3/28/2024
Today from Hiiraan Online:  _
Wararka Maanta- Isniin, May 28, 2012
Ciidamada Dowladda KMG oo Kaashanaya kuwa Kenya iyo Xoogagga Al-shabaab oo ku dagaalamay Gobolka Jubbada Hoose

Isniin, May 28, 2012 (HOL) — Ciidamada dowladda KMG oo garab ka helaya kuwa Kenya iyo Xarakada Al-shabaab ayaa saaka aroortii ku dagaalamay deegaanka Qooqaani ee gobolka Jubada Hoose, iyadoona dagaalkaasi uu ahaa mid aad u culus oo ay labada dhinac isu adeegsanayeen hubka noocyadiisa kala duwan.

Dagaalka ayaa yimid kadib markii askar katirsan dagaalyahannada Al-shabaab ay weerar ku qaadeen saldhig ay ciidamada huwanta ah ku lahaayeen duleedka deegaanka Qooqaani, waxaana labada dhinac dhex maray dagaal socday ku dhowaad hal saac oo xiriir ah.

Inta la ogyahay Dagaalka ayaa waxa ku dhimatay sedex qof oo dhinacyadii dagaalamay ah, ku dhowaad 10 kalena dhaawacyo ayaa kasoo gaaray, sida ay noo xaqiijiyeen goobjoogayaal ku sugan deegaanka Qooqaani.

Sargaal lagu magacaabo Axmed Max'uud Max'ed Sayid Carab oo kamid ah saraakiisha ciidamada dowladda ayaa sheegay in dagaalyahannadii weerarka kusoo qaaday ay ahaayeen kuwo carcartooda qaba ayna u maleynayaan in ay yihiin kuwii laga soo qabsaday degmada Afgooye sida uu hadalka u yiri.

Xaaladda deegaanka Qooqaani ayaa haatan ah mid dagan, waxaana labada ciidan ay isku horfadhiyaan duleedka deegaanka Qooqaani ee gobolka Jubada Hoose.

Dagaalkani ayaa kusoo beegmaya xilli ay dagaallo ba'an ka jiraan inta badan gobollada Dalka Soomaaliya, dagaaladaas oo u dhexeeya xoogagga Al-shabaab iyo Ciidamada dowladda KMG oo kaashanaya Ahlusunna Waljameeca, Raaskaambooni iyo weliba ciidamo ka socdo dalal kale oo ajnabi ah.

Xasan Nuur, Hiiraan Online
[email protected]
Kismaayo, Soomaaliya













Click here
5/28/2012 8:22 AM EST
Isniin, May 28, 2012 (HOL) — AMISOM ayaa sheegtay in ciidamadooda iyo kuwa DKMG ah oo iskaashanaya ay sugeen ammaanka deegaannada ku yaalla inta u dhexeysa magaalada Muqdisho iyo degmada Afgooye ee gobolka Shabeellada Hoose.

5/28/2012 7:57 AM EST
Isniin, May 28, 2012 (HOL) — Maamulka Puntland ayaa sheegay in ciidamadooda ammaanku xirneen 11-burcadbadeed Soomaaliyeed ah, kuwaasoo watay hub isugu jira qoryaha fudud, kuwa culus iyo gaari.

5/28/2012 7:49 AM EST
Isniin, May 28, 2012 (HOL) — Qarax weyn oo ka dhacay magaalada Nairobi ee xarunta dalka Kenya ayaa waxaa ku dhaawacmay 35-qof oo shan ka mid ah la sheegay in dhaawacyadoodu yihiin kuwo culus.

5/28/2012 6:40 AM EST
Isniin, May 28, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa dhagax dhigay Madaarka Caalamiga ah Cigaal ee magaaladda Hargaysa oo laga bilaabay hawl dib loogu hagaajinayo madaarka, isla markaana laga dhigayo mid casri ah oo la jaanqaada madaarada caalamiga ah ee aduunka.

5/28/2012 6:38 AM EST
Isniin, May 28, 2012 (HOL) — Warar goor dhaw naga soo gaaray degmada Cadaado ee gobolka Galguduud ayaa sheegaya in dagaal khasaare sababta uu dhex-martay xoogag ka kala tirsan Ahlusunna Waljameeca iyo maamulka Ximin iyo Xeeb oo ka dhisan bartamaha Soomaaliya.

5/28/2012 6:34 AM EST
Isniin, May 28, 2012 (HOL) — Ra'iisul wasaaraha Soomaaliya, C/weli Maxamed Cali ayaa maanta oo Isniin ah kula kulmay magaalada Nairobi ee dalka Kenya dhiggiisa dalkaas, Raila Odinga iyagoo kawada hadlay arrimo ay ka mid yihiin xiriirka labada dal, arrimaha amniga iyo howlgallada ka socda Soomaaliya oo ay ciidamada Kenya qaybta ka yihiin.

5/28/2012 3:59 AM EST
Isniin, May 28, 2012 (HOL) — Kooxo bastoolado ku hubeysan ayaa xalay ku dilay degmada Wardhiigley ee gobolka Banaadir mid ka mid ah guddoomiye waaxeedyada maamulka degmadaas, iyadoo dilkan uu imaanayo xilli ay ciidamada dowladda KMG ah iyo kuwa AMISOM qabsadeen degmada Afgooye oo 30-km u jirta Muqdisho.

5/28/2012 3:38 AM EST
Isniin, May 28, 2012 (HOL) — Afhayeenka Xarakada Al-Shabaab, Sheekh C/casiis Abuu-Muscab oo la hadlay idaacadda ku hadasha afka Al-shabaab ee Andulus ayaa sheegay inuu weji cusub galay dagaalka ay kula jiraan ciidamada AMISOM iyo kuwa DKMG ah ee Soomaaliya.

5/28/2012 3:26 AM EST
Isniin, May 28, 2012 (HOL) — Wasiirka arrimaha dibadda ee dalka Turkiga, Ahmet Davutoğlu ayaa sheegay in Turkiga aysan wax dano dhaqaale iyo mid siyaasadeed ah ka lahayn Soomaaliya, sidoo kalena aysan u arag meel ay khatar weyn oo dhinaca ammaanka ah ka jirto.