3/28/2024
Today from Hiiraan Online:  _
Wararka Maanta- Talaado, Jun 12, 2012
Kulan Wadatashi ah loogana hadlayay Kobcinta iyo Tayeynta Fanka Soomaaliyeed oo lagu qabtay Magaalada Muqdisho (SAWIRRO)

fanka-kobcinta (7).jpg
Arbaco, June 13, 2012 (HOL) — Kulan wada-tashi ah oo ay iska kaashadeen hay'adda Cilmi-baarista iyo wada-tashiga CRD iyo wakaalada murtida, madadaalada iyo farashaxanka Soomaaliyeed ayaa maanta lagu qabtay magaalada Muqdisho ee xarunta Soomaaliya, iyadoo kulankan looga hadlayay kobcinta iyo tayeynta fanka Soomaaliyeed.

Kulankan oo ay ka qayb-galeen abwaano, xildhibaanno, mas'uuliyiinta hay'adda CRD, fannaaniin ka socotay hobollada horseed, waabari, heegan iyo onkod ayaa socon doona muddo labo maalmood ah.

Ugu horreyn kulanka ayaa waxaa lagu soo bandhigay muuqaal kooban oo ku saabsan tiyaatarka Qaranka oo xilligan la qorsheynayo in dib loo dhiso, kaddib markii dib loo furay muddo ka badan 20-sano.

Maareeyaha golaha murtida, madadaalada iyo farshaxanka, abwaan Cabdi-dhuux Yuusuf ayaa ka hadlay heerarka ay soo mareen fanaanniinta Soomaaliyeed, kuwaas oo markii uu dalka burburay kala tagay, hase ahaatee haatan uu bilowday sidii dib la isugu keeni lahaa, isla markaana fanka Soomaaliyeed loo dhaqaajin lahaa.

Abwaan Cabdi-dhuux ayaa sheegay in dhibaatooyinka dalka kaddib ay suurogashay in fanaaniinta ay isku yimaadaan iyagoo diyaar u ah inay wada shaqeeyaan, isagoo xusay in sideed bilood kaddib markii tiyaatarka la furay iyo maanta uu farqi weyn u dhaxeeyo.

Abwaanku wuxuu hay'adda CRD uga mahadceliyay dadaalka ay dib ugu soo noolaynayso fanka Soomaaliyeed, isagoo xusay in CRD ay dhawaan Injineerro ay ka keentay magaalada Nairobi ee dalka Kenya si ay u qiimeeyaan dayactirka lagu sameynayo tiyaatarka Muqdisho iyo meelaha laga ambaqaadi karo in dib loogu dhiso golihii mutida iyo madadaalada.

fanka-kobcinta (2).jpg

Madaxa haya'dda Cilmi-baarista iyo wada-tashiga CRD, Jabriil Ibraahim Cabdulle ayaa sheegay in fanaanniinta Soomaaliyeed looga baahan yahay inay qaybtooda ka qaataan nabada iyo horumarka dalka, isagoo xusay in fannaanka aanu lahayn qabiil, isla markaana ay yihiin udub dhexaadka bulshada, isagoo uga digay in koox yar ay jeebka gashato.

Jabriil Ibraahim wuxuu hadalkiisa raaciyay in maalintii la furayay tiyaatarka caalamka oo dhanna laga daawaday ruwaayaddii lagu qabtay ay Soomaaliya is bedeshay, wuxuuna carrabaabay in horumarka socda uu qayb ka yahay farshaxanka oo dib u soo noolaaday, isla markaana waddooyinka qaar laga taagay boorar waa weyn oo ka turjumaya horumarka iyo nabada.

Sidoo kale, wuxuu sheegay inuu socdo qorshaha yabooha acageed ee dib loogu dhisayo tiyaatarka, isagoo sidoo kale xusay in barnaamijkii heesaha hir-galay la bilaabi doono dhawaan lana keenay qalabkii muusigga.

Xildhibaan Maxamed Cumar Dalxa oo ah fannaan Soomaaliyeed ayaa sheegay in fanka uu ahaa halkii Soomaaliya laga xoreeyay oo gobonimadii xornimada-doonka qayb libaax looga qaatay, wuxuuna ugu baaqay fannaaniinta inay muujiyaan isku duubni.

Mudane Dalxa ayaa sheegay in qaybaha bulshada laga beegsado ay tahay dadka waxgalka ah, sida fannaanka, suxufiga, iyo aqoonyahanka wuxuuna tilmaamay in cod dheer looga soo horjeedo.

Intii kulanka wada-tashiga ah uu socday ayaa fannaaniinta ka qayb-gashay isku weydaarsaday fikrado iyo aragtiyo ku aaddan qaabka loo tayeyn karo fanka, loona kobcinayo, waxayna xuseen in fanku ahaa mid dhinaca nabada iyo dhiira-gelinta shacabka looga qayb qaadan karo.

fanka-kobcinta (1).jpg
fanka-kobcinta (5).jpg
fanka-kobcinta (6).jpg
fanka-kobcinta (4).jpg
fanka-kobcinta (8).jpg

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/12/2012 4:45 PM EST
Talaado, Juun 12, 2012 (HOL) - Xaflad qalinjabin oo si caalami ah loo soo agaasimey ayaa ka dhacdey Satadiumka weyn ee “Century link Field”oo ku yaala magaalada Seattle. Hadaba munaasabadan oo aheyd mid aad iyo aad u balaaran ayaa waxaa lagu gudoonsiinayay shahoodooyin ardayda ka qalinjabisey jaamacada Washington,

6/12/2012 9:50 AM EST
Talaado, June 12, 2012 (HOL) — Wasiirka wasaaradda Cadaaladda, Gudidda Cadaaladda, ururka Qareenadda iyo madax dhaqameed, ayaa cambaareeyey dhaawacii loo geystay gudoomiyihii maxkamadda gobolka Hargeysa Cabdirashiid Maxamed Duraan oo shalay dablay hubaysani ku weerareen mar uu ka soo baxay salaadii subax masaajid u dhow gurigiisa oo ku yaala Xaafadda News Hargeysa ee Bariga Magaaladda Hargeysa.

6/12/2012 9:08 AM EST
Talaado, June 12, 2012 (HOL) — Madaxweynaha DKMG Soomaaliya Shariif Sheekh Axmad iyo xubno ka tirsan dowladda oo socdaal shaqo ku jooga degmada Afgooye ee gobolka Shabeellada Hoose ayaa la kulmay waxgaradka degmadaas.

6/12/2012 8:02 AM EST
Talaado, June 12, 2012 (HOL) — Afhayeenka baarlamaanka Soomaaliya, Shariif Xasan Sheekh Aadan oo dib ugu soo laabtay Muqdisho maanta ayaa sheegtay inuu soo dhaweynayo hadalkii kasoo yeeray dowladda Mareykanka ee ahaa in tallaabo laga qaadi doono ciddii ka hortimaadda heshiiska tubta nabadda iyo dastuurka.

6/12/2012 7:40 AM EST
Talaado, June 12, 2012 (HOL) — Ra'iisul wasaaraha dalka Kenya, Raila Odinga ayaa sheegay maanta in xukuumaddiisu ay weydiisatay Mareykanka iyo ururka Midowga Yurub inay ka caawiyaan qorshaheeda dagaal ee ay ku doonayso inay ku qabsato magaalada dekedda leh ee Kismaayo oo xarun u ah gobolka Jubbada Hoose.

6/12/2012 7:01 AM EST
Talaado, June 12, 2012 (HOL) — Maamulka Ahlusunna Waljamaaca ayaa sheegay inay maxkamad soo taagayaan laba wariye oo ay saakay xireen, kuwaasoo ay ku eedeeyeen inay dambiyo shaqsi ah ka galeen Ahlusunna, gaar ahaan maamulka ka jira degmada Dhuuso-mareeb.

6/12/2012 6:31 AM EST
Talaado, June 12, 2012 (HOL) — Marwada ra’iisul wasaaraha Soomaaliya, Hodon Saciid Ciise ayaa xalay kulan xog-wareysi ah kula yeelatay magaalada Muqdisho ururada haweenka Soomaaliyeed, iyadoona kulanka looga hadlay sidii haweenka ay door muhiim ah uga qaadan lahaayeen dadaallada lagu raadinayo xalka Soomaaliya.

6/12/2012 5:15 AM EST
Talaado, June 12, 2012 (HOL) — Wararka aynu ka heleyno gobolka Jubada Hoose ayaa sheegaya in xalay dagaallo culus ay ka dhaceen degmada Afmadow iyo deegaanka Qooqaani, kadib markii dagaalyahanno katirsan Al-shabaab ay weerar ku qaadeen saldhigyo ay halkaasi ku lahaayeen ciidamada Huwanta ah.

6/12/2012 5:13 AM EST
Talaado, June 12, 2012 (HOL) — Kooxo bastoolado ku hubeysan ayaa xalay ku toogtay xafadda Howl-wadaag ee magaalada Beledweyne nabadoon caan ka ah magaalada, iyadoo mas’uuliyiinta maamulka gobollka dilka nabadoonka ay ku eedeeyeen Xarrakada Al-shabaab.

6/12/2012 3:13 AM EST
Talaado, June 12, 2012 (HOL) — Ciidamada Itoobiya iyo kuwa Ahlusunna ayaa saakay isaga baxay deegaanka Wabxo ee gobolka Galguduud iyadoo ay gudaha u galeen deegaankaas xoogagga Al-shabaab oo horay looga qabsaday.

6/12/2012 2:59 AM EST
Talaado, June 12, 2012 (HOL) — Degmada Dhuuso-mareeb ee gobolka Galguduud ayaa xalay laga dareemay cabsi weyn, iyadoo dadka qaarkood ay isaga baxeen halkaas, sidoo kalena laga raray deegaankaas idaacaddii ka howgeli jirtay inkastoo sakaay dib loogu soo celiyay.

6/12/2012 2:44 AM EST
Talaado, June 12, 2012 (HOL) — Madaxweynaha Soomaaliya, Shariif Sheekh Axmed oo xalay ku hoyday degmada Afgooye ee gobolka Shabeellada hoose oo bishii hore ay ciidamada dowladda KMG ah iyo kuwa AMISOM kala wareegeen Al-shabaab ayaa sheegay in cid walba oo kasoo baxda Al-shabaab ay soo dhaweynayaan.