10/22/2019
Today from Hiiraan Online:  _
Wararka Maanta- Talaado, Nov 27, 2012
Hay'adda ILO oo Muqdisho ka Furtay Tababar lagu Tayeynayo Injineerrada Degmooyinka Gobolka Banaadir


Talaado, November 27, 2012 (HOL) — Tababar socon doona muddo lix maalmood ah oo sare loogu qaadayo aqoonta Injineerrada,Shaqaalaha Maamulka Mashaariicda (Procurment), iyo Shaqaalaha waaxyaha Hawlaha Guud iyo Qorshaynta degmooyinka gobolka Banaadir ayaa ka furmay maanta oo Talaado ah magaalada Muqdisho, waxaana tababarkan fulinaysa hay'adda shaqaalaha aduunka ee ILO.

Tababarkan ayaa  qayb ka ah Mashruuc JPLG oo ay ku bahoobeen Shan hayádood oo Qarmaida midoobay ka tirsan oo kala ah ILO, UNCDF,UNDP, UNICEF iyo UNHABITAT. Mashruucan ayaa ka hirgalay Degmooyin ka tirsan gobolada Somaliland iyo Puntland. Hadafka Hindisaha Masrhuucan ayaa ah in Kor loo qaado Maamulka Dawladaha Hoose lana baahiyo Khadamaadka asaasiga u ah Muwadiniinta  ayadoo loo marayo siyaad iyo shuruuc Qeexan, teyenta hayádaha iyo shaqaalaha iyo hormarinta habka khadamaadka loo gaarsiiyo shacabka.

Inta  uu socdo Tababarkan, Waxaa labari doona injineerradu iyo kaafaaidaystaasha kale casharro ku saabsan habka loo sameeyo qiimeynta dhismayaasha iyo sidii howlahooda ay u noqon lahaayeen mid ay ka faa'iideystaan bulshada inteeda kale.

"Dhammaan Soomaaliya ayaa mashaariicdan laga soo qabtay, waxaana loogu talo-galay in lagu tababaro injineerrada degmooyinka iyo saraakiisha Maamulka Mashaaricda arrimo Farsamo oo la xariira habka engineerinka, xuquuda shaqaalaha, Qiimaynta saamaynta Maashaaricda hormarineed ku leedahay deegaanka, Maamulka Qandaraaska, wadashaqaynta bulshada iyo qabka xogbixinta," ayuu yiri C/maalik Jaamac Maxamed oo ah sarkaal ka socda ILO oo ka hadlay tababarkan maanta furmay.

"Qorshaha howshan laga leeyahay waa in bulshada ku dhaqan degmooyinka gobolka Banaadir laga caawiyo horumarinta awoodda shaqo iyo sidii adeegyada loo gaarsiin lahaa shacabka degmooyinkaas ku nool," ayuu yiri mas'uul ka socday ILO.

Mashruucan ayaa wuxuu socday muddo shan sano ah oo ku eg sanadan dhammadka ah, balse mas'uulka ka socda ILO wuxuu hoosta ka xarriiqay in mid la mid ah mashruucan la billaabi doono sannadka soo socda ee 2013. Doorka ILO ee Mashruucan ayaa wuxuu yahay in la kobciyo dhaqaalaha maxalliga ah, iyo in shaqo Hufan la hal abuuro hormarinta Kaabayasha Dhaqalaha lana awoodsiiyo hayádaha dawliga iyo kuwa gaarka looleeyahay.

"Waxaan u mahadcelinaynaa maamulka gobolka Banaadir oo gacan nagu siiyay sidii ay howshan u fuli lahayd," ayuu yiri C/maalik oo sheegay inuu rajeynayo in xubnaha ka faa'iideysanaya tababarkan ay wax badan faa'iideysan doonaan.

Intaas kaddib, waxaa isaguna goobta ka hadlay, Inj. Cabdi Geeddi Jaamac iyo Inj. C/risaaq Maxamed Nuur iyadoo labaduba ay sheegeen in tababarkan uu yahay mid faa'iido badan u leh shacabka Soomaaliyeed,gaar ahaan maamulka gobolka Banaadir.

Tababarkan oo ay ka qayb-galayaan 20 xubnood oo ka socda degmooyinka gobolka Banaadir, kuwaasoo u badan Injineerro, waxaana tababarkan uu socon doonaa illaa maalinta Isniinta ah ee soo socota.

Ugu dambeyn, waxaa tababarka furay mas'uul ka tirsan gobolka Banaadir oo lagu magacaabo,Eng Maxamed Cabdulqaadir, wuxuuna goobta ka sheegay in tababarkan uu yahay mid qiimo weyn ugu fadhiya Injineerrada degmooyinka gobolka Banaadir.


Maxamed Xaaji Xuseen, Hiiraan Online
[email protected]
Muqdisho, Soomaaliya










Click here
11/27/2012 10:40 AM EST
Talaado, November 27, 2012 (HOL)- Hal qof ayaa ku dhintay laba kalena waa dhaawac ka dib markii ciidanka la socda sanaaduuqda degmadda Lughaya lageeyey ay rasaas ku fureen dadweyne ku soo ururay goobtii sanaduuqda ladhigay.

11/27/2012 9:30 AM EST
Talaado November 27, 2012 (HOL) Ra’iisul Wasaare ku Xigeenka ahna Wasiiradda Arimaha Dibedda ee Soomaaliya Marwo Fawsiya Yuussuf Xaaji Aadan ayaa magaalada Nayroobi kula kulantay Wasiirka Arimaha Dibedda Kenya Proff Samson Ongeri kaasi oo ay...

11/27/2012 8:38 AM EST
Talaado, November 27, 2012 (HOL) — Guddoomiyaha baarlamaanka Soomaaliya ahna ku simaha madaxweyanaha, Prof. Maxamed Cismaan Jawaari iyo ra'iisul wasaare, Cabdi Faarax Shir-doon (Saacid) ayaa maanta siyaabo kala duwan ula kulmay wafdi ka socday dalalka Yurub.

11/27/2012 7:29 AM EST
Talaado, November 27, 2012 (HOL) — Rag bastoolado ku hubeysan ayaa goor dhaw bartamaha magaalada Baladweyne ku toogtay guddoomiyihii gollaha odayaasha dhaqanka gobollka Hiiraan nabadoon Max’ed Shiikh Xusseen Maryacade.

11/27/2012 7:15 AM EST
Talaado, November 27, 2012 (HOL) — Ciidamada ammaanka dowladda Soomaaliya ayaa maanta ku guuleysatay inay toddoba isbaaro ka qaadaan degmooyin ka tirsan gobolka Banaadir, iyadoo sidoo kalena ay ciidamadu qabteen kooxihii isbaarooyinka ay u yaalleen degmooyinkaas iyo dabley kale.

11/27/2012 6:46 AM EST
Talaado, November 27, 2012 (HOL) — Afhayeenka ciidamada AMISOM, Col. Cali Aadan Xumud ayaa sheegay in ciidamada dalka Itoobiya ee ku sugan Baladweyne ay dib ugu laaban doonaan xuduudda ay Soomaaliya iyo Kenya wadaan markii ay ciidamada Jabuuti kala wareegaan howgalka.

11/27/2012 6:02 AM EST
Talaado, November 27, 2012 (HOL) — Horyaalkii 13-aad Kubadda Gacanta ayaa ka furmay garoonka 1da Luulyo (Ex-Lugino) ee Magaalada Muqdisho. Iyadoo ay kasoo qeyb-galeen furitaanka tartarkan mas`uuliyiin ka socotay wasaaradda Isboortiga, maamulka gobolka Banaadir, GOS iyo madaxda xiriirrada kala duwan.

11/27/2012 5:54 AM EST
Talaado, November 27, 2012 (HOL) — Booliiska Kenya ayaa sheegay inay qabteen ruuxa ay uga shakisan yihiin inuu ka dambeeyay dilkii saddex askari oo Kenyan ah toddobaadkii hore loogu geystay degmada Gaarisa ee gobolka Waqooyi-bari.

11/27/2012 5:49 AM EST
Talaado, November 27, 2012 (HOL) — Wefti u hogaaminay gudoomiye ku xigeenka 1aad ee urur siyaasadeedka XAQSOOR oo xalay maleeshiyo ka tirsan Khaatumo State ku afduubteen meel u dhow degmada xudun ee gobolka Sool, ayaa saacado ka dib xoriyadoodii dib loogu soo celiyey.

11/27/2012 3:23 AM EST
Talaado, November 27, 2012 (HOL) —Ciidamada dowladda Soomaaliya oo kaashanaya kuwa Raaskaamboni ayaa ka wada xaafadaha magaalada Kismaayo howlgallo baaritaanno ah, iyadoona howlgalladaasi lagu qabqabtay dad fara badan.

11/27/2012 12:45 AM EST
Talaado, November 27, 2012 (HOL) — Dowladda Uganda oo horraantii bishan ku goodisay inay ciidamadeeda Soomaaliya ku sugan kala baxayso haddii aan laga laaban eedeyn uu u soo jeediyay golaha ammaanka ee Qaramada Midoobay oo ah inay taageeraan jabahad ka dagalaanta dalka DR Congo ayaa sheegtay inay 2,000 oo askari oo dheeraad ah ay ku xoojinayso howgalka AMISOM ee Soomaaliya.