3/29/2024
Today from Hiiraan Online:  _
Wararka Maanta- Jimco, Jun 29, 2012
Madaxweynaha Puntland oo kasoo horjeestay qodobbadii kasoo baxay Shirki Sheekh Shariif iyo Axmed Siilaanyo dhexmaray
Jimco, June 29, 2012 (HOL) — Madaxweynaha Puntland, C/raxmaan Sheekh Max'ed Faroole ayaa kasoo horjeestay qodobbadii kasoo baxay kulankii Dubai ku dhex-maray madaxweynaha Soomaaliya, Sheekh Shariif Sheekh Axmed iyo madaxweynaha Somaliland, Axmed Maxamed Maxmauud (Siilaanyo).

C/raxmaan Faroole ayaa ku tilmaamay qodobbadii kulankaas kasoo baxay uu yahay mid aan cidna tagayn, sidoo kalena kulanka ayuu sheegay mid iyaga u gaar ahaa oo aysan iyagu taageerayn.

"Shirkan dhexmaray labada mas'uul wuxuu ahaa mid iyaga u gaar ah, qodobbadii ka soo baxayna cid ay wax tarayaan ma jirto, danna uguma jirto Soomaaliya," ayuu yiri madaxweynaha Puntland.

Sidoo kale, madaxweynaha Puntland ayaa sheegay in kulankaas uu ahaa mid ay ku doonayeen labada mas'uul inay isku sawiraan, wuxuuna hadalladii ay jeediyeen ku tilmaamay kuwo aanay dani ugu jirin Soomaaliya.

Mar ay BBC-du weydiisay inuu taageerayo kulanka markii ugu horreysay dhexmaray madaxweynaha Soomaaliya iyo madaxweynaha Somaliland ayuusan sheegin inuusan taageersanayn, balse wuxuu sheegay in kulankaas marinkiisa laga leexiyay, uuna u dhacay si aanay filayn.

Hadalka madaxweynaha Puntland ayaa waxaa kasoo horjeestay xildhibanano ka tirsan baarlamaanka Soomaaliya, iyagoo ku tilmaamay inuu yahay mid uu ku doonayo inuu ku carqaladeeyo wadahadallada u furmay Soomaaliya iyo Somaliland.

Kulankii madaxweynayaasha Soomaaliya iyo Somaliland ee shalay ka dhacay Dubai ayaa waxaa laga soo saaray qodobbo ay ka mid yihiin la taageero qodobbadii kasoo baxay shirarkii London iyo Istanbuul iyo in lasii wado wadahadallada billowga ah ee u dhexeeya Soomaaliya iyo Somaliland.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
6/29/2012 3:30 PM EST
Jimce, June 29, 2012 (HOL)- Wasiirka Warfaafinta iyo Wacyigelinta Somaliland Boobe Yuusuf Ducaale, ayaa xalay Buug ay ku qoran yihiin Taariikh nololeedki iyo qaybo ka mid ah Suugaantii Abwaan: Cabdilaahi Suldaan Timacadde oo Af Ingiriisi ah ku soo bandhigay Hotel Maansoor ee magaaladda Hargeysa.

6/29/2012 10:02 AM EST
Jimco, June 29, 2012 (HOL) — Gudiga caalamiga ah ee laan-qeyrta cas (ICRC) ayaa ku sheegtay warbixin ay soo saartay maanta oo Jimco ah inay ka walaacsan tahay xaaladda shacab badan oo Soomaaliyeed, kuwaasoo weli u nugul cunto yari sanad kaddib markii ay bilaabatay abaarta, iyadoo hay'addu ay sheegtay in xalaaddu ay u muuqato mid sii jiri doonto taasoo ay ugu wacan tahay colaadaha iyo roob yarida jirta.

6/29/2012 9:35 AM EST
Jimco, June 29, 2012 (HOL) — Ciidammo iyo saraakiil ka tirsan booliiska Soomaaliya ayaa maanta markii ugu horreysay loo qaaday dalka Turkiga si ay tababar ugu soo qaataan, iyadoo taliyaha booliiska Soomaaliya uu sheegay in tani qayb ka tahay kaalmada uu Turkigu u fidinayo Soomaaliya.

6/29/2012 9:19 AM EST
Jimco, June 29, 2012 (HOL) — Madaxweynaha Soomaaliya, Sheekh Shariif Sheekh Axmed iyo madaxweyne Axmed Maxamed Maxmauud (Siilaanyo) ayaa maanta kulan kale oo ay albaabbadu u xiran yihiin ku yeeshay magaalada Dubai, kaasoo la xusay inuu gabo-gabo u ahaa kulankii shalay dhacay.

6/29/2012 9:13 AM EST
Jimco, June 29, 2012 (HOL) — Xildhibaan Maxamed Cumar Geeddi oo kasoo jeeda gobolka Jubbada hoose ayaa ku eedeeyay Xarakada Al-shabaab inay doonayso in si khasab ah ay ku dagaal geliso shacabka ku nool magaalada Kismaayo, gaar ahaan dhallinyarada.

6/29/2012 9:12 AM EST
Jimco, June 29, 2012 (HOL) — Dibadbax ballaaran oo lagu taageerayay shirkii dhex-maray madaxweynaha Soomaaliya, Sheekh Shariif iyo madaxweynaha Somaliland, Axmed Siilaanyo ayaa maanta ka dhacay garoonka kubadda cagta ee Koonis Istaadiyum.

6/29/2012 8:38 AM EST
Safiirka Soomaalida u fadhiya dalka Kenya Maxamed Cali Nuur (Ameeriko) oo warbaahinta la hadlay ayaa ka codsaday dadka Soomaaliyeed ee ku dhaqan dalka Kenya inay u diyaar garoobaan xuska sannad guuradii 52-aad ee kasoo wareegatay markii ay Soomaaliya noqotay Jamhuuriyad madaxbannaan.

6/29/2012 8:02 AM EST
Jimco, June 29, 2012 (HOL) — Kooxo hubeysan ayaa afar shaqaale samafal ah oo u shaqeynayay haya'dda Norwegian Refugee Council (NRC) ka afduubay maanta deegaanka Dhadhaab ee dalka Kenya oo ku dhow soohdinta ay wadaagaan Soomaaliya iyo Kenya.

6/29/2012 7:31 AM EST
Jimco, June 29, 2012 (HOL) - Scott Gration ayaa la sheegay inuu is casilaadiisa u gudbiyay isniintii hore madaxweynaha dalka Maraykanka Barrack Obama iyo xoghayaha arrimaha dibada Hillary cilinton.

6/29/2012 7:24 AM EST
Jimco, June 29, 2012 (HOL) — Afhayeenka maamulka gobollka Hiiraan Max’ed Nuur Caga-joof oo la soo xiriiray HOL ayaa waxba kama jiraan ku sheegay in weerar loo adeegsaday miino lagula eegtay magaalada Beledweyne ciidamada Itoobiya ee gacanta ku siinaya kuwa maamulka gobolka.