9/22/2019
Today from Hiiraan Online:  _
Wararka Maanta- Talaado, July 10, 2012
Danjire Augustine Mahiga oo ka digay in la carqaladeeyo dadaallada ay Soomaaliya uga baxayso xilliga KMG ah


Talaado, July 10, 2012 (HOL) — Ergayga xoghayaha guud ee Qaramada Midoobay u qaabilsan arrimaha Soomaaliya, Augustine Mahiga ayaa u digay cid walba oo isku dayda inay carqaladayso hanaanka geedi-socodka ah ee looga baxayo xilliga kala guurka ah.

Danjire Mahiga, ayaa hadalkan ku sheegay warqad uu u diray Soomaalida dibadaha ku nool, isagoo tilmaamay in xilligan kaddib aysan beesha caalamku u dul-qaadan doonin in la carqaladeeyo qorshaha hadda socda ee la doonayo in dalka looga saaro KMG-nimada; loona gudbo dawlad joogto ah oo ay Soomaaliya yeesho.

“Uma dul-qaadan doonno cid kasta oo isku dayda inay carqaladeyso howsha socota ee looga baxayo xilliga kala guurka ah," ayuu yiri dahiga Mahiga oo intaas ku daray in xisbiyada siyaasadeed iyo shaqsiyaadka kale oo doonaya inay doorashooyin ka dhacaya dalka ku abuuraan qas ay beesha caalamku ka qaadi doonto tallaabo adag.

Sidoo kale, Mahiga wuxuu ka dalbaday qurbo-joogta Soomaalida inay dooorkooda ka qaataan dadaallada la doonayo in Soomaaliya ay ku gaarto dowlad dhameystiran ayna ka baxdo xiliga KMG ah, isagoo tilmaamay in la joogo waqtigii ay Soomaalida dibadaha jooga gacan ka geysan lahaayeen mustaqbalka dalkooda.

"Horay ayay Qaramada Midoobay u sheegtay inay tallaabo ka qaadi doonto ciddii isku dayda inay hor-istaag ku sameyso Roadmap-ka; waxaana amarkan loosoo saaray si loo taageero qorshayaasha Roadmap-ka iyo howlaha socda," ayuu yiri Mahiga.

Danjire Mahiga ayaa wuxuu hadalkiisa kusoo beegay xilli ay lix toddobaad ka harsan tahay xilliga ay shaqeynayso DKMG ah ayna socdaan dadaallo ay dowladda KMG ah ku doonayso inay ku dhameystirto qorshaha looga gudbayo ku-meel-gaarnimada.

Maxamed Xaaji Xuseen, Hiiraan Online
[email protected]
Muqdisho, Soomaaliya









Click here
7/10/2012 5:14 PM EST
Talaado, July 10, 2012(HOL): Dab khasaare maaliyadeed geystey ayaa goor hore oo saaka ah ka kacay mid kamid ah xeryaha ay dadka soo barakacay ku dhaqan yihiin ee ku yaal bariga magaalada Boosaaso. Dabka oo ay demintiisu mudo saacado ah qaadatay wuxuu ciida ku daray in ka badan 200 oo guri, kuwaas oo dhamaantood ahaa kuwo cooshado ka samaysan.

7/10/2012 8:46 AM EST
Talaado, July 10, 2012(HOL): Magaalada Garoowe waxaa maanta soo gaarey wefdi uu horkacayo xiriiriyaha Qaramada Midoobey u qaabilsan gargaarka bini aadminimada ee Soomaaliya Mark Bowden.

7/10/2012 8:44 AM EST
Talaaddo, July 10, 2012 (HOL)- Dhallinyaro Aqoonyahano ah oo ku dhaqan xaafadaha kala duwan ee magaaladda Hargeysa ayaa dawladda hoose ku eedeeyey in meelihii danta guud ahaa bililiqaysanayaan, iyagoo ka faa’iidaysanaya wakhtigan kala guurka ah ee golaha deegaankii hore wakhtiga ka dhamaatay mid kalana la sugayo inuu bedelo.

7/10/2012 8:44 AM EST
Talaado, July 10, 2012 (HOL) — Ra'iisul wasaaraha DKMG ah ee Soomaaliya, C/weli Maxamed Cali iyo ergayga xoghayaha guud ee Qaramada Midoobay uga wakiilka ah arrimaha Soomaaliya, danjire Augustine Phillip Mahiga ayaa maanta kula kulmay Muqdisho odayaasha dhaqanka Soomaaliyeed.

7/10/2012 8:42 AM EST
Talaado, July, 10 2012 (HOL)- Markab weyn oo nooca xoolaha qaadda ah oo magaciisa la yidhaa M/V-Al-iimaan ayaa xalay fiidkii dab ku qabsaday dekadda Berbera, haseyeeshee markiiba waxa lagu guuleystay in la bakhtiiyo.

7/10/2012 7:35 AM EST
Talaado, July 10, 2012 (HOL) — Degmada Baydhabo ee xarunta gobolka Bay ayaa maanta lagu weeraray hoobiyeyaal kuwaasoo ku dhacay suuqa xoolaha Baydhabo, iyadoo sidoo kalena laga dareemayo degmada dhaqdhaqaaqyo ciidan.

7/10/2012 7:14 AM EST
Talaado, July 10, 2012 (HOL) — Guddoomiyahha gobolka Banaadir ahna duqa Muqdisho, Maxamuud Axmed Nuur (Tarsan) ayaa ka dalbaday shacabka ku nool magaalada Muqdisho inay gacan ka geystaan qabsoomidda shirka lagu ansixinayo dastuurka oo maalmahan ka furmaya Muqdisho.

7/10/2012 4:16 AM EST
Talaado, July 10, 2012 (HOL) — Madaxweynaha DKMG Soomaaliya, Sheekh Shariif Sheekh Axmed ayaa ugu baaqay odayaasha dhaqanka ee ku shirsan Muqdisho inay faraha kala baxaan ansixinta dastuurka oo lagu wado in maalmaha soo socda uu ka dhaco magaalada Muqdisho.

7/10/2012 4:11 AM EST
Talaado, July 10, 2012 (HOL) — Cutubyo katirsan ciidamada Militariga Kenya ayaa dhowrkii habeen ee ugu danbeeyay waxa ay howlgallo ballaaran ka bilaabeen xaafadda ay Soomaalidu ku badantahay ee Eastleigh, iyadoona howlgalladaasi ay ciidamadu ku qabqabteen dad badan oo sharci la'aan ah.

7/10/2012 3:49 AM EST
Talaado, July 10, 2012 (HOL) — Warsaxaafadeed kasoo baxay xafiiska murashaxa madaxweynenimo ee Soomaaliya, Dr. C/raxmaan Macallin C/llaahi (Baadiyoow) ayaa looga digay inaan la carqaladeyn geeddi-socodka xilliga kala-guurka ah ee socda.

7/10/2012 3:21 AM EST
Talaado, July 10, 2012 (HOL) — Kooxo hubeysan ayaa xalay degmada Dharkeynley ee gobolka Banaadir ku dilay sarkaal ka tirsanaa ciidamada xoogga dalka, xilli uu ku socday gurigiisa, waxaana kooxaha dilka geystay u suurogashay inay ka baxsadaan halkaas.

7/10/2012 3:04 AM EST
Talaado, July 10, 2012 (HOL) — Abaanduulaha ciidamada xoogga dalka Sooamaliya, Jen. Cabdikariin Yuusuf Aadan Dheg-badan) oo ka hadlay falalka dilka ah ee ka dhaca degmooyinka Muqdisho qaarkood ayaa sheegay in qofkii dil geysta ama tuute ha wato ama yuusan wadane lagu dili doono halkii uu dilka ku geystay.