8/18/2022
Today from Hiiraan Online:  _
Wararka Maanta- Sabti, Oct 6 , 2012
Kulan Xildhibaannada Baarlamaanka Somalia iyo Odayaasha dhaqanka ku dhexmaray Xarunta Golaha Shacabka
Sabti, Oktoobar 06, 2012 (HOL) — Xildhibaanada baarlamanaka Soomaaliya iyo odayaasha dhaqanka Soomaaliyeed ayaa maanta kulan ku yeeshay Muqdisho, kaasoo ay talooyin ku wadaageen, iyadoo kulankan uu noqonayo kii ugu horreeyay oo dhexmara xildhibaannada baarlamaanka iyo odayaasha dhaqanka ee soo xulay.

Kulanka oo ka dhacay xarunta golaha shacabka ee Muqdisho ayaa waxaa ka qayb-galay 200 oo xildhibaan iyo 135-ka oday dhaqameed oo soo xulay xildhibaannada, waxaana kulankaas oo fikrado kala duwan la isku dhaaf-saday shir guddoon ka ahaa guddoomiyaha baarlamaanka, Prof. Maxamed Sheekh Cismaan Jawaari.

Odayaasha dhaqaanka ayaa waxay xildhibaannada kula taliyeen inay howlahooda u gutaan si daacadnimo ay ku jirto, iyagoo sidoo kalena ugu baaqay inay xoojiyaan howlaha dib loogu dhisayo hay'adaha kala duwan ee dowladda si dalka uu u gaaro hannaan dowladeed oo dhameystiran.

"Xildhibaannada waxaan ugu baaqaynaa inay foojignaadaan wax walba oo ku keeni kara howlahooda habacsanaan, waana inaad noqotaan kuwo sharciga ku dhaqma oo aan ka leexan," ayay yiraahdeen odayaashii dhaqanka ee kulanka ka qaybgalay.

Guddoomiyaha baarlamaanka Soomaaliya, Prof. Jawaari oo isaguna kulanka ka hadlay ayaa sheegay in baarlamaanku uu qaadanayo dhammaan talooyinka ay u soo-jeediyeen odayaasha dhaqanka, isagoo hoosta ka xariiqay in baarlamaanku uu ku shaqeyn doono rabitaanka shacabka.

Kulankii oo saacado badan qaatay ayaa noqonaya kii ugu horreeyay oo dhexmarta xildhibaannada baarlamaanka iyo odayaasha dhaqanka ee soo xulay, waxaana uu imaanayaa iyadoo baarlamaanka ay dhawaanahan wadeen kulammo ay wadatashi ah oo ay la yeelanayaan waxgaradka si ay howlahooda u noqdaan kuwo cad oo aan mugdi ku jirin.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
10/6/2012 11:22 AM EST
Sabti, Oktoobar 06, 2012(HOL): Madaxweynaha Dowladda Soomaaliya Xasan Shiikh Maxamuud ayaa goor dhaweyd soo magacaabay Ra'iisal Wasaaraha Xukuumadda Soomaaliya, kaasi oo muddo bil ku dhow soo magacaabiddiisa laga sugayay.

10/6/2012 9:17 AM EST
Sabti, Oktoobar 06, 2012 (HOL) — Ruux waxyaabaha qarxa ay ku xiran yihiin ayaa weerar ismiidaamin ah ku qaaday maanta koontarool ay ciidamada dowladdu ay ku leeyihiin isgoyska Baar Ismaaciil ee degmada Afgooye, iyadoo warar kala duwan ay kasoo baxayaan khasaaraha ka dhashay weerarkaas ismiidaaminta ah.

10/6/2012 8:44 AM EST
Sabti, Oktoobar 06, 2012 (HOL) — Askari ka tirsan ciidamada maamulka gobollka Hiiraan ayaa geeriyooday mid kalana dhaawac ayaa soo gaaray kadib markii uu rasaas ku furay mid ka mid ah ciidamada dowladda Itoobiya ee ku sugan magaalada Baladweyne.

10/6/2012 8:34 AM EST
Sabti, Oktoobar 06, 2012 (HOL) — Maamulka Puntland ayaa maanta oo Sabti ah albaabbada isugu dhuftay idaacadda Horseed oo ka mid ah idaacadaha ka howgala deegaannada Puntland, kaddib markii lagu eedeeyay inay ka hadashay arrimo uu horay u mamnuucay maamulkaas in laga hadlo.

10/6/2012 7:51 AM EST
Sabti, Oktoobar 06, 2012 (HOL) — Saraakiisha hay'adaha ammaanka Soomaaliya oo ku yeeshay Muqdisho kulan ay go'aanno ammaanka lagu adkeynayo kasoo saareen ayaa sheegay inaan hub lagu dhex-qaadan karin magaalada Muqdisho, iyagoo sheegay in ciddii rasaas ku ridda magaalada dhexdeeda laga qaadi doono tallaabo sharci ah.

10/6/2012 5:53 AM EST
Jimco, Oktoober, 05, 2012 (HOL) – Iyadoo wali ay jirto gurmadka loo fidinayo dadkii ku barakacay Fatahaadii dhawaan ku dhuftay magaalada Baladweyne ee xarunta gobollka Hiiraan, ayaa waxaa deeq soo gaarsiiyay dadkii ay dhibaatadu ka soo gaartay Fatahaada Jaaliyada Bermingham ee dalka Britian.

10/6/2012 4:58 AM EST
Sabti, Oktoobar 06, 2012 (HOL) — xukuumadda dalka Kenya ayaa sheegtay inay la shaqeynayso maamul walba oo loo sameeyo Jubbooyinka, gaar ahaan magaalada Kismaayo oo uu ka taagan yahay muran ku saabsan cidda maamul u sameynaysa.

10/6/2012 4:43 AM EST
Sabti, Oktoobar 06, 2012 (HOL) — Madaxweynaha dowladda Soomaaliya, Xasan Sheekh Maxamuud ayaa lagu wadaa inuu maanta oo Sabti ah magacaabo ra'iisul wasaaraha cusub ee Soomaaliya, iyadoo xilliga uu u haysto inuu ra'iisul wasaare magacaabo ay dhowr cisho ka dhiman tahay.

10/6/2012 4:30 AM EST
Sabti, Oktoobar 06, 2012 (HOL) — Boqollaal qoys oo hore uga barakacday magaalada Kismaayo ayaa bilaabay in ay dib ugu soo noqdaan guryahooda, waxaana soo laabashada dadkani siweyn looga dareemaya magaalada.