9/25/2018
Today from Hiiraan Online:  _
Wararka Maanta- Isniin, May 28, 2012
Afhayeenka Al-shabaab oo sheegay in dagaalka ay kula jiraan AMISOM iyo Dowladda KMG ah uu weji cusub galay


Isniin, May 28, 2012 (HOL) — Afhayeenka Xarakada Al-Shabaab, Sheekh C/casiis Abuu-Muscab oo la hadlay idaacadda ku hadasha afka Al-shabaab ee Andulus ayaa sheegay inuu weji cusub galay dagaalka ay kula jiraan ciidamada AMISOM iyo kuwa DKMG ah ee Soomaaliya.

Sheekh C/casiis ayaa sheegay in xeeladda cusub ee dagaal ay ku naafeyn doonaan ciidamada dowladda KMG ah iyo kuwa AMISOM, wuxuuna hadalkan kusoo beegay xilli maalmo ka hor laga qabsaday degmada Afgooye oo awood badan ku lahaayeen.

"Wajiga dagaal ee cusub waa mid aan ugu talogalnay inaan ku naafeynno cadowga, xeealadan dagaalna ma ahan mid horay naloogu arki jiray, waxaana qorshayeennu yahay inaan qabsanno goobihii ay kasoo duulaan-tageen," ayuu yiri afhayeenka u hadlay Al-shabaab.

Inkastoo afhayeenkan aan la sheegin goob uu ku sugan yahay, ayaa wuxuu kusoo beegmayaa hadalkiisa xilli ay DKMG ah iyo AMISOM sheegeen inay adkeeyeen ammaanka degmada Afgooye iyo deegaannada ku dhow-dhow.

"Degmooyinka Muqdisho ee ay ciidamadan kasoo duuleen waa faaruq, sida degmada Dayniile, waxaana naga go'an inaan halkaas dib ugu laabanno," ayuu afhayeenku ku daray hadalkiisa.

Dhanka kale, saraakiisha dowladda KMG ah ayaa sheegay inay degmada Afgooye ka billaabi doonaan maanta howlgallo lagu adkeynayo ammaanka, iyagoo sheegay inay ka howlgeli doonaan degmadaas hay'adhaa ammaanka ee dowladda sida booliiska iyo nabadsugidda.

Xarakada Al-shabaab ayaa waxaa tan iyo sannadkan laga qabsaday degmooyin kala duwan, waxayna markii ay ka baxeen degmo walba oo degmooyinkaas ka mid ah ay sheegeen inay uga baxeen xeelad dagaal ayna dib u qabsan doonaan, mana jirto degmo ay dib u qabsadeen.

Maxamed Xaaji Xuseen, Hiiraan Online
[email protected]
Muqdisho, Soomaaliya







Click here
5/28/2012 8:22 AM EST
Isniin, May 28, 2012 (HOL) — AMISOM ayaa sheegtay in ciidamadooda iyo kuwa DKMG ah oo iskaashanaya ay sugeen ammaanka deegaannada ku yaalla inta u dhexeysa magaalada Muqdisho iyo degmada Afgooye ee gobolka Shabeellada Hoose.

5/28/2012 7:57 AM EST
Isniin, May 28, 2012 (HOL) — Maamulka Puntland ayaa sheegay in ciidamadooda ammaanku xirneen 11-burcadbadeed Soomaaliyeed ah, kuwaasoo watay hub isugu jira qoryaha fudud, kuwa culus iyo gaari.

5/28/2012 7:49 AM EST
Isniin, May 28, 2012 (HOL) — Qarax weyn oo ka dhacay magaalada Nairobi ee xarunta dalka Kenya ayaa waxaa ku dhaawacmay 35-qof oo shan ka mid ah la sheegay in dhaawacyadoodu yihiin kuwo culus.

5/28/2012 6:40 AM EST
Isniin, May 28, 2012 (HOL) — Madaxweynaha Somaliland, Axmed Maxamed Maxamuud (Siilaanyo) ayaa dhagax dhigay Madaarka Caalamiga ah Cigaal ee magaaladda Hargaysa oo laga bilaabay hawl dib loogu hagaajinayo madaarka, isla markaana laga dhigayo mid casri ah oo la jaanqaada madaarada caalamiga ah ee aduunka.

5/28/2012 6:38 AM EST
Isniin, May 28, 2012 (HOL) — Warar goor dhaw naga soo gaaray degmada Cadaado ee gobolka Galguduud ayaa sheegaya in dagaal khasaare sababta uu dhex-martay xoogag ka kala tirsan Ahlusunna Waljameeca iyo maamulka Ximin iyo Xeeb oo ka dhisan bartamaha Soomaaliya.

5/28/2012 6:34 AM EST
Isniin, May 28, 2012 (HOL) — Ra'iisul wasaaraha Soomaaliya, C/weli Maxamed Cali ayaa maanta oo Isniin ah kula kulmay magaalada Nairobi ee dalka Kenya dhiggiisa dalkaas, Raila Odinga iyagoo kawada hadlay arrimo ay ka mid yihiin xiriirka labada dal, arrimaha amniga iyo howlgallada ka socda Soomaaliya oo ay ciidamada Kenya qaybta ka yihiin.

5/28/2012 6:24 AM EST
Isniin, May 28, 2012 (HOL) — Ciidamada dowladda KMG oo garab ka helaya kuwa Kenya iyo Xarakada Al-shabaab ayaa saaka aroortii ku dagaalamay deegaanka Qooqaani ee gobolka Jubada Hoose, iyadoona dagaalkaasi uu ahaa mid aad u culus oo ay labada dhinac isu adeegsanayeen hubka noocyadiisa kala duwan.

5/28/2012 3:59 AM EST
Isniin, May 28, 2012 (HOL) — Kooxo bastoolado ku hubeysan ayaa xalay ku dilay degmada Wardhiigley ee gobolka Banaadir mid ka mid ah guddoomiye waaxeedyada maamulka degmadaas, iyadoo dilkan uu imaanayo xilli ay ciidamada dowladda KMG ah iyo kuwa AMISOM qabsadeen degmada Afgooye oo 30-km u jirta Muqdisho.

5/28/2012 3:26 AM EST
Isniin, May 28, 2012 (HOL) — Wasiirka arrimaha dibadda ee dalka Turkiga, Ahmet Davutoğlu ayaa sheegay in Turkiga aysan wax dano dhaqaale iyo mid siyaasadeed ah ka lahayn Soomaaliya, sidoo kalena aysan u arag meel ay khatar weyn oo dhinaca ammaanka ah ka jirto.