9/21/2018
Today from Hiiraan Online:  _
Wararka Maanta- Arbaco, Jun 6 , 2012
Magaalada Baydhabo oo la geeyay Qalab ay Ciidamada AMISOM leeyihiin oo ay ka mid yihiin Taangiyo iyo Gawaarida Gaashaaman


Arbaco, June 06, 2012 (HOL) — Magaalada Baydhabo ee gobolka Bay oo 100-askari oo AMISOM ka tirsan ay ku sugan yihiin ayaa la geeyay qalab ay AMISOM leedahay kuwaasoo ay ku jiraan taangiyo iyo gaadiidka gaashaaman.

Ilo wareedyo ku sugan Baydhabo ayaa HOL u sheegay in gaadiidka iyo qalabka kale oo dhinaca dhulka ku gaaray halkaas ay soo mareen dalka Itoobiya kuwaasoo ay galbinayeen ciidammo fara badan oo Itoobiyaan ah.

"Taangiyo, gaadiidka gaashaaman iyo qalab kale oo AMISOM ay leedahay ayaa tan iyo gallinkii dambe ee shalay soo galayay Baydhabo iyadoo intii ugu dambeysay ay maanta soo galeen," ayuu yiri goobjooge ku sugan Baydhabo oo magaciisa qariyay.

Goobjoogaha ayaa sheegay in sidoo kale ay Baydhabo tageen laba diyaaradood oo ay la socdeen saraakiil ciidamada AMISOM kuwaasoo gudaha degmada booqasho ku tagay, duhurnimadii maantana u dhoofay Muqdisho.

Magaalada Baydhabo ayaa waxaa tan iyo dhammaadkii bishii Feberaayo gacanta ku hayay ciidamada DKMG ah iyo kuwa Itoobiya oo ka qabsaday Xarakada Al-shabaab, iyadoo bishii Abriil ee sannadkan la geeyay 100-askari oo ka tirsan AMISOM.

Ciidamada Midowga Afrika ee AMISOM ayaa waxay qorsheynayaan inay gobolada Bay, Bakool iyo Hiiraan kala wareegaan ciidamada Itoobiya, iyadoo Jimcihii lasoo dhaafay la geeyay Baydhabo 100-askari oo ka socda dalka Jabuuti kama mid ah AMISOM.

Taliska AMISOM ayaan ka hadlin qalabka ciidan ee la geeyay Baydhabo, laakiinse waxay horay u sheegeen in gobolada Bay iyo Bakool ay geyn doonaan 2,500-askari oo ka kala socda dalaka Uganda iyo Burundi, sidoo kalena ay ciidamada Itoobiya kala wareegi doonaan Baladweyne.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
6/6/2012 8:35 AM EST
Arbaco, June 06, 2012 (HOL) — Wasaaradda xannaanada xoolaha, beeraha, dhirta iyo daaqa dowaldda KMG ah ee Soomaaliya ayaa sheegay in miro-beereedkii xilligan soo go'i lahaa ay baabi'iyeen cayayaan, isagoo ka digay in dadka beeraleyda ah ay mar kale ka barakacaan deegaannadooda.

6/6/2012 8:00 AM EST
Arbaco, June 06, 2012 (HOL) — Dowladda Kenya ayaa heegan gelisay ciidankeeda ammaanka kaddib markii diyaaradaha aan duuliyaha lahayn ee Mareykanka ay ku dileen goboka Wiziristaan ee dalka Bakistaan Abuu-Yaxye Al-Liibi oo ka mid ahaa saraakiisha Al-Qaacida ee ka howlgalay Soomaaliya.

6/6/2012 7:44 AM EST
Arbaco, June 06, 2012 (HOL) — Kooxo bastoolado ku hubeysan ayaa goor dhaw xaafadda howlwadaag ee magaalada Beledweyne waxaa ay ku toogteen Nin rayid ah oo ka mid ahaa ganacstada magaalada.

6/6/2012 7:19 AM EST
Arbaco, June 06, 2012 (HOL) — Madaxweynaha Soomaaliya, Shariif Sheekh Axmed iyo xubno dowladda ka tisan oo wasiirka ganacsiga iyo warshadaha, Cabdiwahaab Ugaas Khaliif uu ka mid ahaa ayaa la kulmay odayaasha dhaqanka ee laga doonayo inay soo xulaan ergada ansixinta dastuurka cusub ee Soomaaliya.

6/6/2012 7:15 AM EST
Arbaco, June 06, 2012 (HOL) — Saraakiisha hogaamineeysa ciidamada dowladda KMG ee ku sugan gobolka Jubada Hoose ayaa sheegay in ay isu soo dhiibeen 20 askari oo hore uga tirsanayd dagaalyahannada Al-shabaab ee ku sugan gobolka Jubada Hoose.

6/6/2012 3:57 AM EST
Arbaco, June 06, 2012 (HOL) — Ciidamada ammaanka dalka Uganda ayaa maalmihii ugu dambeeyay ka sameynayay magaalada Kampala howlgallo lagu xoojinayo ammaanka, iyagoo si gaar ah u adkeynayaya ammaanka hoteellada, goobaha laga adeegto, dhismayaasha dhaadheer iyo kuwa ay dhismayaashu ka socdaan ee ku dhow goobaha muhiimka ah.

6/6/2012 3:40 AM EST
Arbaco, June 06, 2012 (HOL) — Dalka Koonfur Afrika oo ay kumannaan Soomaali ah ay ku nool yihiin ayaa waxaa marba marka kasii dambeysa sii kordhaya xiriirka iyo isdhex-galka ay la yeelanayaan dadka dalkaas u dhashay.

6/6/2012 3:07 AM EST
Arbaco, June 06, 2012 (HOL) — Saraakiisha dowladda KMG ah ayaa soo rogay amar looga mamnuucayo hubka degmada Afgooye ee gobolka Shabeellada hoose. halkaas oo ciidamada dowladda KMG ah oo kaashanaya kuwa AMISOM ay kala wareegeen laba todobaad ka hor xoogaggii Al-shabaab ee ka talinayay.