3/28/2024
Today from Hiiraan Online:  _
Wararka Maanta- Isniin, Aug 13, 2012
Xukuumadda Uganda oo sheegtay in diyaarado dagaal oo ay u dirtay Soomaaliya lagu waayay Hawada dalka Kenya
Isniin, Ogoosto 13, 2012 (HOL) — Dowladda Uganda ayaa sheegaty in tiro ka mid ah ciidamadeeda iyo diyaaradaha nooca qummaatiga u kaca ah ee helicopter-ka loo yaqaan oo ay u dirtay Soomaaliya si howgalka socda uga qaybqaataan lagu waayay hawada dalka Kenya.


Afhayeen u hadlay milateriga Uganda ayaa sheegay in diyaaradahan oo aanu sheegin tiradooda iyo ciidammo la socday ay ka duuleen saldhig ay ku leeyihiin deegaanka Entebbe, balse hal diyaarad oo keliya ay ku dagtay garoonka degmada Wajeer ee dalka Kenya xilligaasoo ahayd markii la filayay inay diyaaraduhu gaaraan Soomaaliya.

"Baaritaanno lagu raadinayo diyaaradaha iyo ciidamadii saarnaa ayaa socda, ma garan karno waxa dhacay, laakiin waan baaraynaa, saxaafadda ayaana natiijada u soo gudbin doonnaa," ayuu yiri afhayeenka u hadlay milateriga Kenya.

Taliska milateriga Kenya ayaa sheegay inaysan hayn faahfaahinta sababta keentay in diyaaradaha la waayo. Iyagoo sheegay in tirada diyaaradaha maqan ay yihiin saddex, balse ma sheegin tirada ciidamadii saarnaa.

Laakiinse sarkaal u hadlay booliiska Kenya oo lagu magacaabo, Francis Munyambu ayaa sheegay inay heleen xog sheegaysa in mid ka mid diyaaradahaas maqan ee Uganda leedahay lagu arkay burburkeed maanta oo Insiin ah dhul howd ah oo ku yaalla bartamaha dalka Kenya.

Dalka Uganda ayaa waxaa ciidammo badan ay kaga sugan yihiin Soomaaliya, kuwaas oo qayb ka ah howgalka Midowga Afrika ee AMISOM, iyadoo tani ay kusoo beegmayso xilli bishan horraanteeda ay xukuumadda Kampala ay sheegtay inay saraakiil ciidan oo dhinaca cirka ah ay u dirtay Soomaaliya.

Shilkan ayaa noqonaya kii ugu horreeyay oo dowladda Uganda ay ku sheegto inay ku maqan yihiin diyaarado iyo ciidammo ay ku xoojinaysa howgalka AMISOM ee ka socda Soomaaliya.

Dhawaan ayay ahayd markii dowladda Mareykanka ay Uganda ku taageertay dhowr diyaaradood oo kuwa aan duuliyaha lahayn ah si ay uga qaybqaataan howgalka ka socda Soomaaliya iyo dagaalka ay kula jirto xoogagga LRA ee uu hoggaamiyo Joseph Koni.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
8/13/2012 9:01 AM EST
Isniin, Ogoosto 13, 2012 (HOL) — Dajire Augustine Mahiga oo ah ergayga xoghayaha guud ee Qaramada Midoobay uga wakiilka ah arrimaha Soomaaliya ayaa sheegay in toddobaadka soo socda lasoo dooran doono afhayeenka baarlamaanka, ku xigeennadiisa iyo madaxweynaha.

8/13/2012 9:00 AM EST
Isniin, Ogoosto 13, 2012 (HOL) — Madaxweynaha DKMG Soomaaaliya, Shariif Sheekh Axmed ayaa maanta la kulmay guddiga xalinta khilaafaadka ee ku kulansan Muqdisho, isagoo ugu baaqay guddiga in la xalliyo cabashooyin ku saabsan musuqmaasuqa ee beelaha qaarkood soo gudbiyaan.

8/13/2012 5:18 AM EST
Isniin, Ogoosto 13, 2012 (HOL) — Wararka aynu ka heleyno magaalada Afmadow ee gobolka Jubada hoose ayaa sheegaya in xalay duleedka degmadaasi ay madaafiic isku weeydaarsadeen ciidamada dowladda, kuwa Kenya iyo Al-shabaab.

8/13/2012 5:08 AM EST
Isniin, Ogoosto 13, 2012 (HOL) — Komishanka Doorashooyinka Somaliland ayaa sheegay in doorashooyinka golaha deegaanka Somaliland ay dhici doonaan maalinimadda Arbacadda ee bisha November 28, 2012

8/13/2012 5:00 AM EST
Isniin, Ogoosto 13, 2012 (HOL) — Ciidammo ka tirsan kuwa DKMG ah ee Soomaaliya ayaa shalay gallinkii dambe ku dilay degmada Yaaqshiid ee gobolka Banaadir mid ka mid ah suxufiyiinta madaxa-bannaan ee Muqdisho ku sugan.

8/13/2012 4:45 AM EST
Isniin, Ogoosto 13, 2012 (HOL) — Madaxweynaha Somaliland Md: Axmed Maxamed Maxamuud Siillaanyo, ayaa hambalyo u diray guusha weyn ee uu soo hooyey Orodyahanka caanbaxay ee Maxamed Faarax ee u orda dalka Ingiriiska.

8/13/2012 4:36 AM EST
Isniin, Ogoosto 13, 2012 (HOL) — Kooxo bastoolado ku hubeysan ayaa bartamaha magaalada Mandheera ee dalka Kenya ku toogtay baadari Kenyan ah, iyadoo warar kala duwan ay kasoo baxayaan baadariga la dilay halka uu ka yimid.

8/13/2012 4:12 AM EST
Isniin, Ogoosto 13, 2012 (HOL) — Dab xooggan ayaa khasaare xooggan ka geystay suuqa xerada qoxootigsa IFO oo ka mid ah xeryaha ku yaalla Dhadhaab, halkaasoo ay ku jiraan in ka badan Nus Malyuun qof oo u badan Soomaali.

8/13/2012 3:57 AM EST
Isniin, Ogoosto 13, 2012 (HOL) — Afhayeenka baarlamaanka KMG ah ee uu xilligiisu gabagabada yahay, Shariif Xasan Sheekh Aadan ayaa sheegay in haddii loo doorto xilka madaxnimo ee Soomaaliya uu dalka ku hoggaamin doono cadaalad.