3/28/2024
Today from Hiiraan Online:  _
Wararka Maanta- Arbaco, Jun 13, 2012
Madaxweynaha Soomaaliya iyo Saraakiisha Ciidamada DKMG ah oo Maanta booqasho ku tagay Deegaanka Mareerey

Arbaco, June 13, 2012 (HOL) — Madaxweynaha Soomaaliya, Shariif Sheekh Axmed oo ay wehliyaan saraakiisha ciidamada DKMG ah iyo kuwa AMISOM ayaa maanta ku tagay booqasho deegaanka Mareereey oo 15-km u jira degmada Afgooye e gobolka Shabeellada hoose.

Shariif Sheekh oo saxaafadda kula hadlay deegaanka Mareerey ayaa sheegay inay tani qayb ka tahay booqashooyinka uu ku tagayo goobihii ay ciidamada DKMG ah kala wareegeen xoogagga Al-shabaab.

Madaxweynaha ayaa uga digay ciidamada dowladda inay shacabka dhibaateeyaan isagoo sheegay in askarigii dhibaateeya shacabka lala tiirsan doono sharciga, sidoo kalena wuxuu dadka deegaanka ugu baaqay inay ciidamada dowladda ka caawiyaan sidii ay ammaanka u sugi lahaayeen.

Sidoo kale, Shariif Sheekh wuxuu ciidamada dowladda ku boorriyay inay samir sameeyaan, ayna dhexda u xirtaan sidii ay ku tirtiri lahaayeen Al-shabaab, wuxuuna intii ay booqashadu socotay dallacsiiyay haweeney ka mid ah ciidamada milateriga, taasoo ay saraakiishu sheegeen inay howlo wanaagsan qabatay.

Taliyaha gaaska koowaad ee ciidamada xoogga dalka, Jen. Cabdullaahi Cali Caanood oo isagana saxaafadda kula hadlay deegaanka Mareerey ayaa sheegay in howlgallada lagula dagaalamayo Al-shabaab ay sii wadayaan tan iyo inta ay dalka oo dhan ka saarayaan

"Howgalkii aan ku qabsannay degmada Afgooye ee gobolka Shabeellada Hoose waxaa nooga dhintay 11-askari, waxaana nooga dhaawacmay 18 kale," ayuu yiri Jen. Caanood oo sheegay inay ka go'an tahay inay deegaanno kale gaaraan.

Dadweyne badan ayaa isugu soo baxay deegaanka Mareereey intii ay booqashada madaxweynaha iyo saraakiisha ciidanku socotay, waxaana madaxweynaha iyo xubnihii la socday ay dib ugu soo laabteen beerta Sheekh Zaayid ee degmada Afgooye oo ah halka uu deggen yahay madaxweynaha Soomaaliya.

Ugu dambeyn, taliyaha ciidamada AMISOM ee ku sugan degmada Afgooye ayaa u sheegay wariyeeyaasha in ciidamadooda iyo shacabka deegaanka Mareereey ay aad isku fahmeen ayna iyagu taas ku faraxsan yihiin.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
6/13/2012 7:38 PM EST
Arbaco, June 13, 2012(HOL):-Ra’iisul Wasaaraha Soomaaliya Professor Cabdiweli Maxamed Cali oo booqasho rasmi ah ku jooga Kenya ayaa maanta kulamo la kala qaatay Madaxweynaha Dalka Kenya Mudane Mwai Kibaki iyo Ra’iisul Wasaaraha Kenya Raila Odenga. Kulanka Madaxweynaha Kibaki ayaa ahaa kii ugu horreeyey ee dhex mara Ra’iisul Wasaare Cabdiweli iyo Madaxweyne Kibaki.

6/13/2012 8:35 AM EST
Arbaco, June 13, 2012 (HOL) — Tababar lagu baranayay sida dadku isugu xirmaan iyo sida ay bulsho caddaalad wax ugu qeybsato ayaa Muqdisho loogu soo gaba-gabeeyay odayaasha dhaqanka qaarkood.

6/13/2012 7:42 AM EST
Arbaco, June 13, 2012 (HOL) — Afhayeenkii baarlamaanka Soomaaliya ee sannadihii 1966-kii illaa 1969-kii, Sheekh Mukhtaar Maxamed Xuseen ayaa shalay ku geeriyooday magaalada Nairobi ee dalka Kenya, iyadoo dowladda KMG ah ay sheegtay in loo sameynayo aas Qaran iyo baroor-diiq.

6/13/2012 7:26 AM EST
Arbaco, June 13, 2012 (HOL) — Guddoomiyaha golaha fulinta ee Ururka Ahlusunna Waljamaaca, Sheekh Maxamed Yuusuf Xeefow ayaa sheegay kasoo bixitaankoodii degmada Ceelbuur iyo deegaanka Wabxo ee gobolka Galguudud ay ahayd mar ay bixiyeen saraakiisha ciidamadaas hoggaaminayay.

6/13/2012 6:42 AM EST
Arbaco, June 13, 2012 (HOL) — Ergayga xogyahaha guud ee Qaramada Midoobay u qaabilsan arrimaha Soomaaliya, Danjire Augustine Mahiga ayaa sheegay maanta in uu booqanayo degmada Afgooye ee gobolka Shabeellada hoose.

6/13/2012 3:01 AM EST
Arbaco, June 13, 2012 (HOL) — Xukuumadda Washington ayaa toddobadkii hore ka qaadday jasiiradda Malta 20-ruux oo qoxooti ah kuwaasoo isuguna jira Soomaali iyo Eritrean, waxaana la dajiyay dalka Mareykanka.