11/19/2018
Today from Hiiraan Online:  _
Wararka Maanta- Isniin, May 28, 2012
Maamulka Puntland oo sheegay inay qabteen 11-burcadbadeed ah oo uu ku jiray nin ay si aad ah u Raadinayeen


Isniin, May 28, 2012 (HOL) — Maamulka Puntland ayaa sheegay in ciidamadooda ammaanku xirneen 11-burcadbadeed Soomaaliyeed ah, kuwaasoo watay hub isugu jira qoryaha fudud, kuwa culus iyo gaari.

Burcadbadeedda Soomaalida ayaa ku caan-baxay inay qabsadaan maraakiibta si ay uga helaan malaayiin dollar oo madaxfurasho lacageed ah, waxaana lagu qiyaasay lacagta ay madaxfurasho ahaanta u helaan sannad walba 150-milyan oo dollarka Mareykanka ah.

"Aroornimadii hore ee Axadda... howlgal ay ciidammada booliiska badda ee Puntland ka sameeyeen deegaanka xaafuun ee gobolka Bari waxay kusoo xireen 11-ruux oo burcadbadeed ah," ayuu yiri wasiirka ammaanka Puntland, Khaliif Ciise Mudan.

Wasiirku wuxuu sheegay in kooxdan burcadbadeedda ah ee la qabtay uu ku jiray nin ay si aad ah u doon-doonayeen oo lagu magacaabo Maxamed Maxamuud Maxamed Xasan oo ku magac-dheer (Dhafoor), kaasoo uu sheegay inuu kaalin weyn ku lahaa afduubyo maraakiib ganacsi loogu geystay badda cas.

"Raggan waxaa lagu qabtay toddoba qori oo kuwa fudud ah iyo qori culus oo nooca daran-doorriga u dhaca ah," ayuu yiri wasiirka oo sheegay in raggan ay xiran yihiin lana soo taagi doono maxkamad.

Maamulka Puntland wuxuu sheegay in Xasan Dhafoor uu qayb ka ahaa kooxo dilay shan ka tirsan ciidamada ammaanka Puntland xilli uu socday howgal lagu doonayay in lagu soo furto qoys Daanish oo afduub loogu haystay Puntland sannadkii hore.

Puntland waxaa ku yaalla deegaannada ugu badan ee kooxaha burcadbadeedda ah ay ku leeyihiin saldhigyada ay ka duulaan, balse maamulka Puntland wuxuu wadaa olole uu ku doonayo inuu deegaannadiisa uga cirib-tiro burcadbadeedda.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/28/2012 8:22 AM EST
Isniin, May 28, 2012 (HOL) — AMISOM ayaa sheegtay in ciidamadooda iyo kuwa DKMG ah oo iskaashanaya ay sugeen ammaanka deegaannada ku yaalla inta u dhexeysa magaalada Muqdisho iyo degmada Afgooye ee gobolka Shabeellada Hoose.

5/28/2012 7:49 AM EST
Isniin, May 28, 2012 (HOL) — Qarax weyn oo ka dhacay magaalada Nairobi ee xarunta dalka Kenya ayaa waxaa ku dhaawacmay 35-qof oo shan ka mid ah la sheegay in dhaawacyadoodu yihiin kuwo culus.

5/28/2012 6:40 AM EST
Isniin, May 28, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa dhagax dhigay Madaarka Caalamiga ah Cigaal ee magaaladda Hargaysa oo laga bilaabay hawl dib loogu hagaajinayo madaarka, isla markaana laga dhigayo mid casri ah oo la jaanqaada madaarada caalamiga ah ee aduunka.

5/28/2012 6:38 AM EST
Isniin, May 28, 2012 (HOL) — Warar goor dhaw naga soo gaaray degmada Cadaado ee gobolka Galguduud ayaa sheegaya in dagaal khasaare sababta uu dhex-martay xoogag ka kala tirsan Ahlusunna Waljameeca iyo maamulka Ximin iyo Xeeb oo ka dhisan bartamaha Soomaaliya.

5/28/2012 6:34 AM EST
Isniin, May 28, 2012 (HOL) — Ra'iisul wasaaraha Soomaaliya, C/weli Maxamed Cali ayaa maanta oo Isniin ah kula kulmay magaalada Nairobi ee dalka Kenya dhiggiisa dalkaas, Raila Odinga iyagoo kawada hadlay arrimo ay ka mid yihiin xiriirka labada dal, arrimaha amniga iyo howlgallada ka socda Soomaaliya oo ay ciidamada Kenya qaybta ka yihiin.

5/28/2012 6:24 AM EST
Isniin, May 28, 2012 (HOL) — Ciidamada dowladda KMG oo garab ka helaya kuwa Kenya iyo Xarakada Al-shabaab ayaa saaka aroortii ku dagaalamay deegaanka Qooqaani ee gobolka Jubada Hoose, iyadoona dagaalkaasi uu ahaa mid aad u culus oo ay labada dhinac isu adeegsanayeen hubka noocyadiisa kala duwan.

5/28/2012 3:59 AM EST
Isniin, May 28, 2012 (HOL) — Kooxo bastoolado ku hubeysan ayaa xalay ku dilay degmada Wardhiigley ee gobolka Banaadir mid ka mid ah guddoomiye waaxeedyada maamulka degmadaas, iyadoo dilkan uu imaanayo xilli ay ciidamada dowladda KMG ah iyo kuwa AMISOM qabsadeen degmada Afgooye oo 30-km u jirta Muqdisho.

5/28/2012 3:38 AM EST
Isniin, May 28, 2012 (HOL) — Afhayeenka Xarakada Al-Shabaab, Sheekh C/casiis Abuu-Muscab oo la hadlay idaacadda ku hadasha afka Al-shabaab ee Andulus ayaa sheegay inuu weji cusub galay dagaalka ay kula jiraan ciidamada AMISOM iyo kuwa DKMG ah ee Soomaaliya.

5/28/2012 3:26 AM EST
Isniin, May 28, 2012 (HOL) — Wasiirka arrimaha dibadda ee dalka Turkiga, Ahmet Davutoğlu ayaa sheegay in Turkiga aysan wax dano dhaqaale iyo mid siyaasadeed ah ka lahayn Soomaaliya, sidoo kalena aysan u arag meel ay khatar weyn oo dhinaca ammaanka ah ka jirto.