8/20/2019
Today from Hiiraan Online:  _
Wararka Maanta- Arbaco, Jun 13, 2012
Ergayga Qaramada Midoobay ee Arrimaha Somalia oo sheegay Inuu booqanayo Degmada Afgooye


Arbaco, June 13, 2012 (HOL) — Ergayga xogyahaha guud ee Qaramada Midoobay u qaabilsan arrimaha Soomaaliya, Danjire Augustine Mahiga ayaa sheegay maanta in uu booqanayo degmada Afgooye ee gobolka Shabeellada hoose.

Dajire Mahiga ayaa wuxuu sheegay in booqashadiisa ay ku timid casuumaad uu ka helay taliyaha ciidamada AMISOM ee ku sugan degmada Afgooye, wuxuuna xusay inuu aad ugu faraxsan yahay inuu soo arko waxa ka socda degmadaas.

"Waxaan doonayaa inaan booqdo Afgooye, sarkaalka ciidamada AMISOM ayaa igu casuumay si aan u soo arko waxa ka socda halkaas. Afgooye waa meel muhiim ah oo uu maro webiga Shabeelle, waana guushii ugu weynayd ee ciidamada DKMG ah iyo kuwa AMISOM ay gaaraan," ayuu yiri dajire Mahiga.

Ma uusan sheegin dajire Mahiga muddada ay booqashadiisu qaadanayso, iyadoo la ogyahay in degmada Afgooye uu ku sugan yahay madaxweynaha Soomaaliya, Sheekh Shariif Sheekh Axmed.

Dajire Mahiga, ayaa sheegay in booqashadiisan ay tahay mid uu aad ugu faraxsan yahay, iyadoo ay noqonayso markii ugu horreysay oo mas'uul ka tirsan Qaramada Midoobay uu booqdo deegaan ka baxsan Muqdisho.

Ugu dambeyn, dajire Mahiga wuxuu sheegay in Qaramada Midoobay ay taageersan tahay howlgallada lagula dagaalamayo Al-shabaab ee ka socda gudaha Soomaaliya wuxuuna xusay in sidoo kale ay ku talinayaan in howlaha dhiman lagu dhameystiro inta ka horreysa bisha Ogoosto ee sannadkan.

Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
6/13/2012 7:38 PM EST
Arbaco, June 13, 2012(HOL):-Ra’iisul Wasaaraha Soomaaliya Professor Cabdiweli Maxamed Cali oo booqasho rasmi ah ku jooga Kenya ayaa maanta kulamo la kala qaatay Madaxweynaha Dalka Kenya Mudane Mwai Kibaki iyo Ra’iisul Wasaaraha Kenya Raila Odenga. Kulanka Madaxweynaha Kibaki ayaa ahaa kii ugu horreeyey ee dhex mara Ra’iisul Wasaare Cabdiweli iyo Madaxweyne Kibaki.

6/13/2012 8:35 AM EST
Arbaco, June 13, 2012 (HOL) — Tababar lagu baranayay sida dadku isugu xirmaan iyo sida ay bulsho caddaalad wax ugu qeybsato ayaa Muqdisho loogu soo gaba-gabeeyay odayaasha dhaqanka qaarkood.

6/13/2012 7:42 AM EST
Arbaco, June 13, 2012 (HOL) — Afhayeenkii baarlamaanka Soomaaliya ee sannadihii 1966-kii illaa 1969-kii, Sheekh Mukhtaar Maxamed Xuseen ayaa shalay ku geeriyooday magaalada Nairobi ee dalka Kenya, iyadoo dowladda KMG ah ay sheegtay in loo sameynayo aas Qaran iyo baroor-diiq.

6/13/2012 7:26 AM EST
Arbaco, June 13, 2012 (HOL) — Guddoomiyaha golaha fulinta ee Ururka Ahlusunna Waljamaaca, Sheekh Maxamed Yuusuf Xeefow ayaa sheegay kasoo bixitaankoodii degmada Ceelbuur iyo deegaanka Wabxo ee gobolka Galguudud ay ahayd mar ay bixiyeen saraakiisha ciidamadaas hoggaaminayay.

6/13/2012 6:27 AM EST
Arbaco, June 13, 2012 (HOL) — Madaxweynaha Soomaaliya, Shariif Sheekh Axmed oo ay wehliyaan saraakiisha ciidamada DKMG ah iyo kuwa AMISOM ayaa maanta ku tagay booqasho deegaanka Mareereey oo 15-km u jira degmada Afgooye e gobolka Shabeellada hoose.

6/13/2012 3:01 AM EST
Arbaco, June 13, 2012 (HOL) — Xukuumadda Washington ayaa toddobadkii hore ka qaadday jasiiradda Malta 20-ruux oo qoxooti ah kuwaasoo isuguna jira Soomaali iyo Eritrean, waxaana la dajiyay dalka Mareykanka.