11/19/2018
Today from Hiiraan Online:  _
Wararka Maanta- Jimco, May 25, 2012
Mahiga oo sheegay in shirkii Addis ababa lagu qabtay uu guul ku soo dhammaaday


mahiga maanta.jpg


Jimco, May 25, 2012 (HOL) - Ergayga gaarka ah ee xogyaha guud ee qaramada midoobay u qaabilsan arrimaha Soomaaliya Agustin Mahiga ayaa sheegay in shirkii ka dhacay magaalada Addis ababa uu ahaa mid guul ku dhammaaday heshiisna laga gaaray, waxyaabihii muranka dhaliyay ee ay isku fahmi waayeen hogaamiyayaasha Soomaalida.

Mahiga ayaa sheegay in qodobada ugu muhiimsan ee heshiiska laga gaaray ay yihiin meelmarinta dastuurka qabyada, soo afjarida xilliga ku meel gaarka ah , soo xulida xubnaha ansixinaya dastuurka iyo baarlamaanka cusub.

Mahiga ayaa markale digniin u jeediyay xubno uu ku tilmaamay qas wadayaal oo uu sheegay inuu arrintooda u gudbiyay golaha ammaanka ee qaramada midoobay.

“Waxaan u jeedinay digniin, taasina waxay keentay mira dhal, waayo waxaan aragnay in qaswadayaashii ay bilaabeen inay aamusaan” ayuu sii raaciyay Mahiga oo qoslayay.

Waxaa sidoo kale suu heegay in lasoo afjaray madmadowgii u dhexeeyay dawlada ku meel gaarka ah iyo dawlad goboleedka Puntland.

“Shirkii ay ku kulmeen Addis ababa hogaamiyayaasha Soomaalidu wuxuu ahaa mid cajiib ah, mar marka qaarna laga doodayay arrimo xasaasiya” ayuu sii raaciyay hadalkiisa.

Shirka jaraa’id ee uu Mahiga maantay ku qabtay magaalada Nairobi ayaa yimid kadib markii Addis ababa lagu soo gabagaboobay shir muhiim ah oo hogaamiyayaasha Soomaalida ay heshiis kaga gaarayeen mustaqbalka dalka, kaasoo ay gar wadeen ka ahayd qaramada midoobay.

Axmed C/samad, Hiiraan Online
[email protected]
Nairobi , Kenya







Click here
5/25/2012 9:54 AM EST
Jimco, May 25, 2012 (HOL) - Wararkii ugu dambeeyay ee ka imaanaya magaalada Afgooye oo ay hareereeyeen ciidamada AMISOM iyo kuwa Soomaaliya markii ay halkaas ka baxeen Alshabaab shalay ayaa sheegaya in haatan ay magaalada gudaha u galeen ciidamada is kaashanaya.

5/25/2012 4:44 AM EST
Jimco, May 25, 2012 (HOL) — Ugu yaraan saddex qof ayaa ku dhintay sideed qof oo kalena way ku dhaawacmeen qaraxyo xalay iyo saakay ka kala dhacay degmada Gaalkacyo ee gobolka Mudug ee Soomaaliya iyo xeryaha Qoxootiga Dhadhaab ee dalka Kenya.

5/25/2012 4:16 AM EST
Jimco, May 25, 2012 (HOL) — Maxkamadda gobolka Banaadir ayaa ku xukuntay 30-sano oo xabsi ah, Axmed Salaad Xuseen horraantii sannadkan toogasho ku dilay laba shaqaaale ah oo ka tisranaa hay'adda MSF, kuwaasoo u kala dhasay dalalka Belgium iyo Indooniiisiya.

5/25/2012 3:52 AM EST
Jimco, May 25, 2012 (HOL) — Madaxweynaha Soomaaliya, Sheekh Shariif Sheekh Axmed iyo wafdi uu hoggaaminayo ayaa xalay gaaray dalka Koonfur Afrika, halkaas oo ay kaga qaybgalyaan shir looga hadlayo minimada Qaaradda Afrika.

5/25/2012 3:43 AM EST
Jimco, May 25, 2012 (HOL) — Ugu yaraan shan qof oo barakacayaal ah ayaa lagu dilay madaafiic lagu garaaceen deegaannada u dhexeeya Muqdisho iyo Afgooye oo oo shalay oo dhan ay dadku ka barakacayeen.

5/25/2012 3:11 AM EST
Jimco, May 25, 2012 (HOL) — Wararka aan saakay oo Jimco ah ka helayno degmada Afgooye ee gobolka Shabeellada hoose ayaa sheegaya in ciidamada dowladda KMG ah iyo kuwa AMISOM ay ku sugan yihiin duleedka degmadaas, xillli ay xoogaggii Al-shabaab faarujiyeen.