3/29/2024
Today from Hiiraan Online:  _
Wararka Maanta- Talaado, Sept 25, 2012
Madaxweynaha Kenya oo Hay'adaha Gargaarka ugu baaqay inay Gudaha Soomaaliya ku caawiyaan dadka dhibaateysan
Talaado, September 25, 2012 (HOL) — Madaxweynaha dalka Kenya, Mwai Kibaki ayaa ugu baaqay ha'yadaha gargaarka ee caalamka iyo kuwa Qaramada Midoobay inay u guuraan gudaha Soomaaliya, si ay halkaas ugu caawiyaan dadka gargaarka u baahan.

Kibaki oo ku sugan magaalada New York ee dalka Mareykanka oo uu ka furmay shirkii golaha ammaanka ee Qaramada Midoobay ayaa sheegay in deegaanno badan oo ka tirsan Soomaaliya laga saaray Al-shabaab oo horay hay'adaha gargaarka ugu diiday inay ka howlgalaan.

"Waxaan ku faraxsannahay isbedellada siyaasadeed ee Soomaaliya ka dhacay, kuwaasoo ka dhashay fulinta heshiiskii Roadmap-ka. Kenya waxay sidoo kale soo dhaweynaysaa shirarka looga hadlayo Soomaaliya ee dhici doona. kuwaasoo aan rumeysannahay inay qayb ka qaadanayaan gacan-siinta mustaqbalka Soomaaliya," ayuu yiri Kibaki.

Sidoo kale, Kibaki ayaa ka dalbaday xoghayaha guud ee Qaramada Midoobay, Ban Ki-Moon in dalkiisa gacan laga siiyo sidii qoxootiga Soomaalida dib loogu celin lahaa dalkooda, gaar ahaan goobaha laga saaray Al-shabaab oo uu sheegay inuu ammaan ka jiro.

Deegaanka Dhadhaab ee dalka Kenya ayaa waxaa ku yaalla xeryaha qoxootiga ee dunida ugu weyn, kuwaasoo ay ku jiraan in ka badan nus malyuun qof oo qoxooti Soomaliyeed ah oo ka cararay dagaallada 21-ka sano ka socday Soomaaliay iyo abaaraha soo laalaabtay.

Madaxweynaha Kenya, wuxuu sidoo kale ka hadlay howgallada ciidamada Kenya ee qaybta ka ah AMISOM ay ka wadaan gudaha dalka ay yihiin kuwo Al-shabaab looga xoreeyay dhul ballaaran oo Koonfurta Soomaaliya ku yaalla.

"Shaki iigama jiro in qoysaska Soomaaliyeed ay dib ugu laaban karaan goobahaas la xoreeyay, iyagoo ku noolaanaya nabad iyo deggenaasho," ayuu yiri Kibaki oo ku si adag ugu boorriyay hay'adaha gargaarka inay goobahaas dib uga howlgalaan.

Kenya ayaa waxaa gudaha Soomaaliya kaga sugan kumannaan askari oo horraantii sannadkan ku biiray howgalka Midowga Afrika ee AMSIOM, kuwaasoo dhawaanahan waday dagaallo ay ku doonayaan inay ku qabsadaan magaalada Kismaayo oo weli gacanta ugu jirta Al-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
9/25/2012 7:33 AM EST
Talaado, September 25, 2012 (HOL) — Diyaarado dagaal oo aan la garaneyn cidda iska leh ayaa maanta duqeymo xooggan ka geystay garoonka diyaaradaha magaalada Kismaayo ee xarunta gobolka Jubbada Hoose.

9/25/2012 6:49 AM EST
Talaado, September 25, 2012 (HOL) — Maxkamada sare ee Somaliland, ayaa nin hore loogu xukumay inuu kooxaha Al-shabaab ka tirsan oo qaraabadiisu racfaanka qaadatay ku xukuntay 14 bilood oo xadhig ah, kaas oo ka bilaabmaysa maalintii la xidhay.

9/25/2012 6:21 AM EST
Talaado, September 25, 2012 (HOL) — Ciidamada ka socda dalka Jabuuti ee qeybta ka ah howlgalka midowgga Africa ee AMISOM ayaa gaaray xaafadda Howl-wadaag ee magaalada Baladweyne ee gobolka Hiiraan oo ay horay saldhigyo ugu lahaayeen ciidamada dowladda Itoobiya.

9/25/2012 4:07 AM EST
Talaado, September 25, 2012 (HOL) — Madaxweyne ku Xigeenka Somaliland, Cabdiraxmaan Cabdullaahi Ismaaciil (Saylici) ayaa furay shir dib loogu eegayo mashruuca Maamul daadejinta dawladaha hoose ee mudada Shanta Sanno ka socday degmooyinka Somaliland.

9/25/2012 4:07 AM EST
Talaado, September 25, 2012 (HOL) — Madaxii wafaafinta ee ururkii Xisbul Islaam, Sheekh Maxamed Macallin Cali ayaa sheegay inay ka baxeen Xarakada Al-shabaab oo ay ku biireen sannadkii 2010, isagoo sheegay inay soo saareen lix qodob oo ay ku caddeynayaan go'aannadooda.

9/25/2012 3:18 AM EST
Talaado, September 25, 2012 (HOL) — Dowladda Kenya ayaa sheegtay inay hubka ka dhigtay askari ciidamadeeda ka tirsan oo si bareer ah u toogtay lix qof oo ahaa xoolo dhaqato Soomaaliyeed kuwaasoo ku sugnaa deegaanka Janaay-cabdalla ee gobolka Jubbada Hoose.

9/25/2012 3:00 AM EST
Talaado, September 25, 2012 (HOL) — Ugu yaraan shan ka tirsanaa ciidamada dowladda Soomaaliya ayaa ku dhintay iskahorimaad ciidammo dowladda kawada tirsan ku dhexmaray deegaanka Lafoole oo u dhexeeya Muqdisho iyo Afgooye, iyadoo dagaalkaas ay markii dambe ku biireen ciidammada AMISOM oo gubay mid ka mid ah gaari ay lahaayeen ciidamada dowladda.

9/25/2012 2:49 AM EST
Talaado, September 25, 2012 (HOL) — Wafdi uu horkacayo safiirka dalka Denmark u qaabilsan Soomaaliya, Geert Aagaard Andersen ayaa shalay booqasho ku tagay magaalada Garoowe ee xarunta Puntland, waxayna madaxtooyada kula kulmeen madaxweyne Cabdiraxmaan Maxamed Faroole iyo qaar ka mid ah golihiisa wasiirrada.