6/25/2022
Today from Hiiraan Online:  _
Wararka Maanta- Sabti, Jun 9 , 2012
Wasiir ka tirsan Xukuumadda Soomaaliya oo sheegay in Muddo kooban lagu xiray Magaalada Berbera ee Somaliland

Sabti, June 09, 2012 (HOL) — Wasiir ku xigeenka wasaaradda gaadiidka cirka, dhulka iyo dekedaha dowladda KMG ah ee Soomaaliya, Cabdiraxmaan Kulmiye Xirsi (C/raxmaan Dheere) ayaa sheegay in muddo kooban lagu xiray magaalada Berbera ee Somaliland ayna si xun ula dhaqmeen maamulka garoonka diyaaradaha iyo ciidamadii xiray.

C/raxmaan Dheere oo shalay dib ugu soo laabtay dalka ayaa sheegay in mas'uul ka tirsan maamulka garoonka Berbera ee Somaliland uu amar ku siiyay ciidammo ku sugnaa garoonka inay i xiraan, kuwaasoo igu xiray xabsiga garoonka, muddadii aan gacantooda ku jirayna si xun iila dhaqmay.

"Waxaa dhacday in markii diyaaraddii aan la socday ee African Express ay cago-dhigatay garoonka diyaaradaha ee Berbera uu mas'uul ka tirsan garoonka oo aan labisnayn uu askar garoonka ku sugnayd ku amray inay i xiraan, runtiina si xun ayaa la iila dhaqmay," ayuu yiri wasiir ku xigeenka.

Sidoo kale, wasiir ku xigeenku wuxuu sheegay in mas'uuliyiin ka tisran Somaliland ay safar ku maraan garoonka diyaaradaha ee Muqdihso wax dhibaato ahna aan loo geystay, uuna garan la'yahay sababta loo xiray.

"Madaxda Qaranka waan gaarsiin doonaa arrintan, wabixin ayaana laga soo saari doonnaa, sidoo kalena waxaan kala hadli doonnaa arrintan shirkadda diyaaradaha African Express oo mas'uuliyaddeenna qaadday," ayuu yiri C/raxmaan Dheere.,

Maamulka Somaliland oo horay u sheegay inuu ka go'ay Soomaaliya inteeda kale ayaa horay u sheegay inay xiri doonaan mas'uulkii ka tirsan dowladda KMG ah ee kasoo daga garoommadooda ama soo gala gudaha deegaannada ay ka taliyaan.

Ugu dambeyn, wasiir ku xigeenku wuxuu sheegay inuu ka mid ahaa mas'uuliyiintii dowladda Soomaaliya ee ka qaybgala shirkii Istanbuul, balse uu soo maray dalka Imaaraadka Carabta uuna uga soo dhoofay Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/9/2012 7:53 AM EST
Sabti, June 09, 2012 (HOL) — Magaalada Beledweyne ee xarunta gobolka Hiiraan ayaa waxaa bilihii ugu dambeeyayba ka jiray ugu yaraan isku-day ay doonayaan hay’addaha samafalka ee ka howlgala Beledweyne in ay ku caawiyaan dadka jilicsan gaar ahaan caruurta iyo haweenka aan mudada dheer helin gargaarkii ay u baahnaayeen.

6/9/2012 6:58 AM EST
Sabti, June 09, 2012 (HOL) — Ciidammo Itoobiyaan ah oo wata gaadiid dagaal oo fara badan ayaa maanta soo buuxiyay degmada Luuq ee gobolka Gedo, halkaas oo ay gacanta ku hayaan ciidamada dowladda Soomaaliya.

6/9/2012 6:38 AM EST
Sabti, June 09, 2012 (HOL) — Kulankan oo lagu taageerayey shirkii dhawaan lagu qabtay dalka Turkiga ee looga arinsanayey aayaha Soomaaliya, ayaa waxaa ka soo qeybgalay kala dad kala duwan oo isugu jira aqoon-yahano, siyaasin, cuqaal iyo waliba qeybaha ee bulshada Soomaalida ah ee ku dhaqan gobolka Minnesota.

6/9/2012 6:35 AM EST
Sabti, June 09, 2012 (HOL) — Iska-horimaadkan ayaa yimid kaddib markii xoogag ka tirsan Al-shabaab ay saaka weerareen fariisimo ay ciidamada dowladda KMG, kuwa Raaskaambooni iyo ciidamada Kenya ay ku lahaayeen duleedka degmada Afmadow ee gobolka Jubbada Hoose.

6/9/2012 3:55 AM EST
Sabti, June 09, 2012 (HOL) — Afhayeenka dagaalyahannada taageersan DKMG ah ee Raaskambooni, Cabdinaasir Seeraar Maax ayaa sheegay in xoogaggooda oo gacan ka helaya ciidamada dowladda KMG ah iyo kuwa Kenya oo ka tirsan AMISOM ay ku dhow yihiin magaalada Kismaayo ee xarunta gobolka Jubbada hoose.

6/9/2012 3:34 AM EST
Sabti, June 09, 2012 (HOL) — Xaaladda caafimaad ee wariye Maxamed Shariif oo ka mid ah wariyeyaasha u shaqeeya idaacadda Bar-Kulan oo xalay lagu dhaawacay Muqdisho ayaa soo wanaagsaneysa.

6/9/2012 3:22 AM EST
Sabti, June 09, 2012 (HOL) — Maxamed Cumar Xabeeb (Maxamed Dheere) oo soo qabtay xilka guddoomiyaha gobolka Banaadir iyo duqa Muqdisho ayaa lacagihii la dul-dhigay saraakiisha Al-shabaab ku sheegay inuu soo dhaweynayo; isagoo ku tilmaamay mid guul u ah Soomaaliya iyo calaamka oo dhan.

6/9/2012 3:19 AM EST
Sabti, June 09, 2012 (HOL) — Sheekh Fu'aad Maxamed Khalaf (Shan-gole) oo ka mid ahaa toddoba xubnood oo hoggaanka Al-shabaab ka tirsan ee Mareykanku uu sheegay inuu malaayiin dollar ku bixinayo xogtooda ayaa hadlalkaas ka jawaabay, isagoo sheegay in iyaguna ay xoolo nool ku bixniayaan xogta ku saabsan madaxda Mareykanka.