3/19/2024
Today from Hiiraan Online:  _
Wararka Maanta- Arbaco, Jun 6 , 2012
Saraakiisha Dowladda KMG ee Degmada Afmadow oo Sheegay in ay isu soo Dhiibeen Rag katirsan Al-shabaab

Arbaco, June 06, 2012 (HOL) — Saraakiisha hogaamineeysa ciidamada dowladda KMG ee ku sugan gobolka Jubada Hoose ayaa sheegay in ay isu soo dhiibeen 20 askari oo hore uga tirsanayd dagaalyahannada Al-shabaab ee ku sugan gobolka Jubada Hoose.

Afhayeenka ciidamada dowladda KMG ee Jubooyinka Max'ed Daahir Faarax oo warbaahinta la hadlay ayaa sheegay in 24-kii saac ee ugu danbeeyay ay isu soo dhibeen ilaa 20 askari oo sita hubkooda, kuwaasoo uu xusay in ay kasoo goosteen dagaalyahannada Al-shabaab.

Mudane Max'ed Daahir ayaa sheegay in ragga isa soo dhiibay ay u sameyn doonaan dhaqancelin waa siduu hadalka u yiri, isagoona intaa ku daray in ay jiraan masuuliyiin hore uga tirsanaan jirtay maamulka Al-shabaab ee degmada Afmadow oo iyaguna isku soo dhiibay ciidamada dowladda ee dhawaan gacanta ku dhigay degmada Afmadow.

Masuulkan ayaa dhinaca kale sheegay in ay wadaan qorsheyaal ay ku weerarayaan Degmooyinka gobolka Jubada Hoose ee ay ku suganyihiin dagaalyahannada Al-shabaab, isagoona xusay in cutubyo katirsan Ciidamada ay shalay dagaal kula wareegeen deegaanka Biibi oo qiyaastii 75KM u jira magaalada Kismaayo ee xarunta gobolka Jubada Hoose.

Ciidamada dowaldda KMG oo garab ka helaya ururka Raaskaambooni iyo Militariga Kenya ayaa dhawaan la wareegay degmada Afmadow oo katirsan gobolka Jubada Hoose, islamarkaasina saldhig muhiim ah u ahayd xoogagga Al-shabaab.

Xasan Nuur, Hiiraan Online
[email protected]
Kismaayo, Soomaaliya













Click here
6/6/2012 8:35 AM EST
Arbaco, June 06, 2012 (HOL) — Wasaaradda xannaanada xoolaha, beeraha, dhirta iyo daaqa dowaldda KMG ah ee Soomaaliya ayaa sheegay in miro-beereedkii xilligan soo go'i lahaa ay baabi'iyeen cayayaan, isagoo ka digay in dadka beeraleyda ah ay mar kale ka barakacaan deegaannadooda.

6/6/2012 8:00 AM EST
Arbaco, June 06, 2012 (HOL) — Dowladda Kenya ayaa heegan gelisay ciidankeeda ammaanka kaddib markii diyaaradaha aan duuliyaha lahayn ee Mareykanka ay ku dileen goboka Wiziristaan ee dalka Bakistaan Abuu-Yaxye Al-Liibi oo ka mid ahaa saraakiisha Al-Qaacida ee ka howlgalay Soomaaliya.

6/6/2012 7:50 AM EST
Arbaco, June 06, 2012 (HOL) — Magaalada Baydhabo ee gobolka Bay oo 100-askari oo AMISOM ka tirsan ay ku sugan yihiin ayaa la geeyay qalab ay AMISOM leedahay kuwaasoo ay ku jiraan taangiyo iyo gaadiidka gaashaaman.

6/6/2012 7:44 AM EST
Arbaco, June 06, 2012 (HOL) — Kooxo bastoolado ku hubeysan ayaa goor dhaw xaafadda howlwadaag ee magaalada Beledweyne waxaa ay ku toogteen Nin rayid ah oo ka mid ahaa ganacstada magaalada.

6/6/2012 7:19 AM EST
Arbaco, June 06, 2012 (HOL) — Madaxweynaha Soomaaliya, Shariif Sheekh Axmed iyo xubno dowladda ka tisan oo wasiirka ganacsiga iyo warshadaha, Cabdiwahaab Ugaas Khaliif uu ka mid ahaa ayaa la kulmay odayaasha dhaqanka ee laga doonayo inay soo xulaan ergada ansixinta dastuurka cusub ee Soomaaliya.

6/6/2012 3:57 AM EST
Arbaco, June 06, 2012 (HOL) — Ciidamada ammaanka dalka Uganda ayaa maalmihii ugu dambeeyay ka sameynayay magaalada Kampala howlgallo lagu xoojinayo ammaanka, iyagoo si gaar ah u adkeynayaya ammaanka hoteellada, goobaha laga adeegto, dhismayaasha dhaadheer iyo kuwa ay dhismayaashu ka socdaan ee ku dhow goobaha muhiimka ah.

6/6/2012 3:40 AM EST
Arbaco, June 06, 2012 (HOL) — Dalka Koonfur Afrika oo ay kumannaan Soomaali ah ay ku nool yihiin ayaa waxaa marba marka kasii dambeysa sii kordhaya xiriirka iyo isdhex-galka ay la yeelanayaan dadka dalkaas u dhashay.

6/6/2012 3:07 AM EST
Arbaco, June 06, 2012 (HOL) — Saraakiisha dowladda KMG ah ayaa soo rogay amar looga mamnuucayo hubka degmada Afgooye ee gobolka Shabeellada hoose. halkaas oo ciidamada dowladda KMG ah oo kaashanaya kuwa AMISOM ay kala wareegeen laba todobaad ka hor xoogaggii Al-shabaab ee ka talinayay.