6/25/2022
Today from Hiiraan Online:  _
Wararka Maanta- Sabti, Jun 9 , 2012
Ciidammo Itoobiyaan ah oo buuxiyay Degmada Luuq ee Gobolka Gedo

Sabti, June 09, 2012 (HOL) — Ciidammo Itoobiyaan ah oo wata gaadiid dagaal oo fara badan ayaa maanta soo buuxiyay degmada Luuq ee gobolka Gedo, halkaas oo ay gacanta ku hayaan ciidamada dowladda Soomaaliya.

Saraakiisha dowladda KMG Soomaaliya ee ku sugan degmada Luuq ayaa xaqiijiyay ciidankan Itoobiyaanka ah ee maanta buuxiyay degmadaas, iyagoo sheegay inay yihiin kuwo ka qayb-qaadanaya sugidda ammaanka, balse waxay ka gaabsadeen inay sheegaan tirada ciidamadaas.

Goobjoogayaal ku sugan degmada Luuq ayaa u sheegay saxaafadda in ciidamadan ay wataan 50-gaadiidka dagaalka ah, ayna ka yimaadeen dhinaca degmada Doolow ee gobolka Gedo.

Ciidamadan ayaa la sheegay inay ku sugan yihiin gudaha degmada ayna halkaas ka wadaan dhaqdhaqaaqyo ciidan, inkastoo aan la ogeyn halka ay ku wajahan yihiin, iyadoo xoogagga Al-shabaab iyagana la sheegay inay dhaqdhaqaaqyo ciidank ka billaabeen deegaanno ka tirsan gobolka Gedo.

Degmooyinka Baardheere iyo Buur-dhuubo oo ka tisran gobolka Gedo ayaa waxaa gacanta ku haya xoogagga Al-shabaab, halka inta badan degmooyinka gobolkaas ay ka taliyaan ciidamada dowladda Soomaaliya oo kaashanaya kuwa Itoobiya iyo Kenya.

Tirada ciidamada Itoobiyaanka ah ee maanta soo gaaray degmada Luuq ayaa waxay noqonaysaa taradii ugu badnayd oo ciidammo Itoobiyaan ah oo maalin qura gaara degmadaas.

Ciidamada Itoobiyaanka ah ee soo gaaray degmada Luuq ayaa waxay imaanaysaa xilli ra'iisul wasaaraha Itoobiya uu bishii hore sheegay inay xoojin doonaan dagaalka ay kula jiraan Xarakada Al-shabaab ayna qorsheynayaan inay qabsadaan Kismaayo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/9/2012 8:00 AM EST
Sabti, June 09, 2012 (HOL) — Wasiir ku xigeenka wasaaradda gaadiidka cirka, dhulka iyo dekedaha dowladda KMG ah ee Soomaaliya, Cabdiraxmaan Kulmiye Xirsi (C/raxmaan Dheere) ayaa sheegay in muddo kooban lagu xiray magaalada Berbera ee Somaliland ayna si xun ula dhaqmeen maamulka garoonka diyaaradaha iyo ciidamadii xiray.

6/9/2012 7:53 AM EST
Sabti, June 09, 2012 (HOL) — Magaalada Beledweyne ee xarunta gobolka Hiiraan ayaa waxaa bilihii ugu dambeeyayba ka jiray ugu yaraan isku-day ay doonayaan hay’addaha samafalka ee ka howlgala Beledweyne in ay ku caawiyaan dadka jilicsan gaar ahaan caruurta iyo haweenka aan mudada dheer helin gargaarkii ay u baahnaayeen.

6/9/2012 6:38 AM EST
Sabti, June 09, 2012 (HOL) — Kulankan oo lagu taageerayey shirkii dhawaan lagu qabtay dalka Turkiga ee looga arinsanayey aayaha Soomaaliya, ayaa waxaa ka soo qeybgalay kala dad kala duwan oo isugu jira aqoon-yahano, siyaasin, cuqaal iyo waliba qeybaha ee bulshada Soomaalida ah ee ku dhaqan gobolka Minnesota.

6/9/2012 6:35 AM EST
Sabti, June 09, 2012 (HOL) — Iska-horimaadkan ayaa yimid kaddib markii xoogag ka tirsan Al-shabaab ay saaka weerareen fariisimo ay ciidamada dowladda KMG, kuwa Raaskaambooni iyo ciidamada Kenya ay ku lahaayeen duleedka degmada Afmadow ee gobolka Jubbada Hoose.

6/9/2012 3:55 AM EST
Sabti, June 09, 2012 (HOL) — Afhayeenka dagaalyahannada taageersan DKMG ah ee Raaskambooni, Cabdinaasir Seeraar Maax ayaa sheegay in xoogaggooda oo gacan ka helaya ciidamada dowladda KMG ah iyo kuwa Kenya oo ka tirsan AMISOM ay ku dhow yihiin magaalada Kismaayo ee xarunta gobolka Jubbada hoose.

6/9/2012 3:34 AM EST
Sabti, June 09, 2012 (HOL) — Xaaladda caafimaad ee wariye Maxamed Shariif oo ka mid ah wariyeyaasha u shaqeeya idaacadda Bar-Kulan oo xalay lagu dhaawacay Muqdisho ayaa soo wanaagsaneysa.

6/9/2012 3:22 AM EST
Sabti, June 09, 2012 (HOL) — Maxamed Cumar Xabeeb (Maxamed Dheere) oo soo qabtay xilka guddoomiyaha gobolka Banaadir iyo duqa Muqdisho ayaa lacagihii la dul-dhigay saraakiisha Al-shabaab ku sheegay inuu soo dhaweynayo; isagoo ku tilmaamay mid guul u ah Soomaaliya iyo calaamka oo dhan.

6/9/2012 3:19 AM EST
Sabti, June 09, 2012 (HOL) — Sheekh Fu'aad Maxamed Khalaf (Shan-gole) oo ka mid ahaa toddoba xubnood oo hoggaanka Al-shabaab ka tirsan ee Mareykanku uu sheegay inuu malaayiin dollar ku bixinayo xogtooda ayaa hadlalkaas ka jawaabay, isagoo sheegay in iyaguna ay xoolo nool ku bixniayaan xogta ku saabsan madaxda Mareykanka.