10/23/2019
Today from Hiiraan Online:  _
Wararka Maanta- Talaado, Nov 27, 2012
Ra'iisul Wasaaraha Soomaaliya iyo Guddoomiyaha Baarlamaanka oo Maanta la kulmay Wafdi ka socday dalalka Yurub


Talaado, November 27, 2012 (HOL) — Guddoomiyaha baarlamaanka Soomaaliya ahna ku simaha madaxweyanaha, Prof. Maxamed Cismaan Jawaari iyo ra'iisul wasaare, Cabdi Faarax Shir-doon (Saacid) ayaa maanta siyaabo kala duwan ula kulmay wafdi ka socday dalalka Yurub.

Kulankan wafdigan iyo madaxda dowladda Soomaaliya dhexmaray ayaa ahaa mid albaabbadu u xirnaayeen oo aysan saxaafaddu ka qaybgelin, balse markii uu soo dhammaaday ayaa waxay xubnihii hadlay sheegeen in kulammada intooda badan looga hadlay sidii Midowga Yurub ay u caawin lahaayeen Soomaaliya.

Guddoomiyaha baarlamaanka ayaa u sheegay safiiradda dalalka Yurub in Soomaaliya ay doonayso in loo caawiyo si ka duwan sidii hore kana mug weyn, iyadoo xubnihii ka socday Midowga Yurub ay ballanqaadeen inay u caawinayaan Soomaaliya si ka duwan sidii hore.

Intaas kaddib waxay wafdi la kulmeen ra'iisul wasaaraha Soomaaliya, Cabdi Faarax Shir-doon (Saacid) iyagoo ku bogaadiyay dowladda uu soo dhisay iyo qaybta ay ka heleen haweenka, iyagoo sheegay inay ka go'an tahay inay caawiyaan Soomaaliya.

"Waxaan diyaar u nahay inaan si ka wanaagsan sidii hore u garab-istaagi doonaano dowladda cusub ee Soomaaliya," ayuu yiri mas'uul u hadlay wafdiga Yurub oo intaa ku daray: "Soomaaliya rajo wanaagsan ayaa ka muuqato, waxaana la joogaan xilligii la garab-istaagi lahaa."

Safiirrada Midowga Yurub ayaa sidoo kale soo dhaweeyay habka uu ku shaqeynayo baarlamaanka Soomaaliya, kaasoo ay ku sheegeen inay tahay si waafaqsan dimuqraadiyadda caalamka ka jira.

Ugu dambeyn, ra'iisul waasaraha Soomaaliya ayaa sheegay inuu ku faraxsan yahay in maanta uu la kulmo wafdi ka socda Midowga Yurub, isagoo hoosta ka xariiqay inay u caddeeyeen in Yurub ay diyaar u tahay inay caawiso dowladda Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya








Click here
11/27/2012 10:40 AM EST
Talaado, November 27, 2012 (HOL)- Hal qof ayaa ku dhintay laba kalena waa dhaawac ka dib markii ciidanka la socda sanaaduuqda degmadda Lughaya lageeyey ay rasaas ku fureen dadweyne ku soo ururay goobtii sanaduuqda ladhigay.

11/27/2012 9:30 AM EST
Talaado November 27, 2012 (HOL) Ra’iisul Wasaare ku Xigeenka ahna Wasiiradda Arimaha Dibedda ee Soomaaliya Marwo Fawsiya Yuussuf Xaaji Aadan ayaa magaalada Nayroobi kula kulantay Wasiirka Arimaha Dibedda Kenya Proff Samson Ongeri kaasi oo ay...

11/27/2012 7:29 AM EST
Talaado, November 27, 2012 (HOL) — Rag bastoolado ku hubeysan ayaa goor dhaw bartamaha magaalada Baladweyne ku toogtay guddoomiyihii gollaha odayaasha dhaqanka gobollka Hiiraan nabadoon Max’ed Shiikh Xusseen Maryacade.

11/27/2012 7:15 AM EST
Talaado, November 27, 2012 (HOL) — Ciidamada ammaanka dowladda Soomaaliya ayaa maanta ku guuleysatay inay toddoba isbaaro ka qaadaan degmooyin ka tirsan gobolka Banaadir, iyadoo sidoo kalena ay ciidamadu qabteen kooxihii isbaarooyinka ay u yaalleen degmooyinkaas iyo dabley kale.

11/27/2012 6:46 AM EST
Talaado, November 27, 2012 (HOL) — Afhayeenka ciidamada AMISOM, Col. Cali Aadan Xumud ayaa sheegay in ciidamada dalka Itoobiya ee ku sugan Baladweyne ay dib ugu laaban doonaan xuduudda ay Soomaaliya iyo Kenya wadaan markii ay ciidamada Jabuuti kala wareegaan howgalka.

11/27/2012 6:46 AM EST
Talaado, November 27, 2012 (HOL) — Tababar socon doona muddo lix maalmood ah oo sare loogu qaadayo aqoonta Injineerrada,Shaqaalaha Maamulka Mashaariicda (Procurment), iyo Shaqaalaha waaxyaha Hawlaha Guud iyo Qorshaynta degmooyinka gobolka Banaadir ayaa ka furmay maanta oo Talaado ah magaalada Muqdisho, waxaana tababarkan fulinaysa hay'adda shaqaalaha aduunka ee ILO.

11/27/2012 6:02 AM EST
Talaado, November 27, 2012 (HOL) — Horyaalkii 13-aad Kubadda Gacanta ayaa ka furmay garoonka 1da Luulyo (Ex-Lugino) ee Magaalada Muqdisho. Iyadoo ay kasoo qeyb-galeen furitaanka tartarkan mas`uuliyiin ka socotay wasaaradda Isboortiga, maamulka gobolka Banaadir, GOS iyo madaxda xiriirrada kala duwan.

11/27/2012 5:54 AM EST
Talaado, November 27, 2012 (HOL) — Booliiska Kenya ayaa sheegay inay qabteen ruuxa ay uga shakisan yihiin inuu ka dambeeyay dilkii saddex askari oo Kenyan ah toddobaadkii hore loogu geystay degmada Gaarisa ee gobolka Waqooyi-bari.

11/27/2012 5:49 AM EST
Talaado, November 27, 2012 (HOL) — Wefti u hogaaminay gudoomiye ku xigeenka 1aad ee urur siyaasadeedka XAQSOOR oo xalay maleeshiyo ka tirsan Khaatumo State ku afduubteen meel u dhow degmada xudun ee gobolka Sool, ayaa saacado ka dib xoriyadoodii dib loogu soo celiyey.

11/27/2012 3:23 AM EST
Talaado, November 27, 2012 (HOL) —Ciidamada dowladda Soomaaliya oo kaashanaya kuwa Raaskaamboni ayaa ka wada xaafadaha magaalada Kismaayo howlgallo baaritaanno ah, iyadoona howlgalladaasi lagu qabqabtay dad fara badan.

11/27/2012 12:45 AM EST
Talaado, November 27, 2012 (HOL) — Dowladda Uganda oo horraantii bishan ku goodisay inay ciidamadeeda Soomaaliya ku sugan kala baxayso haddii aan laga laaban eedeyn uu u soo jeediyay golaha ammaanka ee Qaramada Midoobay oo ah inay taageeraan jabahad ka dagalaanta dalka DR Congo ayaa sheegtay inay 2,000 oo askari oo dheeraad ah ay ku xoojinayso howgalka AMISOM ee Soomaaliya.