiidka cirka, dhulka iyo dekedaha dowladda KMG ah ee Soomaaliya, Cabdiraxmaan Kulmiye Xirsi (C/raxmaan Dheere) ayaa sheegay in muddo kooban lagu xiray magaalada Berbera ee Somaliland ayna si xun ula dhaqmeen maamulka garoonka diyaaradaha iyo ciidamadii xiray.

6/9/2012 7:53 AM EST
Sabti, June 09, 2012 (HOL) — Magaalada Beledweyne ee xarunta gobolka Hiiraan ayaa waxaa bilihii ugu dambeeyayba ka jiray ugu yaraan isku-day ay doonayaan hay’addaha samafalka ee ka howlgala Beledweyne in ay ku caawiyaan dadka jilicsan gaar ahaan caruurta iyo haweenka aan mudada dheer helin gargaarkii ay u baahnaayeen.

6/9/2012 6:58 AM EST
Sabti, June 09, 2012 (HOL) — Ciidammo Itoobiyaan ah oo wata gaadiid dagaal oo fara badan ayaa maanta soo buuxiyay degmada Luuq ee gobolka Gedo, halkaas oo ay gacanta ku hayaan ciidamada dowladda Soomaaliya.

6/9/2012 6:35 AM EST
Sabti, June 09, 2012 (HOL) — Iska-horimaadkan ayaa yimid kaddib markii xoogag ka tirsan Al-shabaab ay saaka weerareen fariisimo ay ciidamada dowladda KMG, kuwa Raaskaambooni iyo ciidamada Kenya ay ku lahaayeen duleedka degmada Afmadow ee gobolka Jubbada Hoose.

6/9/2012 3:55 AM EST
Sabti, June 09, 2012 (HOL) — Afhayeenka dagaalyahannada taageersan DKMG ah ee Raaskambooni, Cabdinaasir Seeraar Maax ayaa sheegay in xoogaggooda oo gacan ka helaya ciidamada dowladda KMG ah iyo kuwa Kenya oo ka tirsan AMISOM ay ku dhow yihiin magaalada Kismaayo ee xarunta gobolka Jubbada hoose.

6/9/2012 3:34 AM EST
Sabti, June 09, 2012 (HOL) — Xaaladda caafimaad ee wariye Maxamed Shariif oo ka mid ah wariyeyaasha u shaqeeya idaacadda Bar-Kulan oo xalay lagu dhaawacay Muqdisho ayaa soo wanaagsaneysa.

6/9/2012 3:22 AM EST
Sabti, June 09, 2012 (HOL) — Maxamed Cumar Xabeeb (Maxamed Dheere) oo soo qabtay xilka guddoomiyaha gobolka Banaadir iyo duqa Muqdisho ayaa lacagihii la dul-dhigay saraakiisha Al-shabaab ku sheegay inuu soo dhaweynayo; isagoo ku tilmaamay mid guul u ah Soomaaliya iyo calaamka oo dhan.

6/9/2012 3:19 AM EST
Sabti, June 09, 2012 (HOL) — Sheekh Fu'aad Maxamed Khalaf (Shan-gole) oo ka mid ahaa toddoba xubnood oo hoggaanka Al-shabaab ka tirsan ee Mareykanku uu sheegay inuu malaayiin dollar ku bixinayo xogtooda ayaa hadlalkaas ka jawaabay, isagoo sheegay in iyaguna ay xoolo nool ku bixniayaan xogta ku saabsan madaxda Mareykanka.