Jimco, June 29, 2012 (HOL) — Ciidammo iyo saraakiil ka tirsan booliiska Soomaaliya ayaa maanta markii ugu horreysay loo qaaday dalka Turkiga si ay tababar ugu soo qaataan, iyadoo taliyaha booliiska Soomaaliya uu sheegay in tani qayb ka tahay kaalmada uu Turkigu u fidinayo Soomaaliya.
Saraakiishan iyo ciidamadan ayaa waxaa Muqdisho ka qaadday diyaaradda Turkish Airlines, waxaana la sheegay in tababarkooda uu socon doono muddo bilooyin aan la cayimin, markaas kaddibna ay dib ugu soo laaban doonaan Muqdisho.
"Tirada saraakiishan iyo ciidamada loo qaaday dalka Turkiga waxay gaarayeen 80 ruux, waxayna ku guuleysteen imtixaan loo galay tababarkan," ayuu yiri Jen. Shariif Sheekhunaa Maye oo ah taliyaha ciidanka booliiska Soomaaliya.
Jen. Maye ayaa sheegay in tallaabadan ay dhiiri-gelin u tahay booliiska Soomaaliya, isagoo xusay inay soo baran doonaan sida looga shaqeeyo ammaanka, markii ay dib u soo laabtaanna ay ka howlgeli doonaan degmooyinka gobolka Banaadir.
Ciidamada iyo saraakiisha ayaa la hadlin saxaafadda iyadoo ay noqonayso markii ugu horreysay oo dowladda Turkiga ay dalkeeda u qaaddo ciidammo Soomaali ah si ay tababarro u soo siiso.
Magaalada Muqdisho ayaa waxaa ku sugan hay'ado samafal oo Turki ah, kuwaasoo yimid sannadkii hore xilli ay abaaro ba'an ku dhufteen Soomaaliya, balse Ankara waxay sheegtay inay sidoo kale gacan ka geysanayso dib u soo celinta ammaanka Soomaaliya.
Xukuumadda Turkiga ayaa ballanqaadday sannadkan inay tababarayso ciidamada booliiska iyo kuwa milateriga Soomaaliya si ay u hantaan ammaanka Soomaaliya oo muddo 20-sano ka hor ah burburay kaddib markii ay ka qaraxeen dagaallo sokeeye.
Maxamed Xaaji Xuseen, Hiiraan Online
[email protected]
Muqdisho, Soomaaliya
Ciidammo iyo Saraakiil ka tirsan Booliiska Somalia oo maanta markii ugu horreysay tababar loogu qaaday dalka Turkiga
More News
- Daah-furka Buug cusub oo laga qoray Abwaan Timacadde oo Ingiriisi ku qoran oo xalay magaaladda Hargeysa lagu soo bandhigay
- Hay'adda ICRC oo sheegtay in Colaadaha iyo Roob yaraanta Somalia ay dheereeyeen sugnaan la’aanta Cunnada
- Madaxweynaha Somaaliya iyo Madaxweynaha Somaliland oo ku heshiiyay in la isku furo Ganacsiga Labada Dhinac
- Xildhibaan ku eedeeyay Xarakada Al-shabaab inay si khasab ah ku dagaal-gelinayaan Shacabka ku nool Kismaayo
- Dibadbax lagu taageerayay kulankii dhexmaray Madaxweynayaasha Soomaaliya iyo Somaliland oo Muqdisho ka dhacay
- Safaarada Soomaalida ee magaalada Nairobi oo dadweynaha ugu baaqday inay kasoo qaybgalaan xuska 1-da Luuliyo
- Kooxo hubeysan oo afduub iyo dil u geystay shaqaale Ajnabi ah oo ka howlgalayay Xeryaha Dhadhaab ee dalka Kenya
- Safiirkii Maraykanka u fadhiyay dalka Kenya oo iska casilay xilkiisii
- Madaxweynaha Puntland oo kasoo horjeestay qodobbadii kasoo baxay Shirki Sheekh Shariif iyo Axmed Siilaanyo dhexmaray
- Afhayeenka Maamulka Gobolka Hiiraan oo beeniyay in Qarax lagu weeraray Ciidanka Itoobiya uu ka dhacay Baladweyne